Gripi i shpendëve, asnjë person i prekur - Ministria e Bujqësisë: U monitoruan 2304 ferma, karantinohet vatra në fshatin Mëzez
Në kuadër të monitorimit të Influencës Aviare, situata e gripit të shpendëve është nën monitorim dhe kontroll nga Ministria e Bujqësisë dhe Zhvillimit Rural, për zbulimin dhe kufizimin e hershëm të përhapjes së virusit H5N1.
Gjatë fundjavës, një ekip veterinerësh janë angazhuar në terren, sipas përcaktimeve të perimetrit të zonës së mbrojtjes dhe mbikqyrjes për monitorimin klinik të 2304 fermave, në të cilat mbarështohen 96 900 shpendë të kategorive të ndryshme.
Pas shpalljes “alert” nga Laboratori i Referencës – ISUV, shërbimi veterinar zyrtar filloi monitorimin e fermave brenda zonës se mbrojtur në Njësinë Administrative Mëzez, Kashar, Tiranë. ISUV bën me dije se është kontrolluar lëvizja e shpendëve të gjallë, në zonën e konfirmuar pozitive, në të cilën janë marrë kampione nga Autoriteti Kombëtar i Veterinarisë dhe Mbrojtjes së Bimëve, për t’i analizuar ato në Institutin e Sigurisë Ushqimore dhe Veterinarisë.
Sipas ISUV, kanë mbërritur dhe janë analizuar 90 mostra zyrtare, të cilët janë testuar me metodën avancuar molekulare. Laboratori i Referencës – ISUV, ka marrë masat për t’iu përgjigjur situatës emergjente, duke ofruar kapacitet laboratorik dhe teknik për analizimin e çdo kampioni të ardhur brenda 24 – 48 orëve, me qëllim përgjigjjen e shpejtë të strukturave përgjegjëse në zbatimin e masave, lidhur me izolimin e rastit dhe parandalimin e përhapjes së infeksionit.
Kampionet në njerëz të marra janë testuar nga Instituti i Shëndetit Publik dhe kanë rezultuar negative. Ministria e Bujqësisë dhe Zhvillimit Rural po bashkëpunon me Institutin e Shëndetit Publik, i cili po kryen një survejancë në zonën e fermës së prekur nga sëmundja, përkatësisht për zbulimin në kohë dhe marrjen e masave kundër virusit H5N1.
Masat kufizuese dhe parandaluese do të jenë në fuqi deri në përfundimin e afatit të karantinës, bën me dije Ministria e Bujqësisë.
Sondazh
Greqia, me uljen më të madhe të taksave në BE - Kryeministri Mitsotakis njofton reduktime të mëtejshme deri në 2027
Greqia pati uljen më të madhe të taksave midis vendeve të BE-së në vitin 2023, në raport me Prodhimin e Brendshëm Bruto. Sipas Eurostat, të dhënat tregojnë......
“Nuk ka rritje të çmimit të energjisë për furrat e bukës” - Sipas OSHEE, çdo lëvizje nga subjektet është abuzive
Dorian Koça/SCAN Operatori i Shpërndarjes së Energjisë Elektrike (OSHEE) ka sqaruar se aktualisht nuk ka asnjë rritje të çmimit të energjisë elektrike......
Fondi i Solidaritetit të BE-së: Pse ndihma për fatkeqësitë në Europë shpesh vjen shumë vonë?!
Që nga rishikimi i tij i fundit në vitin 2014, Fondi i Solidaritetit të BE-së (EUSF) është kritikuar për shtrirjen e tij të kufizuar dhe disbursimin e......
Japonia dhe BE nënshkruajnë një pakt të ri të mbrojtjes dhe sigurisë mes tensioneve rajonale në rritje!
Japonia dhe Bashkimi Evropian njoftuan një partneritet gjithëpërfshirës të sigurisë të premten, i cili do të përfshijë më shumë stërvitje të përbashkëta dhe......
Rruga ekzistuese e Ksamilit, me 3 korsi - Nisin punimet. Trotuare nga të dyja krahët, korsi biçikletash në krahun e djathtë
Dorian Koça/SCAN Autoriteti Rrugor Shqiptar (ARRSH) ka njoftuar nisjen e punimeve për zgjerimin e rrugës ekzistuese të Ksamilit. Ky aks rrugor, që në......
Mozaiku etnik i Tiranës, sa peshë ka secili komunitet? Grekët, Romët dhe Egjyptianët, grupet më të mëdha pas shqiptarëve
Nisur nga të dhënat e "Institutit të Statistikave" pas publikimit të rezultateve për çdo qark, “Scan Intel” është ndalur këtë herë tek karakteristikat......
Rreth 40% e bizneseve “shtrijnë dorën" tek bankat për hua/ Industria dhe sektori i komunikimit me rritjen më të lartë të kreditimit
Sipas shifrave zyrtare të publikuara nga Banka e Shqipërisë , vlera totale e huave për sektorin e "Korporatave jofinanciare private" gjatë muajit shtator të......
Dibranët dhe kuksianët "dominojnë" kryeqytetin/ Pas tiranasve kanë peshën më të lartë të popullsisë banuese në qarkun më të madh
Instituti i Statistikave, pas publikimit të Rezultateve kryesore të Censit për vitin 2023, ofron për publikun dhe gjithë përdoruesit, publikimin e rezultateve......
