Hapet “drita jeshile” për “Korridorin Blu”/ Qeveria miraton kontratat koncesionare për tre segmente
Këshilli i Ministrave ka miratuar në mbledhjen e fundit të vitit 2024 kontratat e koncesionit /partneritet publik privat për projektimin, ndërtimin, operimin, mirëmbajtjen, rehabilitimin dhe transferimin e tre segmenteve rrugore pjesë e korridorit Adriatiko-Jonian, ose siç njihet ndryshe “Korridori Blu”. Kjo rrugë nis nga Miloti dhe përfundon në Fier dhe ka një gjatësi prej rreth 114 km. Ndërkohë, që më 30 qershor të këtij viti është hapur për qarkullimin segmenti nga Thumana deri në Kashar.
Referuar vendimit të Këshillit të Ministrave, aksi rrugor Milot-Thumanë 13,5 km i gjatë do të ndërtohet nga bashkimi i operatorëve ekonomikë “Gener 2”, sh.p.k., “Illyrian Consulting Engineers”, sh.p.k., dhe “I.D.K – Konstruksion”, sh.p.k. Koncesioni pritet të kushtojë 44,6 milionë euro pa TVSH dhe kohëzgjatja e kontratës do të jetë 35 vjet nga hyrja në fuqi e saj.
Aksi rrugor Kashar-Pezë-Lekaj me gjatësi 26,6 km do të ndërtohet nga bashkimi i operatorëve ekonomikë “Gjoka Konstruksion”, sh.a., “Junik”, sh.p.k., “Cobial”, sh.p.k., “Pepa Group”, sh.p.k., “Udha”, sh.p.k., “Geoportal”, sh.p.k., dhe “A&E Engineering”, sh.p.k. Koncesioni pritet të kushtojë 474,8 milionë euro pa TVSH dhe kohëzgjatja e kontratës do të jetë 35 vjet nga hyrja në fuqi e saj.
Ndërsa, aksi rrugor Lekaj-Konjat-Fier prej 46 km i gjatë do të ndërtohet nga bashkimi i operatorëve ekonomikë “Fusha”, sh.p.k., “Agbes Construksion”, sh.p.k., “Albavia”, sh.p.k., “Kupa”, sh.p.k., “Ante-Group”, sh.p.k., “Klodioda”, sh.p.k., “A.L.T.E.A. & Geostudio 2000”, sh.p.k., dhe “Sphaera”, sh.p.k. Koncesioni pritet të kushtojë 320 milionë euro pa TVSH dhe kohëzgjatja e kontratës do të jetë 35 vjet nga hyrja në fuqi e saj.
Korridori Adriatiko-Jonian, si pjesë e rrjetit europian TEN-T, përshkon Shqipërinë nga veriu në jug, duke lidhur vendin me Europën Qendrore dhe atë Juglindore në Greqi.
Sondazh
Krijohet kadastra e ullirit dhe vreshtit/ Informacion për 13 mijë njësi ullishte në qarqet Fier dhe Berat
Shqipëria do të ketë një kadastër të posaçme për ullirin dhe vreshtin. Në raportimin zyrtar të Ministrisë së Bujqësisë, mbi punën e bërë gjatë këtij viti, ......
Taksa e pasurisë “kalon” në 2025-ën/ Llogaritja bazuar në vlerën e tregut. Aktualisht taksohen vetëm rreth 797 mijë prona
Qeveria parashikon që në vitin 2025 të miratojë ligjin për taksimin e pasurive të paluajtshme bazuar në vlerën e tregut, taksë e cila do të aplikohet nga 1......
Fillim i vështirë i vitit për konsumatorët evropianë/ Ekspertët parashikojnë çmime më të larta të gazit
Çmimet e gazit në Evropë janë rritur me rreth 45% këtë vit, duke shtuar barrën mbi familjet dhe industrinë ndërsa përpiqen të rikuperohen nga kriza më e keqe......
OpenAI ka nevojë për më shumë kapital/ Bordi i kompanisë prezanton planin për t’u bërë fitimprurës
Kompania OpenAI njoftoi se, për të shkuar drejt një strukture të re fitimprurëse në vitin 2025, do të krijojë një korporatë me përfitim publik për të......
Fatkeqësitë klimatike më të kushtueshme të vitit 2024/ Vranë 2000 njerëz dhe shkaktuan 229 miliardë dollarë dëme
10 fatkeqësitë klimatike më të kushtueshme në botë të vitit 2024 shkaktuan 229 miliardë dollarë dëme dhe vranë 2000 njerëz, ka zbuluar analiza e fundit......
Kredia për blerje banese, me rritje në Nëntor/ Por, sektori privat është "shtysa" kryesore e rënies së kreditimit
Kredia e re që ka dhënë sektori bankar gjatë muajit Nëntor të këtij viti fiksohet në 24.4 miliardë lekë, tregojnë të dhënat më të fundit nga "Banka e......
Qeveria e SHBA rrezikon falimentin- Yellen, thirrje ligjvënësve të rrisin tavanin e borxhit deri më 14 janar
Departamenti i Thesarit në SHBA mund të detyrohet të marrë “masa të jashtëzakonshme” deri më 14 janar, për të parandaluar falimentimin e vendit në pagimin e......
Vendimi i qeverisë/ Miratohet koncesioni për Milot-Thumanë
Këshilli i Ministrave ka miratuar kontratën e koncesionit/partneritet publik privat, për projektimin, ndërtimin, operimin, mirëmbajtjen, rehabilitimin dhe......
