Shqipëria Postuar më 27 Shkurt 2025, 14:39

“Forcat e Armatosura kërkojnë 350 marinarë” - Kolonel Nebiaj: Është rritur interesi nga të rinjtë. Ofrohet punësim edhe për IA

Nga Hamit Yzeiraj

“Forcat e Armatosura kërkojnë 350 marinarë” - Kolonel

Që prej datës 19 shkurt janë hapur aplikimet për t’u bërë pjesë e Forcave të Armatosura të Republikës së Shqipërisë. Akademia Ushtarake ishte pjesëmarrëse në panairin “Work & Study”.

Kolonel Irena Nebiaj tregoi për SCAN TV interesin nga të rinjtë dhe fazën e rekrutimeve për t’u bërë pjesë e Forcave të Armatosura.

“Në Forcat e Armatosura po bëhen rekrutime me periudha. Periudha e parë përfshin deri në 300 vende. Për të gjithë ata studentë që janë të interesuar të ndjekin programet e studimit, mund të bëhen pjesë e Forcave të Armatosura duke u bërë ushtarë detarë. Aktualisht, kemi 350 vende të lira për rekrutimin e ushtarëve detarë” – shprehet kolonel Nebiaj.

Përveç rekrutimeve tradicionale, janë shtuar edhe fusha të reja studimi në shkencat ushtarake, duke përfshirë edhe inteligjencën artificiale.

“Është hera e tretë që Akademia jonë merr pjesë në këtë panair. Programet që ofrojmë përfshijnë teknologjinë e informacionit dhe komunikimit, marrëdhëniet ndërkombëtare dhe shkencat e komunikimit në fushën e mbrojtjes. Interesi ka ardhur duke u rritur nga viti në vit; vetëm vitin e kaluar kemi pasur mbi 1,200 aplikime për 70 kuota të disponueshme. Në ciklin e dytë, të rinjtë mund të zgjedhin edhe shkencat kompjuterike dhe inteligjencën artificiale” – tregon më tej kolonel Nebiaj.

Faza e parë e aplikimeve për t’u bërë pjesë e Forcave të Armatosura do të zgjasë deri në fund të marsit.

 

Sondazh

Poll

Live TV

Të fundit
Të gjitha lajmet

Më të vizituarat