Forcohet bashkëpunimi Doganë-AKU për garantimin e sigurisë ushqimore
Drejtori i Përgjithshëm i Doganave, Besmir Beja, zhvilloi sot një takim me Drejtoreshën e Përgjithshme të Autoritetit Kombëtar të Ushqimit, Blerina Gjylameti, në kuadër të forcimit të bashkëpunimit ndërinstitucional dhe rritjes së efikasitetit të kontrolleve në pikat e kalimit kufitar.
Në fokus të diskutimeve ishte thellimi i koordinimit operacional ndërmjet strukturave të Doganës dhe inspektorëve të AKU-së, me synim konsolidimin e kontrolleve të përbashkëta dhe rritjen e kapaciteteve parandaluese ndaj çdo rreziku që cenon sigurinë ushqimore dhe shëndetin publik.
Drejtori i Përgjithshëm i Doganave theksoi domosdoshmërinë e harmonizimit të indikatorëve të riskut dhe integrimit të analizës së riskut në proceset e përzgjedhjes për kontroll, në mënyrë që ndërhyrjet të jenë të targetuara, proporcionale dhe të bazuara në inteligjencë operative. Ai nënvizoi gjithashtu rëndësinë e shkëmbimit sistematik të informacionit në kohë reale për ngarkesat që paraqesin sinjalizime apo profile risku, duke rritur kështu nivelin e monitorimit dhe gjurmueshmërisë.
Nga ana e saj, Drejtoresha e Përgjithshme e AKU-së vlerësoi rolin kyç të pranisë së inspektorëve në degët doganore, si një hallkë thelbësore në garantimin e zinxhirit të sigurisë dhe gjurmueshmërisë së produkteve ushqimore. Ajo bëri të ditur se do të vijojnë investimet për përmirësimin e infrastrukturës mbështetëse në pikat doganore, përfshirë magazinat dhe ambientet frigoriferike, me qëllim përmbushjen e standardeve të kërkuara ligjore dhe teknike.
Të dy drejtuesit vlerësuan sigurinë ushqimore si një prioritet strategjik, duke theksuar se mbrojtja e konsumatorit dhe garantimi i standardeve të sigurisë në import mbeten objektiva parësore të bashkëpunimit ndërinstitucional. Në këtë kuadër, u dakordësua intensifikimi i mekanizmave të koordinimit dhe ngritja e praktikave të përbashkëta të kontrollit, veçanërisht në degët doganore kufitare.
Drejtoria e Përgjithshme e Doganave mbetet e angazhuar për forcimin e bashkëpunimit me të gjitha institucionet ligjzbatuese dhe agjencitë përgjegjëse, në funksion të garantimit të sigurisë, ligjshmërisë dhe mbrojtjes së interesit publik.
Inflacioni në fillimin e vitit tejkalon Europën/ Norma në muajin janar regjistrohet në 2.3%
Sipas të dhënave mujore të publikuara nga Instituti i Statistikave, inflacioni i matur me metodën europiane (IHÇK) në janar 2026 rezulton në nivelin 2.3%,......
Takimi i 17-të i Nënkomitetit BE–Shqipëri për Inovacionin, Shoqërinë e Informacionit dhe Politikat Sociale
Sot, në Pallatin e Kongreseve në Tiranë, u zhvillua Takimi i 17-të i Nënkomitetit BE–Shqipëri për Inovacionin, Shoqërinë e Informacionit, Arsimin, Kulturën,......
Shqipëri-Kosovë-Kroaci, 3 stërvitje ushtarake në 2026 - Vengu: Në muajin maj, gati fabrika e uniformave në Babrru
Bashkëpunimi trepalësh në fushën e mbrojtjes, Shqipëri-Kosovë-Kroaci, është në zbatim e sipër, teksa këtë vit janë parashikuar të realizohen 3 stërvitje të......
Mbi 12 mijë vende pune, nën kontroll - 667 subjekte të inspektuara në janar, 445 masa administrative
Gjatë muajit janar, Inspektorati Shtetëror i Punës dhe Shërbimeve Shoqërore ka kryer 667 inspektime në subjekte të ndryshme, me fokus zbatimin e detyrimeve......
Sa plazhe private ka Shqipëria? - Aplikimet për këtë vit zgjasin deri më 15 mars
Agjencia Kombëtare e Bregdetit ka njoftuar hapjen e aplikimeve për ushtrimin e veprimtarisë si stacion plazhi për sezonin veror 2026. Zonat ku lejohet......
Sa trupa ushtarakë do të dërgojë Shqipëria në Gaza? - Shefi i Shtabit: Akoma nuk e kemi përcaktuar numrin e saktë. Angazhim me dy faza
Shqipëria ka rënë dakord që të dërgojë trupa ushtarakë në Forcën Ndërkombëtare të Stabilizimit të Gazas në kuadër të Bordit të Paqes, por nuk është......
5 hapat, si aplikohet për rivlerësimin e pronave - Tarifat shtetërore, nga 35-100 euro, në varësi të tatimit të arkëtuar
Qytetarët që dëshirojnë të bëjnë rivlerësimin e pronës së tyre me normë tatimore 5 %, duhet të ndjekin 5 hapa kryesorë. Aplikimi për shërbimin e......
Si nisi turizmi për vitin 2026? Kthimi i emigrantëve ngre shifrat
Muaji janar 2026 ka nisur me një intensitet të konsiderushëm lëvizjesh në pikat kufitare të vendit. Sipas të dhënave zyrtare të publikuara nga Instituti i......
