Fletët e votimit- KQZ miraton sasinë që do të prodhohet për çdo qark për zgjedhësit brenda territorit të Republikës së Shqipërisë
Sot, Komisioneri Shtetëror i Zgjedhjeve miratoi sasinë e fletëve të votimit që do të prodhohen për çdo qark për zgjedhësit brenda territorit të Republikës së Shqipërisë, për zgjedhjet për Kuvend të datës 11 maj 2025. Nga përpunimi i të dhënave të listës të zgjedhësve marrë nga DPGJC për zgjedhjet e datës 11 maj 2025, rezulton se në Republikën e Shqipërisë numri i zgjedhësve është 3,467,962 zgjedhës. Sasia e fletëve të votimit që do të prodhohet për zgjedhjet për Kuvend, duke shtuar 2% (përqind) mbi numrin e zgjedhësve, është 3,534,000 fletë votimi.
KSHZ caktoi numrin e Komisioneve të Administrimit e Numërimit dhe Vlerësimit të Votave nga Jashtë (KANVVJ) dhe Grupeve të Numërimit të Votave nga Jashtë (GNVJ), përkatësisht 7 KANVVJ dhe 37 GNVJ.
Gjithashtu, u dha autorizimi për KZAZ-në nr. 44, Bashkia Rrogozhinë, që me vendim të krijojë dhe emërojë Komisionin e Qendrës së Votimit të Posaçme nr. 2224/01, IEVP Rrogozhinë.
Në përfundim të shqyrtimit administrativ të kërkesës së “Koalicioni Partia Demokratike – Aleanca për Shqipërinë Madhështore”, për heqjen e menjëhershme të simboleve, stemave dhe logove jo zyrtare të PD, Komisioneri urdhëroi Policinë Bashkiake Korçë për heqjen e menjëhershme të materialeve propagandistike nga ambienti privat në lagjen nr. 7, Korçë.
Ndërkohë, monitoruesit e fushatës zgjedhore kanë raportuar në KQZ për shkelje të konstatuara në Bashkinë Tiranë dhe Delvinë, ndaj KSHZ vendosi:
1. Urdhërimin e subjektit zgjedhor “Partia Socialiste e Shqipërisë” për heqjen e menjëhershme të materialeve propagandistike nga zyra zgjedhore afër QV-së 2114, me vendndodhje shkolla e mesme e bashkuar “Bedri Llagami”, njësia administrative Vaqarr, Tiranë.
2. Urdhërimin e subjektit zgjedhor “Partia Socialiste e Shqipërisë” për heqjen e menjëhershme të materialeve propagandistike nga zyra zgjedhore afër KZAS-së nr. 89 me vendndodhje, në Delvinë, Qarku Vlorë.
U caktua koha e transmetimit në radiotelevizionin publik të fushatës zgjedhore të partive politike të regjistruara si subjekte zgjedhore.
Partia Socialiste e Shqipërisë dhe Koalicioni PD – Aleanca për Shqipërinë Madhështore do të kenë një minutazh kohor transmetimi të barabartë prej 90 minuta secila, përkatësisht 60 minuta në televizionin publik dhe 30 minuta në radion publike. Partia Socialdemokrate do të ketë një minutazh kohor transmetimi të barabartë prej 45 minuta, përkatësisht 30 minuta në televizionin publik dhe 15 minuta në radion publike.
Një minutazh kohor transmetimi të barabartë prej 20 minuta, përkatësisht 10 minuta në televizionin publik dhe 10 minuta në radion publike do të kenë partitë joparlamentare:
1. Lëvizja Shqipëria Bëhet
2. Partia Nisma Thurje
3. Partia Lidhja për të Drejtat e Punëtorëve Shqiptar
4. Partia Djathtas 1912
5. Partia Lëvizja Bashkë
6. Partia Koalicioni Euroatlantik
7. Partia Mundësia
8. Partia Aleanca Demokracia e Re
9. Lëvizja Atdheu
10. Partia Aleanca Kombëtare Shqiptare
Komisioneri miratoi rregullat dhe kriteret e ndarjes së hapësirave reklamuese zgjedhore në billboard dhe city lights në mënyrë të barabartë. Bashkitë, jo më vonë se 35 ditë para datës së zgjedhjeve, hartojnë një listë të hapësirave të lejuara për reklamat zgjedhore dhe menjëherë e publikojnë atë në faqet zyrtare përkatëse, si dhe njoftojnë subjektet zgjedhore dhe KQZ.
Sot, u plotësuan dhe vakancat e krijuara në këshillat bashkiak:
1. Këshilli i Bashkisë Berat, me kandidatin e “Partisë Socialiste të Shqipërisë”, z. Albion Sulaj”.
2. Këshilli i Bashkisë Sarandë, me kandidatin e “Partisë Socialiste të Shqipërisë”, zj. Katerina Beqo”.
3. Këshilli i Bashkisë Sarandë, me kandidatin e “Partisë Lëvizja e Legalitetit”, z. Kevin Alikaj”.
Sondazh
Produkte importi jo-konform ligjit – AKU informon mbi situatën aktuale në vend!
Në kuadër të transparencës dhe informimit të publikut, Autoriteti Kombëtar i Ushqimit, bën me dije se për çdo rast të konstatuar (në treg apo në Pikat e......
Formula tarifore e Trump ndëshkon të varfrit - Humbësit më të mëdhenj, Afrika dhe Azia Juglindore
Formula e presidentit amerikan Donald Trump për vendosjen e tarifave shfaq një tjetër aspekt negativ: ajo po godet gjithashtu disa nga vendet më të varfra në......
Influenca Aviare në dy stabilimentet në zonën e Durrësit – MBZHR: Janë marrë masat e menjëhershme!
Në kuadër të transparencës dhe informimit të publikut Ministria e Bujqësisë dhe Zhvillimit Rural sqaron se referuar situatës së Influencës Aviare në dy......
“IA mund të ndikojë 40% të vendeve të punës” - Sipas OKB-së, teknologjia do të zgjerojë pabarazinë midis kombeve
Inteligjenca artificiale parashikohet të arrijë vlerën e tregut në 4.8 trilionë dollarë deri në vitin 2033, por përfitimet e teknologjisë mbeten shumë të......
Trump i jep fund përjashtimit nga taksat importeve kineze me vlerë të ulët!
Një njoftim për klientët e mahnitur nga produktet me çmime të ulëta në aplikacionet e blerjeve kineze: ditët e marrjes së veshjeve, veglave dhe dhuratave në......
Macron kërkon pezullimin e investimeve në SHBA - Paralajmëron kundërpërgjigje të “fuqishme” ndaj tarifave amerikane
Presidenti francez Emmanuel Macron u bëri thirrje kompanive evropiane që të pezullojnë investimet e planifikuara në Shtetet e Bashkuara, pasi Presidenti......
Bursa shqiptare, faturimet arritën në 301 mln euro - Tregtimi i energjisë në ALPEX, volumet në vitin 2024 u rritën me 41.7%
Volumet e energjisë të tregtuar në Bursën Shqiptare të Energjisë Elektrike, ALPEX u rritën me 41.7% gjatë vitit 2024, në raport me vitin 2023. Në total, në......
Kina vendos tarifë hakmarrëse prej 34% për importet e të gjitha mallrave amerikane!
Kina njoftoi të premten se do të vendoste një tarifë 34% mbi importet e të gjitha produkteve amerikane duke filluar nga 10 prilli, pjesë e një mori masash......
