Fond Kombëtar Tranzicioni për reformën territoriale - Kostot ekonomike, çfarë pritet të sjellë ndarja e re e Shqipërisë
Reforma e re administrativo-territoriale pritet të shoqërohet me rritje të ndjeshme të kostove për pushtetin vendor. Referuar raportit të mazhorancës mbi reformën, ajo pritet të shoqërohet në mënyrë të pashmangshme me kosto financiare, administrative dhe organizative. Megjithatë, sipas raportit, nga përvoja ndërkombëtare, këto kosto janë kryesisht të përkohshme, ndërsa përftimet që burojnë nga një organizim më efikas i qeverisjes kanë karakter afatgjatë dhe ndikojnë pozitivisht në zhvillimin ekonomik, cilësinë e shërbimeve publike dhe qëndrueshmërinë fiskale.
Sipas draftit, kostot e tranzicionit mund të grupohen në disa kategori kryesore.
Së pari janë kostot institucionale, të cilat lidhen me krijimin dhe funksionimin e strukturave të përkohshme të tranzicionit, përgatitjen e akteve nënligjore, asistencën teknike, konsultimet publike dhe koordinimin ndërinstitucional.
Së dyti janë kostot e burimeve njerëzore, të cilat përfshijnë trajnimin e administratës; programet e zhvillimit profesional; mobilitetin e personelit; harmonizimin e strukturave organizative; kostot e mundshme të riorganizimit administrativ.
Së treti janë kostot e sistemeve digjitale. Transformimi institucional kërkon përshtatjen e sistemeve të informacionit, integrimin e regjistrave administrativë, zhvillimin e platformave të reja të raportimit dhe modernizimin e sistemeve të menaxhimit financiar.
Në kushtet e reformës së propozuar, kjo kategori përfaqëson një nga investimet më strategjike.
Së katërti, janë kostot e transferimit të aseteve, ku përfshihet procesi i inventarizimit, rivlerësimit, regjistrimit dhe transferimit të pasurive publike, të cilat kërkojnë burime financiare dhe administrative të konsiderueshme. Në të njëjtën kategori përfshihen edhe kostot që lidhen me harmonizimin e kontratave ekzistuese, transferimin e detyrimeve dhe zgjidhjen e çështjeve juridike që mund të lindin gjatë procesit.
Së pesti janë kostot e komunikimit dhe pjesëmarrjes publike, ku rekomandohet financimi i një programi të dedikuar komunikimi, informimi dhe konsultimi me qytetarët, biznesin, organizatat e shoqërisë civile dhe institucionet akademike gjatë gjithë periudhës së implementimit.
Për këtë arsye, për të shmangur financimin fragmentar të reformës, rekomandohet krijimi i një Fondi Kombëtar të Tranzicionit, i administruar nga qeveria qendrore dhe i dedikuar ekskluzivisht për financimin e kostove të implementimit.
Sipas draftit, ky fond duhet të ketë karakter shumëvjeçar dhe të financojë: investimet në sistemet administrative; programet e zhvillimit të kapaciteteve; asistencën teknike për bashkitë; transformimin digjital; studimet dhe monitorimin e reformës.
Dobësohen valutat kryesore – Dollari, Franga e Paundi humbasin pikë
Dollari amerikan e ka nisur këtë të enjte negativisht duke regjistruar zbritje të vlerës në raport me një ditë më parë pasi është blerë mëngjesin e sotëm me......
Eksportet shqiptare, më pak të varura nga Italia/ “Made in Albania” ndërrojnë destinacion, Egjipti surprizon
Gjatë gjashtëmujorit të parë të vitit 2026, shitjet jashtë vendit u rritën me 6.1%, por zgjerimi nuk u shpërnda njësoj mes partnerëve. Italia humbi peshë,......
Bizneset paguan 78 milionë lekë për ankesat në KPP - Prokurimet publike, bilanci financiar i pesë muajve
Kur një biznes kundërshton një tender publik, ai duhet të paguajë një tarifë financiare si garanci për shqyrtimin e ankesës. Gjatë periudhës janar–maj 2026,......
Bizneset shqiptare, vështirësi në aksesin në financë - Raporti i OECD: Të krijohet Byroja Private e Kredisë. Banka e Zhvillimit, hap pozitiv
Aksesi i bizneseve të vogla dhe të mesme në financa mbetet një nga pikat më të sfiduese të ekonomisë shqiptare, pavarësisht përmirësimeve të lehta të......
Rregulla të reja për drejtuesit e automjeteve - Në fuqi nga data 5 gusht/ Kush kapet i dehur dy herë në timon, humbet patentën
Drejtuesit e automjeteve duhet të zbatojnë rregullat e reja të qarkullimit, pasi në të kundërt do të përballen me masa më të ashpra. Ndryshimet në Kodin......
“Bileta autobusi jo më të shtrenjta se 2 paund” - Burnham: Vendimi, rreth 500 mln paund më pak në buxhetin e Anglisë
Tarifa për një udhëtim të vetëm me autobus në të gjithë Anglinë do të kufizohet në 2 paund duke filluar nga janari i vitit të ardhshëm, ka njoftuar......
Çmimet e naftës rriten për të pestën ditë me radhë - Ndikojnë kërcënimet për bllokim në Detin e Kuq dhe Hormuz
Çmimet e naftës u rritën për të pestën ditë radhazi të enjten, për shkak të shqetësimeve në rritje në lidhje me disponueshmërinë e furnizimit mes sulmeve......
Sa kushton një Airbnb në periferi të Tiranës? Investimet në vila kanë rritur kërkesën, Bërzhita rezulton më e shtrenjta
Përveç qendrës së Tiranës, e cila vijon të mbetet pika kryesore e interesit për turistët, vitet e fundit edhe zonat periferike të kryeqytetit po tërheqin......
