Gjiri i Vlorës me impiant trajtimi për ujërat e zeza - Në funksion brenda vitit, Verçani: Është projektuar për 53 mijë banorë
Ujërat e zeza në zonën e Orikumit nuk do të derdhen më në det, pasi një nga projektet që synon mbrojtjen e gjirit të Vlorës po shkon drejt përfundimit.
“Impianti i Përpunimit të Ujërave të Ndotur në Orikum do të jetë impianti i 13-të në Shqipëri, i cili pritet të vihet në funksion brenda këtij viti”.
“Në fazën ku jemi është bërë afro 80-90% e punimeve. Ne shumë shpejt do të duhet të fillojmë edhe pjesën e testimit që nënkupton testime të zakonshme të pajisjeve elektromekanike. Një pjesë e tyre ka filluar ndërkohë”, - thotë Lorenc Verçani, menaxher i projektit.
Investimi është pjesë e Programit të Furnizimit me Ujë për Zonat Rurale IV", që ndihmon procesin e anëtarësimit të Shqipërisë në BE përmes përmirësimit të furnizimit me ujë dhe menaxhimit të ujërave të zeza në Rivierën Shqiptare. Ai ka një vlerë totale prej 46 mln euro, nga të cilat 40 mln euro janë kredi e dhënë nga KfW gjermane, ndërsa pjesa tjetër janë grante.
Investimi në Orikum arrin në 5.5 mln euro, teksa përveç impiantit, projekti përfshin dhe zgjerimin e rrjetit të kanalizimeve me 24 km rrjet të ri, si dhe ndërtimin e 2 stacioneve të reja të pompimit dhe rehabilitimin e 4 stacioneve ekzistues.
“Në pikun e vet është projektuar për afro 50 – 53 mijë njerëz apo popullatë që do duhet të mbulojë. Është një projekt shumë i rëndësishëm faktikisht për zonën e Orikumit, e qytetit veçanërisht, por edhe zonën e Tragjasit, Radhimës dhe Dukatit patjetër”, - thotë Verçani.
Trajtimi i ujërave të ndotur do kryhet përmes 3 proceseve, ndërsa uji i trajtuar do të derdhet përmes një tubi detar 650 metra në Gjirin e Vlorës.
“Pjesa fillestare ku struktura bën trajtimin fiziko-mekanik të prurjes që vjen në impiant, pastaj kalohet në vaskat e ajrimit që ne i quajmë teknikisht, që përbën procesin biologjik të trajtimit të ujit dhe pastaj normalisht ka një sërë procesesh ciklike që sjellin dhe çojnë ujin në drejtim të strukturave dhe bëhet realizimi i trajtimit të ujit. Një pjesë e tij përdoret sërish në impiant për ujin sanitar, ndërsa pjesa tjetër nëpërmjet linjës së dërgimit lëshohet si ujë i trajtuar”, - shpjegon menaxheri i projektit.
Aktualisht zona ka një rrjet ekzistues të ujërave të zeza të ndërtuar në vitet 1960, teksa vetëm 30% e banorëve janë të lidhur me rrjetin e kanalizimeve, ndërsa 70% përdornin gropa septike.
Përfundimi i projektit pritet të ketë ndikim në shëndetin publik, në mbrojtjen e mjedisit, pasi mbron ekosistemet e ndjeshme si Laguna Pasha Liman, Parku Kombëtar Karaburun-Sazan dhe Laguna e Nartës, si dhe për turizmin dhe ekonominë, pasi përmirëson imazhin e Orikumit si një destinacion i qëndrueshëm dhe i pastër.
Kthimi i minierave në panele diellore - Procesi mund të shtojë 300 GW energji të rinovueshme deri në 2030
Shndërrimi i minierave të qymyrit, të mbyllura së fundmi, në termocentrale të energjisë diellore mund të shtojë pothuajse 300 GW energji të rinovueshme deri......
AAPSK dhe UNICEF fuqizojnë bashkëpunimin: Trajnim për kriptomonedhat për përdorimin me impakt social!
Agjencia e Administrimit të Pasurive të Sekuestruara dhe të Konfiskuara (AAPSK), në bashkëpunim me UNICEF Shqipëri, organizoi një trajnim për ndërtimin e......
Në kërkim të pavarësisë bërthamore - BE, 240 miliardë euro për t’u shkëputur nga energjia ruse
Pasi ka nisur reduktimin e varësisë nga hidrokarburet ruse, Bashkimi Evropian po shqyrton mundësinë e ndërprerjes së të gjitha lidhjeve energjetike me......
Mbështetje për bizneset e vogla dhe të mesme - 4 milionë lekë për të rinjtë sipërmarrës në Durrës
Komisioni i Ndihmës Shtetërore ka autorizuar ndihmën shtetërore “grante për të rinjtë në mbështetje të zhvillimit të iniciativave ekonomike lokale”, mbi......
Në Europë rritet “buka”, në Shqipëri argëtimi/ “Qejfi” na kushton rreth 5 herë më shumë se europianëve
Nëse analizojmë rritjen e çmimeve sipas vendeve të rajonit, shifrat tregojnë se Shqipëria pozicionohet relativisht mirë krahasuar me disa nga fqinjët në......
Konsumojmë më pak se gjysma e europianit/ Indeksi i konsumit individual, renditemi në fund të Europës dhe rajonit
Të dhënat më të fundit të Agjencisë Europiane të Statistikave, për vitin 2024, tregojnë se, një shqiptar mesatar konsumon sa 41% e një qytetari europian. Kjo......
Lejet e ndërtimit dhe pronat “furnizojnë” bashkitë - 185 mln euro nga infrastruktura, 77.4% i takon Bashkisë Tiranë
Pushteti vendor ka performuar pozitiv në mbledhjen e të ardhurave të veta vendore gjatë vitit 2024 krahasuar si me treguesit kombëtar të produktit të......
Kursi i këmbimit/ rritje e përgjithshme e valutave kryesore!
Dollari amerikan e ka nisur ditën pozitivisht duke fituar pikë nga dita e djeshme teksa është blerë sot me 84.8 lekë dhe është shitur me 86 lekë sipas kursit......
