Forcat shqiptare vijojnë stërvitjen në “Defender 25”- Rama: Programi më i madh dhe kompleks i dekadës së fundit
Forcat e Armatosura të Shqipërisë vazhdojnë stërvitjen e tyre në kuadër të “Defender 25” në Portin e Durrësit.
Kryeministri Edi Rama, përmes një postimi në rrjetet sociale, ka publikuar pamje nga angazhimi i trupave shqiptare në këtë stërvitje ndërkombëtare të përmasave të mëdha.
“Forcat e Armatosura vijojnë stërvitjen 'Defender 25', një nga më të mëdhatë dhe më komplekset e dekadës së fundit në Europë dhe Afrikë, që zhvillohet nën udhëheqjen e Komandës Europiane të Ushtrisë së SHBA-së, në bashkëpunim të ngushtë me vendet aleate dhe partnere të NATO-s,” shkruan Rama në postimin e tij.
DEFENDER 25 është stërvitja më e madhe vjetore e Ushtrisë së SHBA-së në Evropë, e cila synon të testojë dhe përmirësojë aftësinë për të dislokuar personel dhe pajisje ushtarake nga Shtetet e Bashkuara drejt Evropës dhe Afrikës, në mbështetje të operacioneve të mëdha luftarake.
E organizuar nga Komanda e Ushtrisë Amerikane në Evropë dhe Afrikë, kjo stërvitje përfshin përdorimin e rezervave të parapozicionuara ushtarake dhe demonstron fuqinë goditëse dhe ndërveprimin e forcave amerikane me ato aleate.
Faza e “Immediate Response” e Defender 25, që po zhvillohet aktualisht në Ballkan, nisi më 26 maj dhe do të zgjasë deri më 9 qershor. Në këtë fazë, që përfshin edhe Shqipërinë, fokusi është në rritjen e bashkëpunimit ndërmjet ushtrive të rajonit, si dhe në zhvendosjen e trupave përmes rrugëve tokësore dhe hekurudhore në kushte operacionale.
Pas përfundimit të kësaj faze, stërvitja do të zhvendoset në kontinentin afrikan, duke vijuar me fazën tjetër të planifikuar, gjithashtu me pjesëmarrjen e forcave ndërkombëtare.
Për çfarë kërkojnë të financohen më shumë fermerët?- Nafta në bujqësi regjistron mbi 52 mijë aplikime, blegtoria interes të lartë
Fermerët kanë pasur interes të lartë për të përfituar subvencione përgjatë këtij viti. 69.917 aplikime janë regjistruar në e-Albania nga fermerët apo Shoqëri......
Pensionistët, përjashtim nga taksa e pronës- Plani/ Bashkitë do të japin kartën për të moshuarit, heqje e taksës së automjeteve
Me qëllim reduktimin e varfërisë për të moshuarit, qeveria planifikon të krijojë lehtësi fiskale, të tilla si përjashtimi nga taksa e pasurive të patundshme......
Posta Shqiptare, sërish i vetmi ofrues i shërbimit universal?- Në korrik i mbaron kontrata. AKEP po shqyrton operatorë të tjerë të mundshëm
Autoriteti i Komunikimeve Elektronike dhe Postare po shqyrton mundësinë që shërbimi universal në Shqipëri të mos ofrohet vetëm nga Posta Shqiptare, por edhe......
Qeveria shtrëngon kriteret për kazinotë- Ministria e Turizmit do të certifikojë hotelet me 5 yje
Në Vendimin e Këshillit të Ministrave, ndryshime janë parqitur për përcaktimin e procedurave të zhvillimit të garës si dhe të kritereve shtesë për të gjithë......
Tarifat nuk i “frikësojnë” kompanitë amerikane në Kinë- AmCham: Vetëm 13% planifikojnë të zhvendosin prodhimin në vende të tjera
Shumica e kompanive amerikane në Kinë nuk planifikojnë të largohen nga vendi pavarësisht sfidave të paraqitura nga tarifat, sipas një ankete nga Dhoma......
Meta siguron energjinë për “IA”- Arrin marrëveshje me një impiant bërthamor për 20 vjet
Meta njoftoi se ka arritur një marrëveshje për të mbajtur një reaktor bërthamor të një kompanie amerikane të shërbimeve në Illinois në funksion për 20......
Shqipëria, e para në Evropë për flukset turistike - Kumbaro: Rritje me 136%. Konfirmon suksesin e modelit shqiptar të turizmit
Edhe në tremujorin e parë të 2025, Shqipëria është renditur e para në Evropë për sa i përket mbërritjeve ndërkombëtare të turistëve. Sipas të dhënave nga......
Tarifat e SHBA rrezikojnë industrinë e peshkimit - Raporti i OKB paralajmëron për pasojat e tensioneve tregtare globale
Vendosja e një tarife prej 10 përqind nga Shtetet e Bashkuara për pothuajse të gjitha importet e peshkimit paraqet rreziqe për tregtinë globale në këtë......
