Fitimet nga bonot 12-mujore, në nivelin më të lartë të vitit - Edhe pse yield-i u rrit në 2.67%, kërkesa e investitorëve rezultoi më e ulët
Fitimet nga investimi në bono thesari 12-mujore kanë shënuar një rritje të lehtë në ankandin më të fundit të zhvilluar nga Ministria e Financave. Në ankandin e fundit, yield-i mesatar i ponderuar i pranuar arriti në 2.67%, nga 2.59% që ishte në ankandin e mëparshëm të muajit qershor.
Kjo rezulton të jetë norma më e lartë e interesit që prej fillimit të vitit.
Megjithatë, niveli i interesit vijon të luhatet pranë normës bazë të interesit të Bankës së Shqipërisë, e cila aktualisht qëndron në 2.50%.
Ndryshe nga ankandet e mëparshme, këtë herë kërkesa e investitorëve rezultoi më e ulët se shuma që qeveria synonte të merrte hua. Konkretisht, Ministria e Financave kishte shpallur për financim 8 miliardë lekë, ndërsa vlera e kërkesave të paraqitura në ankand arriti në rreth 5.55 miliardë lekë.
Për pasojë, u pranua e gjithë shuma e kërkuar nga investitorët, por qeveria nuk arriti të sigurojë të gjithë shumën e planifikuar. Raporti i mbulimit të ankandit rezultoi 0.69, që tregon se për çdo 100 lekë të shpallura për financim, investitorët ofruan vetëm 69 lekë.
Të dhënat tregojnë gjithashtu se yield-i maksimal i kërkuar nga investitorët arriti në 2.84%, ndërsa yield-i minimal i kërkuar ishte 2.55%. Kjo tregon se pjesëmarrësit në ankand kanë kërkuar norma interesi disi më të larta krahasuar me ankandet e mëparshme.
Bonot e thesarit 12-mujore konsiderohen ndër instrumentet më të sigurta të investimit në tregun vendas, pasi garantohen nga shteti. Yield-i përfaqëson fitimin që realizon investitori nga mbajtja e bonos deri në maturim dhe në rastin e bonove 12-mujore ky fitim krijohet nga diferenca mes çmimit të blerjes dhe vlerës që investitori përfiton në fund të afatit njëvjeçar.
Kupa e Botës nuk nxiti ekonominë e Meksikës - Sipas analistëve, ndikimi ishte shumë i lokalizuar
Kupa e Botës mbushi stadiumet me tifozë në Meksikë, por nuk arriti të ngrejë një ekonomi të ngadaltë të rënduar nga investimet e dobëta dhe pasiguria mbi......
Bashkitë investojnë për qytetarët vetëm 20% të buxhetit - 80% e financave vendore përdoren për paga dhe shpenzime operative
Megjithëse burimet financiare janë rritur në tërësi për të gjitha bashkitë në vend, struktura e shpenzimeve sipas bashkive ka probleme. Referuar raportit të......
Shtohen fondet për programin “Dyfisho Sipërmarrjen Tënde” - Malaj: Garancia Sovrane është rritur nga 3 miliardë lekë në 5 miliardë lekë
Ministri i Financave, Petrit Malaj, mori pjesë në aktivitetin e prezantimit të Programit Kombëtar “Dyfisho Sipërmarrjen Tënde”. Gjatë fjalës së tij,......
Kapitulli 26 mbyllet, reformat vijojnë - Osmani: Do të vazhdojmë të raportojmë në BE
Shqipëria ka mbyllur së fundmi 3 kapitujt e parë të negociatave me Bashkimin Europian. Një prej tyre është edhe kapitulli 26, për Arsimin dhe Kulturën. Në......
“Dyfisho sipërmarrjen tënde”, financim për bizneset - Rama: Deri në 2 mln euro mbështetje për ndërmarrjet e vogla dhe të mesme
Mbështetje financiare për bizneset e vogla dhe të mesme, me synimin që ato të zgjerojnë aktivitetin dhe të kalojnë në një nivel të ri investimesh. Ky është......
Shqipëria përgatitet për lekun digjital - Monedha e re do të ketë të njëjtën vlerë si leku i zakonshëm, por do të ekzistojë elektronikisht
Leku digjital mund të jetë një nga risitë më të mëdha që sjell projektligji i ri për Bankën e Shqipërisë. Për herë të parë, ligji parashikon që, krahas......
Shqipëria mbi mesataren e BE-së, inflacioni arrin 3.2%/ Argëtimi shtrenjtohet me mbi 10%, ushqimet japin goditjen kryesore
Indeksi i Harmonizuar i Çmimeve të Konsumit, i cili mundëson matjen e inflacionit sipas metodës europiane, u regjistrua në 3.2% në Shqipëri gjatë muajit......
Shqipëria priti 12.4% më shumë vizitorë në maj/ Rajoni jugor shënoi rritje të lartë të numrit të turistëve. Kryesojnë italianët
Sektori i turizmit në Shqipëri vijoi të shënojë rezultate pozitive edhe gjatë muajit maj 2026. Sipas të dhënave të publikuara nga INSTAT, numri i vizitorëve......
