Fermerë, artizanë dhe biznese të vogla, drejt tregut europian - Projektligj për partneritete biznesi mes Shqipërisë dhe BE-së
Fermerë, artizanë, biznese të vogla dhe ndërmarrje shqiptare do të mund të bashkojnë kapitalet dhe aktivitetin e tyre me partnerë nga vendet e Bashkimit Europian, përmes një forme të re organizimi.
Projektligji për Shoqëritë Europiane të Bashkëpunimit, krijon për herë të parë në Shqipëri kuadrin ligjor për ngritjen dhe funksionimin e këtyre subjekteve ndërkufitare. Një shoqëri e tillë mund të themelohet nga persona fizikë ose juridikë nga të paktën dy shtete të ndryshme, ku njëri prej tyre duhet të jetë Shqipëria dhe tjetri një vend anëtar i Bashkimit Europian.
Kapitali minimal për themelimin e saj përcaktohet në 30 mijë euro. Ndryshe nga kompanitë tradicionale, qëllimi kryesor i këtyre shoqërive nuk është vetëm maksimizimi i fitimit, por përmbushja e nevojave ekonomike dhe sociale të anëtarëve.
Sipas relacionit, sektorët me potencialin më të madh janë bujqësia, zejtaria, shërbimet dhe aktivitetet financiare. Në skenarin e parashikuar nga qeveria, brenda pesë deri në dhjetë vjetësh mund të krijohen rreth 100 shoqëri europiane bashkëpunimi, të cilat potencialisht mund të gjenerojnë deri në 50 milionë euro aktivitet shtesë në ekonomi.
Në një përllogaritje ilustruese, nëse secila prej tyre do të krijonte mesatarisht dhjetë vende pune, ndikimi mund të arrinte në rreth një mijë vende të reja pune.
Zbatimi i projektligjit vlerësohet se do të kushtojë rreth 450 mijë euro. Nga kjo shumë, 250 mijë euro janë kosto për sektorin publik, kryesisht për përditësimin e sistemeve të Qendrës Kombëtare të Biznesit dhe trajnimin e administratës. Rreth 200 mijë euro përllogariten si kosto themelimi dhe përshtatjeje për bizneset.
Regjistrimi dhe administrimi i shoqërive të reja do të kryhet nga Qendra Kombëtare e Biznesit, e cila duhet të përshtatë sistemet elektronike dhe t’i përgatisë ato për ndërlidhjen e ardhshme me regjistrat europianë të biznesit. Projektligji është pjesë e detyrimeve të Shqipërisë për kapitullin 6 të negociatave, që lidhet me të drejtën e shoqërive tregtare. Ligji do të zbatohet deri në momentin e anëtarësimit të vendit në Bashkimin Europian, kur rregullat europiane do të bëhen drejtpërdrejt të aplikueshme.
Ajri i kondicionuar nga panelet diellore - Eliminon çlirimin e dioksidit të karbonit
Temperaturat e larta kanë përfshirë pjesën më të madhe të kontinentit këtë javë, duke rezultuar në çrregullime dhe dhjetëra viktima. Një analizë e re nga......
Shqipëria firmos memorandum me ENI-n për rezervat strategjike të naftës dhe gazit
Qeveria shqiptare ka nënshkruar një memorandum mirëkuptimi me kompaninë italiane të energjisë ENI, me synimin për të rritur sigurinë energjetike dhe për të......
Kabllot e internetit do të kalojnë nën tokë, Rama paralajmëron “Rilindjen Urbane 2.0”
Qeveria ka prezantuar një nismë për sistemimin e rrjeteve të komunikimit elektronik në qytete, e cila parashikon kalimin gradual të kabllove të internetit......
Rama në Gdansk: Rindërtimi i Ukrainës dhe zgjerimi i BE-së janë pjesë e së njëjtës strategji
Kryeministri Edi Rama mori pjesë në konferencën për rindërtimin e Ukrainës, të zhvilluar në Gdansk të Polonisë, ku në fokus ishin mbështetja për Kievin dhe......
Rama për takimin me Macron në Paris: Në fokus integrimi europian dhe partneriteti Shqipëri–Francë
Kryeministri Edi Rama zhvilloi një vizitë në Paris, me ftesë të Presidentit francez Emmanuel Macron, ku në fokus të diskutimeve ishin partneriteti strategjik......
“The Albanian Files”, Rama: Projekt i pavarur me 60 studio ndërkombëtare
Kryeministri Edi Rama ka reaguar ndaj debatit të krijuar rreth librit “The Albanian Files”, një botim që përmbledh projekte, ide dhe reflektime të 60......
Ministri Hoxha në forumin e Dubrovnikut:- Anëtarësimi në BE, i vetmi drejtim për të ardhmen e Shqipërisë
Ministri për Evropën dhe Punët e Jashtme Ferit Hoxha po merr pjesë në Forumin e Dubrovnikut në Kroaci, ku u prit fillimisht nga homologu i tij kroat Gordan......
46% më shumë individë zgjedhin formimin profesional - AKPA: Mbi 6.700 qytetarë përfituan gjatë pesë muajve
Interesi për formimin profesional në vend vijon të rritet. Sipas të dhënave të publikuara nga Agjencia Kombëtare e Punësimit dhe Aftësive, gjatë periudhës......
