Garanci sovrane dhe program kreditimi për NVM-të - Banka e Shqipërisë dhe qeveria bëhen bashkë për të mbështetur bujqësinë
Me qëllim rritjen e kreditimit ndaj sektorit të bujqësisë, Banka e Shqipërisë dhe qeveria do të ofrojnë dy instrumente financimi për ndërmarrjet e vogla dhe të mesme, një garanci sovrane dhe një program prej 25 miliardë lekësh.
Në një tryezë diskutimi të organizuar nga Banka e Shqipërisë me përfaqësues nga Qeveria, drejtues të sistemit bankar dhe përfaqësues të shoqërive të agrobiznesit, Guvernatori Gent Sejko listoi disa nga pengesat që has ky sektor në financim.
“Sektori bujqësor ka performancën më të dobët ndër sektorët madhorë të ekonomisë shqiptare, ecuri e cila diktohet nga disa probleme strukturore, ku veçoj: fragmentarizimin e tokës, nivelin e ulët të mekanizimit, si dhe integrimin e pakët horizontal dhe vertikal midis fermerëve, tregut dhe sektorëve të tjerë të ekonomisë. Banka e Shqipërisë ka vënë në dispozicion një fond prej 25 miliardë lekësh të destinuar për të mbështetur kreditimin e bizneseve mikro, të vogla dhe të mesme. Ky program, i cili do të vihet në zbatim nëpërmjet bankave tregtare, ofron mundësi për uljen e ndjeshme të kostos së kredisë për këto biznese, e cila mund të arrijë edhe deri në 2%, por gjithsesi, nuk do të kalojë nivelin e 3.5%, duke iu krijuar atyre mundësi të investojnë në asete fizike, mjete kapitale apo platforma teknologjike, të cilat i shërbejnë rritjes së produktivitetit.”
Ndërkohë, Kryeministri Edi Rama theksoi se garancia sovrane do të mbulojë 70% të principalit të kredive të dhëna për bizneset e vogla dhe të mesme në bujqësi.
“Kemi një produkt të kombinuar mes linjës së re të financimit të Bankës së Shqipërisë dhe mbështetjes që qeveria do të japë duke arritur, faktikisht, që përmes Garancisë Sovrane të mbulojë 70% të principalit të kredisë. E kombinuar me programin e bankës, ne mund t’ju themi sot të gjithë atyre që presin më shumë financim, kërkojnë më shumë financim, ju duhet më shumë financim, në sektorin e bujqësisë, se norma e interesit do të jetë vërtetë shumë tërheqëse.”
Rama deklaroi se deri në vitin 2030 synohet që eksportet bujqësore të arrijnë në 1 miliardë euro.
Pavarësisht së kredia për sektorin privat shënoi një normë rritjeje prej 16% gjatë vitit 2024, ajo për sektorin bujqësor vijon të përbëjë më pak se 2% të totalit të kredisë bankare për bizneset.
Sondazh
“Shitjet globale të çipeve do të rriten me 13%” - Rritja e kërkesës për “IA” tejkaloi vështirësitë që pati tregu në 2023
Rritja e kërkesës për inteligjencë artificiale dhe tregu i qëndrueshëm i automobilave do të ndihmojnë në rikthimin e shitjeve globale të çipeve këtë vit,......
Cili qark ishte më “kursimtari” një vit më parë? Lezhianët, rreth 47 mln euro më shumë në bankë. Korçarët, 9 mln euro më pak
Referuar publikimit të Bankës së Shqipërisë për depozitat bankare, “Scan Intel” ka kryer një analizë të detajuar për të kuptuar se cilat qarqe të vendit kanë......
Rama: Linjë e re financimi mes BSH dhe garancisë sovrane të qeverisë!
Kryeministri Edi Rama: “Programi i Bankës së Shqipërisë prej 250 milionë eurosh për ndërmarrjet e vogla dhe të mesme do të ndihmojë shumë në rritjen e......
Trafiku nën vëzhgim me sistem të ri monitorimi - Eksperti: Informacion në kohë reale, më shumë lëvizje të lira
Një udhëzim i ri është botuar në Fletoren Zyrtare për informacionin në kohë reale mbi trafikun në vend. Pas hyrjes në fuqi të këtij vendimi, ARRSH duhet që......
Denaj: Garanci sovrane për NVM-të në bujqësi
Po zhvillohet në Tiranë tryeza e diskutimit me temë “Kreditimi i Sektorit Bujqësor: Identifikimi i rrugëve dhe krijimi i instrumenteve për një progres......
Kreditimi i Sektorit Bujqësor - Sejko: Program i ri për ndërmarrjet e vogla dhe të mesme
Banka e Shqipërisë po organizon një tryezë diskutimi me temë “Kreditimi i Sektorit Bujqësor: Identifikimi i rrugëve dhe krijimi i instrumenteve për një......
Tesla, shitjet në Gjermani bien me 59% - Mbështetja e Musk për ekstremistët e djathtë, ndër faktorët kryesorë
Shitjet e Tesla-s ranë me 59% muajin e kaluar në Gjermani, ku shefi ekzekutiv i kompanisë Elon Musk u afirmua në politikën kombëtare si kurrë më......
Mbi 90 mijë lekë falas për panelet e ngrohjes së ujit - Shteti mbulon 70% të vlerës, ja kostot që duhet të paguhen nga familjet
Teksa skema e subvencionimit të paneleve diellore për ngrohjen e ujit do të aplikohet edhe në vitin 2025, TV SCAN ka përllogaritur kostot që do të duhet të......
