Hapen aplikimet për drejtor të INSTAT/ Kreut aktual, Elsa Dhuli, i përfundon mandati 5-vjeçar në nëntor 2025
Këshilli i Ministrave ka shpallur thirrjen për të aplikuar për pozicionin e drejtorit të Përgjithshëm të Institutit të Statistikave. Drejtori i Përgjithshëm i INSTAT-it kujdeset për të siguruar pavarësinë profesionale të institucioneve brenda sistemit kombëtar statistikor dhe drejton strategjinë e zhvillimit të tij. Ai drejton veprimtarinë koordinuese të aktiviteteve statistikore të prodhuesve brenda sistemit kombëtar statistikor, në përputhje me legjislacionin në fuqi.
Drejtori i Përgjithshëm i INSTAT-it emërohet nga Kuvendi, me propozimin e Këshillit të Ministrave, pas një procedure të hapur dhe publike përzgjedhëse.
Aplikanti duhet të plotësojë këto kritere: të jetë shtetas shqiptar, të ketë zotësi të plotë për të vepruar, të mos jetë i dënuar me vendim të formës së prerë për kryerjen e një krimi, apo për kryerjen e një kundërvajtjeje penale me dashje, ndaj tij të mos jetë marrë masë disiplinore e largimit nga institucionet e administratës publike, të ketë gradën shkencore “Doktor” në shkencat ekonomike ose ekzakte, të ketë përvojë pune për një periudhë jo më pak se 10 (dhjetë) vjet, si dhe të zotërojë gjuhën angleze.
Sipas njoftimit të Këshillit të Ministrave, afati i dorëzimit të aplikimit është deri më 29 gusht 2025. Aplikantët që plotësojnë kriteret i nënshtrohen vlerësimit të jetëshkrimit dhe një interviste të strukturuar me gojë. Lista e kandidatëve, që do të kualifikohen për fazën e intervistës do të shpallet brenda datës 22 shtator 2025. Data dhe vendi i zhvillimit të intervistës: brenda 30 shtatorit në Kryeministri.
Drejtori i Përgjithshëm i INSTAT-it emërohet për një periudhë pesëvjeçare, me të drejtë riemërimi vetëm një herë. Aktualisht, ky institucion drejtohet nga Elsa Dhuli, e cila u emërua në këtë post në nëntor 2020. Më parë ajo ishte drejtore e përgjithshme e komanduar për më shumë se një vit.
“Çdo shqiptar do të sigurojë shtëpinë nga tërmeti”/ Si do llogaritet primi? Rreth 2% e dëmeve do të paguhen nga vetë pronari
Çdo familje do të sigurojë shtëpinë nga tërmeti. Ministria e Financave ka nxjerrë për konsultim publik një projektligj që e bën të detyrueshëm sigurimin e......
AAPSK merr pjesë në Workshop-in Rajonal mbi Rikuperimin e Aseteve, organizuar nga UNODC në Tiranë
Kryeadministratorja e Agjencisë së Administrimit të Pasurive të Sekuestruara dhe Konfiskuara (AAPSK), znj. Risena Xhaja, mori pjesë në workshop-in dyditor të......
SHBA me plan të ri të inteligjencës artificiale/ Lehtëson rregullat mjedisore dhe zgjeron ndjeshëm eksportet
Administrata Trump publikoi një plan të ri të inteligjencës artificiale që synon të lehtësojë rregullat mjedisore dhe të zgjerojë ndjeshëm eksportet te......
NATO certifikon Autoritetin e Aviacionit Civil/ Vlerësim katërvjeçar për Shqipërinë. Standardet ajrore, të përmbushura
Autoriteti i Aviacionit Civil është njohur zyrtarisht nga NATO për “Vlefshmërinë Ajrore”, duke dëshmuar përmbushjen e standardeve të sigurisë që kërkon......
Skema e investimeve, lidhen 251 kontrata/ Në 4 muaj janë disbursuar fondet për 7 përfitues
Agjencia për Zhvillimin Bujqësor dhe Rural ka lidhur 251 kontrata me bizneset në fushën e bujqësisë gjatë 4 mujorit të parë të këtij viti nga të cilat janë......
Qershori, rekord në rimbursimin e TVSH për bizneset/ 6-mujori, sipërmarrjet marrin mbrapsht 111 milionë euro
Në gjysmën e parë të vitit, bizneset kanë marrë mbrapsht rreth 111 milionë euro TVSH të paguar, përmes procedurës së rimbursimit. E ndarë sipas muajve,......
Hidrogjeni i gjelbër është shumë i shtrenjtë/ Shumë kompani po anulojnë projekte dhe shkurtojnë investimet
Zhvilluesit e hidrogjenit të gjelbër po anulojnë projekte dhe shkurtojnë investimet në të gjithë botën, duke rritur mundësinë e një mbështetjeje më të gjatë......
Greqia, plan kombëtar për mungesën e ujit/ Mitsotakis: Përgatitemi për sfidat kryesore të 30 viteve të ardhshëm
Kryeministri i Greqisë, Kyriakos Mitsotakis, ka prezantuar një plan për trajtimin e problemit në rritje të mungesës së ujit. Plani kombëtar adreson nevojën......
