Forbes rekomandon Shqipërinë për pensionistët amerikanë/ Nivel i ulët kostosh, siguri, kujdes shëndetësor dhe lehtësi procedurash
Shqipëria renditet në krye të listës së revistës prestigjioze Forbes me vendet më të përshtatshme ku pensionistët amerikanë mund të zgjedhin të jetojnë jashtë Shteteve të Bashkuara. Në analizën e saj, revista vlerëson vendet bazuar në koston e jetesës, kujdesin shëndetësor, lehtësinë për të fituar të drejtën e qëndrimit, sigurinë dhe rrezikun klimatik.
Sipas Forbes, Shqipëria ofron një kombinim të kostove të ulëta të jetesës, klimës mesdhetare dhe peizazheve bregdetare e malore, ndërsa renditet si alternativa më e favorshme për pensionistët amerikanë që synojnë të largohen nga vendi i tyre për arsye ekonomike apo politike. Revista veçon Tiranën, Durrësin, Sarandën dhe Vlorën si destinacionet më tërheqëse për këtë kategori.
Në artikull theksohet se kostoja e jetesës në Shqipëri është rreth gjysma e mesatares në SHBA, ndërsa niveli i kriminalitetit konsiderohet i ulët dhe procedurat për të fituar të drejtën e qëndrimit vlerësohen relativisht të lehta. Kujdesi shëndetësor përshkruhet si i përballueshëm dhe në përmirësim, megjithëse për shërbime të specializuara disa pacientë vijojnë të zgjedhin Italinë ose Britaninë e Madhe.
Forbes nënvizon gjithashtu se qytetarët amerikanë mund të qëndrojnë në Shqipëri deri në një vit si turistë, periudhë gjatë së cilës mund të aplikojnë për leje më afatgjata qëndrimi. Revista përmend edhe mundësinë e pajisjes me "Leje Unike" për nomadët digjitalë, e cila mund të rinovohet deri në pesë herë dhe të shërbejë si një nga rrugët drejt qëndrimit afatgjatë. Më pas mund të aplikohet për vizën D dhe vizën e pensionit, për të cilën një çift duhet të provojë të ardhura vjetore nga pensioni prej rreth 20 mijë dollarësh.
Megjithatë, analiza evidenton edhe disa kufizime, si mungesën e një marrëveshjeje tatimore mes Shqipërisë dhe SHBA-së për shmangien e tatimit të dyfishtë, nevojën për sigurim shëndetësor privat, si edhe faktin që fluturimet drejt Shteteve të Bashkuara kërkojnë të paktën një tranzit. Përmbytjet si pasojë e stuhive përmenden gjithashtu si një nga rreziqet natyrore që duhen marrë në konsideratë.
Ndalohen punimet e ndërtimit në zonat turistike deri më 15 shtator, Gonxhja: "Jo dam dum në sezon"
Punimet e ndërtimit në zonat turistike do të pezullohen deri më 15 shtator 2026, në zbatim të ligjit nr. 83/2026 dhe vendimit të Këshillit të Ministrave, si......
Vizat amerikane, program për garanci financiare/ Rregulli siguron që njerëzit të mos qëndrojnë tej afateve
Departamenti Amerikan i Shtetit do ta bëjë të përhershëm programin e garancisë financiare për vizat për aplikantë nga 50 vende, kryesisht nga Afrika.......
Tharja e lumenjve në Evropë ul prodhimin e energjisë/ Në rënie edhe transporti, pakësohen të ardhurat e kompanive
Ndërsa Evropa po përjeton valë të nxehti rekord, thatësira po nxjerr në pah efektet e saj të rënda në ekonomi. Nga porti i zhurmshëm i Roterdamit te......
Kriza në Ceuta, a rrezikon Spanja daljen nga Shengeni?/ Disa vende europiane kërkojnë pezullimin e lëvizjes së lirë
Ndërsa rreth 60,000 migrantë hynë në mënyrë të parregullt në enklavën spanjolle të Ceutës, disa vende të BE-së po kërkojnë që Spanja të përjashtohet......
Kompensimi i transportit urban për karburantin/ Përfundon afati i aplikimit për linjat, 50 lekë për çdo litër të konsumuar
Data 1 gusht shënon mbylljen e afatit të aplikimit për shoqëritë e linjave të transportit qytetës, rrethqytetës dhe ndërqytetës, që të përfitojnë kompensim ......
Automjeti i parë ushtarak "Made in Albania"/ Rama: Brenda 30 muajve, TIMAK Defence synon të furnizojë ushtrinë shqiptare
Kryeministri Edi Rama ka publikuar pamje të automjeteve të para ushtarake "Made in Albania", të prodhuara sipas standardeve të NATO-s, duke e cilësuar këtë......
Greqia luftë me zjarret, përmirësim në Francë e Spanjë/ Evropa 3.3 gradë Celsius mbi mesataren e saj nga viti 1961
Evropa po shkatërrohet nga zjarret këtë verë, pas valëve të njëpasnjëshme rekord të të nxehtit, duke lënë pas sipërfaqe të mëdha bimësie të shkretuara dhe......
Ekonomia e akullores, krahasimi europian/ Sa kohë duhet të punosh për një lugë akullore?
Në 10 vende europiane të marra në një krahasim, çmimi i një luge akullore varion nga rreth 1.15 në 4.10 euro. Çmimet ndryshojnë ndjeshëm në varësi të......
