FMN vlerëson ekonominë shqiptare: Rritje e qëndrueshme dhe sektor bankar i fortë
Fondi Monetar Ndërkombëtar ka dhënë një vlerësim pozitiv për zhvillimet ekonomike në Shqipëri, duke theksuar se vendi po vijon të ruajë ritme të qëndrueshme rritjeje dhe një sistem financiar të shëndetshëm.
Ky konstatim u bë gjatë vizitës së misionit të FMN-së në Tiranë, të zhvilluar nga 28 maji deri më 2 qershor 2026, nën drejtimin e shefit të misionit për Shqipërinë, Diego Cerdeiro. Gjatë qëndrimit në vend, ekspertët e FMN-së zhvilluan një sërë takimesh me përfaqësues të Bankës së Shqipërisë dhe me Guvernatorin Gent Sejko.
Në fokus të diskutimeve ishin ecuria e ekonomisë, politika monetare, stabiliteti i sistemit financiar dhe pritshmëritë për zhvillimet e ardhshme. Guvernatori Sejko evidentoi se ekonomia shqiptare ka vazhduar të performojë pozitivisht, duke reflektuar rritje të punësimit, të ardhurave dhe përmirësim të treguesve kryesorë makroekonomikë.
Sipas vlerësimit të FMN-së, ekonomia shqiptare ka treguar aftësi për t’u përballur me goditjet e jashtme dhe mbetet në një trajektore pozitive zhvillimi. Megjithatë, ekspertët ndërkombëtarë paralajmëruan se tensionet gjeopolitike dhe pasiguritë në ekonominë globale kërkojnë vigjilencë dhe monitorim të vazhdueshëm.
Lidhur me inflacionin, FMN vlerësoi se Banka e Shqipërisë ka ndjekur një qasje të balancuar dhe efektive në politikën monetare. Institucioni ndërkombëtar mbështeti strategjinë aktuale të bankës qendrore, e cila synon ruajtjen e stabilitetit të çmimeve dhe kthimin e inflacionit pranë objektivit afatmesëm.
Në takime u trajtua edhe çështja e kursit të këmbimit dhe rezervave valutore. Përfaqësuesit e FMN-së vlerësuan se mbiçmimi i lekut është ndikuar nga faktorë strukturorë dhe zhvillime pozitive në ekonomi, ndërsa theksuan rëndësinë e ruajtjes së regjimit të lirë të kursit të këmbimit si një mekanizëm që rrit fleksibilitetin ekonomik.
Vlerësime pozitive mori edhe sektori bankar shqiptar, i cili sipas FMN-së paraqitet i mirëkapitalizuar, me likuiditet të lartë dhe me nivel të ulët të kredive me probleme. Institucioni ndërkombëtar përshëndeti gjithashtu përpjekjet e Bankës së Shqipërisë për forcimin e mbikëqyrjes financiare dhe përafrimin e legjislacionit me standardet e Bashkimit Evropian.
Përveç zhvillimeve aktuale, diskutimet prekën edhe sfidat afatgjata të ekonomisë shqiptare, duke përfshirë ndryshimet demografike, nevojën për rritjen e produktivitetit dhe ndikimin që procesi i integrimit në Bashkimin Evropian pritet të ketë në zhvillimin ekonomik të vendit.
Belgjika konfirmon hapjen e ambasadës në Tiranë - Prévot: Shqipëria po avancon me sukses drejt BE-së
Zëvendëskryeministri dhe ministri i Punëve të Jashtme të Belgjikës, Maxime Prévot, ka vlerësuar ecurinë e Shqipërisë në procesin e integrimit europian, duke......
Bruksel/ Dogana Shqiptare pjesë e proceseve për standardet globale të klasifikimit të mallrave
Përfaqësues të Administratës Doganore Shqiptare morën pjesë në sesionin e 67-të të Nënkomitetit për Rishikimin e Sistemit të Harmonizuar, i zhvilluar në......
Kursi i këmbimit/ Forcohen Dollari dhe Paundi. Dobësohet Franga
Dollari amerikan ka rikuperuar pikë duke regjistruar rritje të vlerës në raport me rënien që pësoi një ditë më parë duke u blerë sot me 81.5 lekë dhe duke u......
Policia masa për ndeshjen Shqipëri-Izrael: Bllokime rrugësh pranë “Air Albania”!
Policia e Shtetit njoftoi sot planin e detajuar të masave për garantimin e rendit dhe sigurisë publike para, gjatë dhe pas zhvillimit të ndeshjes miqësore të......
Mbi 156 mijë pasagjerë në katër muaj - Porti i Durrësit, 4% më shumë udhëtarë se një vit më parë
Flukset e udhëtarëve përmes Portit të Durrësit kanë vijuar të shënojnë rritje edhe gjatë muajve të parë të vitit 2026, duke konfirmuar rolin e këtij porti si......
Tirana “fitoi” mbi 5 mijë banorë në një vit/ 11 qarqe në rënie. Kukësi dhe Shkodra humbën më shumë banorë
Popullsia e Shqipërisë vijon të tkurret, por edhe të përqendrohet gjithnjë e më shumë në kryeqytet. Në të kundërt, të gjitha qarqet e tjera kanë humbur......
Shumica mbajnë shtetësinë origjinale - Anketa me të ardhurit në Gjermani. Vitin e kaluar, rreth 189,000 aplikime të reja
Shumica e njerëzve që aplikuan për shtetësi gjermane vitin e kaluar e ruajtën shtetësinë e tyre origjinale, sipas një sondazhi nga grupi kërkimor i......
Cilat vende tërheqin më shumë investime të huaja? - Franca, destinacioni kryesor në Evropë. Ndjekin Britania dhe Gjermania
Investimet e huaja shihen gjerësisht si një nxitës kryesor i rritjes ekonomike, inovacionit dhe krijimit të vendeve të punës. Kur kompanitë hapin vende të......
