Energjia, linjë e dytë interkonjeksioni me Greqinë - Ministri Karakaçi merr pjesë në Konferencën e Energjisë në Athinë
Ministri i Infrastrukturës dhe Energjisë, Enea Karakaçi, ka marrë pjesë në Konferencën e Energjisë, të organizuar nga prestigjozja Financial Times, në Athinë. Sipas ministrit, ishte një rast shumë i mirë për të diskutuar temat e ditës në sektorin energjetik, por edhe atë çfarë po bën Shqipëria dhe çfarë ka bërë Shqipëria gjatë gjithë këtyre viteve.
Patjetër një nga elementet kryesore është interkonjektiviteti i gjithë vendeve fqinje, por unë kisha rëndësinë të theksoja se sa mirë e pozicionuar është Shqipëria me ndërlidhjet e transmetimit me të gjitha vendet fqinje të rajonit, por dhe me linjën që tashmë është në fazat mbi 90% të punimeve me Maqedoninë e Veriut. I prezantova projektet që kemi përsa i përket linjës së interkoneksionit me Italinë.
U ndala për një temë të rëndësishme përsa i përket partneritetit strategjik me Shtetet e Bashkuara të Amerikës dhe me dy marrëveshjet e nënshkruara para dy javësh, që transformojnë Vlorën në një qendër gravitacionale për të gjithë rajonin përsa i përket transmetimit me gazin natyror. Duke qenë se Shqipëria prodhon 100% të energjisë nga burimet e rinovueshme, ka aftësinë të përthithë edhe kapacitete nga gazi natyror pa cenuar asnjë nga targetet e Bashkimit Evropian dhe pa cenuar asnjë target tonin të energjisë së rinovueshme.
Gjatë punimeve të samitit, Karakaçi zhvilloi një takim me homologun e tij grek, me të cilin diskutoi bashkëpunimin e dy vendeve në këtë sektor.
Ndava me të rëndësinë e interkonjektorit të ri që të dy shtetet planifikojnë të bëjnë, për lidhjen midis Shqipërisë dhe Greqisë me një linjë të dytë interkonjeksioni. Në kushtet e zhvillimeve të energjisë së rinovueshme në Shqipëri, kjo linjë e dytë transmetimi merr një rëndësi mjaft të veçantë.
I bëra përsëri një ftesë ministrit grek të energjisë për të bashkëpunuar edhe në kuptim të bursës shqiptare të energjisë elektrike. Tashmë bursa shqiptare e energjisë elektrike ka marrë një zhvillim shumë të madh përsa i përket volumeve të energjisë. Ftova ministrin grek që të vazhdojë bashkëpunimi përsa i përket dy bursave të energjisë elektrike, ndërmjet bursës shqiptare të energjisë dhe bursës greke të energjisë, që gjatë gjithë këtyre viteve kanë patur një bashkëpunim shumë të mirë përsa i përket operimit të tyre.
Sipas Karakaçit, bursa shqiptare e energjisë ka marrë një zhvillim shumë të madh, ku volumet janë shtuar në vitet e fundit, dhe pikërisht ka qenë një nga elementët kryesorë bashkëpunimi edhe me palën greke për t'i dhënë siguri në operim, por edhe në efiçencën e plotë të transaksioneve.
14 mijë matësa inteligjentë të rinj - OSSH hap tenderin me fond 432 mln lekë, përfshihet Tirana dhe Durrësi
Me një fond limit prej 432.3 mln lekësh, Operatori i Sistemit të Shpërndarjes ka hapur tenderin për instalimin e sistemit të matjes inteligjente te......
363 mijë transferta në euro me SEPA në 6 muaj - Zaçaj: Janë tejkaluar bindshëm projektimet fillestare të sektorit. Reduktim 23-fish i kostove
Vetëm në gjashtë muaj, janë kryer 363 mijë transferta hyrëse dhe dalëse përmes Sistemit Unik të Pagesave në Euro, SEPA. Kështu ka deklaruar......
ODIHR kërkon transparencë për financimin e partive - Opinion urgjent për projektligjin: Rregulla më të qarta për donatorët
ODIHR ka publikuar një opinion urgjent të ndërmjetëm për projektligjin shqiptar mbi financimin e partive politike, ku vlerëson si pozitiv synimin për të......
Projektrezoluta për integrimin, debate në Kuvend - Hasani: Anëtarësimi, objektiv strategjik. Vokshi: Procesi mbahet hermetik
Kuvendi po zhvillon një mocion me debat për procesin e anëtarësimit të Shqipërisë në Bashkimin Europian. Projektrezoluta u prezantua nga kryetari I Komisionit......
Hezitojmë për fëmijën e parë, por jo për të tretin/ Çiftet e reja po shtyjnë prindërimin, ndërsa familjet me tre fëmijë rezistojnë ende
Shqipëria po përjeton një ndryshim të fortë në modelin e lindjeve. Të dhënat më të fundit të Eurostat tregojnë se në vend po pakësohen lindjet e fëmijëve të......
“Sigurimi ndaj katastrofave natyrore, prioritet kombëtar” - Ibrahimaj: Politika afatgjata dhe mekanizma më të fortë financiarë për përballimin e dëmeve
Nëpërmjet politikave afatgjata mund të garantojmë një mbrojtje më të mirë ndaj fatkeqësive natyrore. Kështu është shprehur Ministrja për Ekonominë dhe......
100 mijë hektarë tokë bujqësore del në shitje për të huajt - Projektligji/ Si do bëhet kalimi i pronësisë dhe kriteret për investime
Qeveria do të lehtësojë procedurat për shitjen e tokave bujqësore tek investitorë të huaj. Projektligji i hedhur për konsultim publik “Për kalimin në pronësi......
PPP-të dhe koncesionet, vendoset kufi minimal - S’ka më kontrata nën 5 mln lekë, ndryshon kufiri dhe për tenderët
Qeveria ka vendosur për herë të parë një kufi minimal monetar për kontratat koncesionare dhe partneritetin publik privat. Sipas vendimit të miratuar një ditë......
