Filtër i ri për monumentet - Ngrihet Komisioni Shtetëror i Artit në Hapësirat Publike
Monumente, buste, memoriale, skulptura, apo vepra të tjera arti nuk do të mund të vendosen në hapësirat publike vetëm me miratimet vendore. Çdo projekt i tillë do të duhet të kalojë edhe në filtrin e Komisionit Shtetëror të Artit në Hapësirat Publike, i cili do të japë miratimin përfundimtar nga pikëpamja artistike dhe kulturore.
Rregullat e reja përcaktohen në një udhëzim të përbashkët të Ministrisë së Kulturës dhe Ministritt ë Shtetit për Pushtetin Vendor, sipas të cilit Komisioni do të shqyrtojë çdo vepër arti apo vepër përkujtimore që propozohet për t'u vendosur në një shesh, rrugë, park apo hapësirë tjetër publike.
Në praktikë, përpara se një monument apo skulpturë të vendoset në një hapësirë publike, do të vlerësohet jo vetëm projekti, por edhe nëse ai përshtatet me zonën ku propozohet. Komisioni do të gjykojë cilësinë artistike, raportin me arkitekturën dhe urbanistikën përreth, ndikimin në hapësirën publike, respektimin e vlerave historike e të trashëgimisë kulturore, si dhe interesin publik.
Nëse Komisioni nuk e miraton veprën, ajo nuk mund të marrë lejen për t'u vendosur në hapësirën publike. Kjo vlen edhe kur projekti financohet privatisht, pasi rregulli zbatohet pavarësisht se kush e propozon apo financon veprën.
Komisioni do të përbëhet nga pesë anëtarë, nga të cilët tre janë përfaqësues të ministrisë përgjegjëse për kulturën ose institucioneve të saj dhe dy ekspertë të jashtëm në fusha si arkitektura, urbanistika, artet pamore, skulptura monumentale dhe trashëgimia kulturore. Në raste të veçanta ministri mund të shtojë edhe dy ekspertë të tjerë me të drejtë vote.
Nga miratimi i Komisionit përjashtohen veprat që vendosen përkohësisht në hapësirat publike, për një periudhë jo më të gjatë se një vit, me kusht që të jenë thjesht instalacione artistike/dekor urban dhe të mos kenë karakter memorial apo përkujtimor. Jashtë kësaj procedure mbeten edhe reklamat dhe elementet publicitare.
Një në dy të huaj qëndron në Shqipëri për punë/ Nga 7 mijë në 17 mijë në pesë vite, punësimi dominon lejet e qëndrimit
Shqipëria po shndërrohet gradualisht në një treg gjithnjë e më tërheqës pune për të huajt, teksa numri i atyre që zgjedhin të qëndrojnë në vend për arsye......
Sa prona ishin aktive në korrik për Air Bnb? Vlora vijon të ketë numrin më të lartë dhe fluksin më të madh
Tregu i qirave afatshkurtra vijon të përjetojë kulmin gjatë sezonit turistik veror, me mijëra prona që presin çdo ditë turistë shqiptarë dhe të huaj. Të......
31 vatra zjarri në vetëm 24 orë/ MM: 3 ende aktive, ja zonat ku vijon operacioni
Situata e zjarreve në vend paraqitet më e qetë, ndërsa nga 31 vatra të raportuara gjatë 24 orëve të fundit, 3 vijojnë të jenë aktive dhe 6 të tjera mbahen......
Si mund të fuqizohen bashkitë e vogla? - Raporti/ Paketë fiskale e diferencuar dhe rishikim i transfertës së pakushtëzuar
Shumë bashki në vend ndodhen në kushtet e pafuqisë financiare për të ofruar shërbimet e duhura për shkak se nuk arrijnë të mbledhin të ardhura dhe të......
Kadastra sqaron qytetarët: Ja dokumentet që duhen për regjistrimin e tokës me AMTP
Agjencia Shtetërore e Kadastrës (ASHK) ka informuar qytetarët mbi dokumentet që duhet të disponojnë për regjistrimin e Aktit të Marrjes së Tokës në Pronësi......
Luhatje në tregun valutor – Vijon paqëndrueshmëria për monedhat kryesore
Dollari amerikan edhe pse ka pasur një rritje të lehtë të kuotës në raport me dje vijon të pozicionohet dobët përballë monedhës vendase duke u blerë këtë......
BE riformaton zgjerimin: Integrim gradual dhe rregulla më të forta për anëtarët e rinj
Bashkimi Evropian po shqyrton një qasje të re për zgjerimin, me synim përshpejtimin e integrimit të vendeve kandidate dhe shmangien e bllokimeve që kanë......
Plakja e popullsisë rëndon Gjermaninë - Në periudhën 2019-2025, shpenzimet sociale u rritën me 11.5%
Plakja e popullsisë po rrit ndjeshëm presionin mbi financat publike të Gjermanisë, ndërsa shpenzimet sociale kanë arritur një nivel rekord, sipas një analize......
