Shqipëria Postuar më 3 Mars 2025, 19:21

Çelet Panairi i Turizmit në Berlin, Rama: Shqipëria, destinacioni turistik me rritjen më të shpejtë në Europë

Nga Scan TV

Çelet Panairi i Turizmit në Berlin, Rama: Shqipëria,

Gjatë ceremonisë së hapjes së Panairit të Turizmit në Berlin, Kryeministri Edi Rama theksoi se Shqipëria është tani një nga destinacionet turistikë me rritjen më të shpejtë në Europë.

Kryeministri Edi Rama mbajti fjalën e tij në çelje të panairit më të madh të turizmit në botë në Gjermani, ITB Berlin. Rama i thotë gjermanëve se shtëpia e shqiptarit i takon Zotit dhe mikut. Ai mori si shembull ruajtjen e hebrenjve nga nazistët në Shqipëri gjatë luftës së dytë botërore. 

'A e keni dëgjuar një ligj në vend që deklaron shtëpitë tona i përkasin Zotit dhe mikut. Një ligji është shkruar në Shqipërinë mesjetare është pjesë përbërëse e jetës së Shqipërisë. Është thelbi i asaj që quajmë shqip pritje. Në shqip do të thotë të bësh të pamundurën të nderosh emrin dhe shtëpinë me mikun. Kulmi i mikpritjes shqiptar u shquajt me mbrojtjen e miqve hebrenj duke u bërë i vetmi vend në Evropë me më shumë hebrenj pas luftës se para saj. Jemi një vend myslimanësh, krishterësh ortodoks, dhe katolikësh. Por qëndruam krah hebrenjve duke refuzuar të dorëzonin qoftë një frymë të vetme te nazistët. Kush troket në dyert e shqiptarit e bën me vullnetin e Zotit. Duke hapur dyert trajtojmë një mik si Perëndi. Nëse doni të ndiheni si Perëndi ejani në Shqipëri. E nëse doni Perëndi si drejtues taksish shkoni në Greqi.'

Rama gjithashtu bëri një paralelizëm historik duke përmendur Karl Marksin, që nuk mund të hynte në Shqipërinë komuniste, ndërsa sot vendi është një atraksion turistik i preferuar.

"Karl Marksi nuk mund të hynte në Shqipërinë komuniste. Shifrat e turistëve në Shqipëri janë shumëfishuar. I duam gjermanët sepse pinë shumë birrë dhe hanë shumë. Edhe pse ka shumë për të ngrënë në Gjermani, shijet në Shqipëri janë të mrekullueshme.

Shqipëria është destinacion që duhet vizituar. Shqipëria është destinacioni turistik me rritjen më të shpejtë në Europë."

Sondazh

Poll

Live TV

Të fundit
Të gjitha lajmet

Më të vizituarat