Fondi i Ndërhyrjes së Jashtëzakonshme arrin në 5.2 mld - Në 2024, kontributi i bankave për shpëtimin nga krizat u rrit me 9.5%
Fondi i Ndërhyrjes së Jashtëzakonshme, që përdoret për shpëtimin e bankave në rast falimentimi, apo krizash financiare, ka arritur në 5.2 miliardë lekë në fund të 2024. Sipas raportit vjetor të Agjencisë së Sigurimit të Depozitave, bankat kanë derdhur në këtë Fond rreth 982.1 milionë lekë në 2024, duke e çuar totalin e paguar në 7 vite në shumën 5.2 miliardë lekë.
Në dhjetor 2024, vlera kontabël e aktiveve neto në dispozicion të autoritetit të ndërhyrjes së jashtëzakonshme është 5.73 miliard lekë. Gjatë vitit të kaluar janë paguar rreth 9.5% më shumë para nga bankat në krahasim me 2023.
Banka e Shqipërisë përllogarit çdo vit kontributin vjetor që sektori bankar do të paguajë për arritjen e nivelit të synuar të Fondit të Ndërhyrjes së Jashtëzakonshme. Për të përmbushur nivelin e synuar të fondit, kontributet paguhen në përpjesëtim me vitet që mbeten deri në 2027. Që prej 2018, kontributi që paguajnë bankat ka ardhur duke u rritur nga viti në vit, ndërsa synohet që deri në 2027, Fondi i Ndërhyrjes së Jashtëzakonshme të arrijë në 8.5 miliardë lekë.
Fondi i Ndërhyrjes së Jashtëzakonshme është krijuar në vitin 2018 dhe administrohet nga Agjencia e Sigurimit të Depozitave. Paratë që derdhin bankat çdo vit në Fond, investohen nga kjo Agjenci në tituj të Qeverisë Shqiptare dhe depozita një javore e llogari rrjedhëse pranë Bankës së Shqipërisë. Vlera nominale e investuar është 5.67 miliardë lekë, ndërsa të ardhurat e Fondit nga interesat e fituar prej investimit të shumës së Fondit ishin 219,6 milionë lekë në 2024.
Investimet janë në masën më të madhe në lekë, ndërsa ato në monedhë të huaj përbëjnë 5.24% të mjeteve financiare nën administrim.
Ky fond mund të përdoret nga Banka e Shqipërisë për disa qëllime, të tilla si: garantimi i aktiveve ose pasiveve të bankës në ndërhyrje të jashtëzakonshme, bankës urë apo shoqërisë për administrimin e aktiveve, kompensimi i humbjeve të pambuluara që lindin për shkak të përjashtimit të detyrimeve të pranuara të kreditorëve të bankës në ndërhyrje të jashtëzakonshme etj.
Sondazh
Efektet e tarifave Trump tek bizneset shqiptare - Preçi: Ndikim minimal, do të ketë riorientim në treg
Shtetet e Bashkuara të Amerikës kanë vendosur tarifë 10 për qind për mallrat shqiptarë që eksportohen. Por si do të ndikojnë këto tarifa tek bizneset......
“Procesi i anëtarësimit në BE, më i mundshëm se kurrë” - Gonzato: Shqipëria po i shfrytëzon mundësitë që po i jepen
Vendet e Ballkanit Perëndimor po afrohen gjithnjë e më shumë drejt anëtarësimit në Bashkimin Europian. Në një takim rajonal të mbajtur në Tiranë për......
3 mln euro për rrugën Qukës-Qafë Plloçë - ARRSH lidh kontratën për plotësimin e punimeve në lotin e parë
Përfundimi i punimeve në lotin e parë të aksit rrugor Qukës – Qafë Plloçë do të bëhet me fonde buxhetore. Autoriteti Rugor Shqiptar ka lidhur kontratën me......
Greqi, terminalet POS rritin shitjet e bizneseve - Buxheti i shtetit “pasurohet” nga reduktimi i pagesave “cash”
Transaksionet e padeklaruara dhe xhirot e “fshehura” prej miliarda eurosh në Greqi u zbuluan nga rritja e pagesave elektronike dhe ndërlidhja e kasave me......
Sa rrezikojnë eksportet shqiptare në SHBA? Shkëmbimet tregtare mes dy vendeve vlerësohen në 28 miliardë lekë
Ndërkohë që Presidenti Donald Trump, ka vendosur tarifa të reja doganore për importet nga Ballkani Perëndimor, “Scan Intel” është ndalur tek eksportet e......
Trump “godet” Ballkanin Perëndimor me tarifa të reja/ Serbia dhe Maqedonia e Veriut më të prekura! Shqipëria dhe Kosova, të avantazhuara
Presidenti i Shteteve të Bashkuara, Donald Trump, ka vendosur tarifa të reja doganore për importet nga 60 vende, përfshirë ato të rajonit të Ballkanit, një......
BE premton kundërmasa ndaj tarifave të Trump - Von der Leyen bën thirrje për negociata, paralajmëron pasoja globale
Bashkimi Evropian po përgatit masa për të kundërshtuar tarifat e fundit nga presidenti i SHBA-së, Donald Trump, nëse negociatat me Shtëpinë e Bardhë......
Integrimi i shtetasve të huaj në Shqipëri - Gati projektligji, përmirësim i politikave migratore. Lehtësi e digjitalizim shërbimesh
Në Kuvend janë depozituar ndryshimet dhe shtesat në ligjin “Për të huajt”. Këto ndryshime synojnë përmirësime në fushën e të drejtave të migrantëve dhe......
