Eksporti i mallrave ushtarake - Ministria e Mbrojtjes zgjat vlefshmërinë e licencave nga një në dy vjet
Çdo eksport i mallrave ushtarake dhe atyre me përdorim të dyfishtë bëhet me licencë dhe i nënshtrohet një vlerësimi të rrezikut. Ministria e Mbrojtjes ka vendosur që të zgjasë afatin e vlefshmërisë së licencave nga një vit në dy vjet për eksportin e këtyre mallrave.
Është publikuar për konsultim publik një projektligj lidhur me disa shtesa dhe ndryshime në ligjin për kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë.
Ligji ekzistues nuk përmbante dispozita të mjaftueshme për mallrat që nuk janë të listuara, por që mund të përdoren për zhvillimin ose përhapjen e armëve të ndaluara. Për sa i përket dhënies së licencës, janë shtuar disa kritere të BE-së, me qëllim përputhjen e praktikave shqiptare me ato të shteteve anëtare.
Mallra me përdorim të dyfishtë përfshijnë programe kompjuterike dhe teknologji, të cilat mund të përdoren për qëllime civile dhe ushtarake, si dhe përfshijnë mallra që mund të përdoren për projektimin ose përdorimin e armëve bërthamore, kimike ose biologjike apo të mjeteve për shpërndarjen e tyre.
Për herë të parë do të bëhet kontrolli i mallrave të palistuara për mbikëqyrje kibernetike, nëse ato përdoren për shtypje të brendshme ose shkelje të të drejtave të njeriut. Pra, për herë të parë kemi kontrollin e atyre mallrave që kanë të bëjnë me mbikëqyrjen e fshehtë të individëve përmes telefonit apo pajisjeve të tjera elektronike.
Nga ana tjetër, risi është përfshirja e tetë kritereve të BE-së për vlerësimin e kërkesave për licencim. Kriteret përfshijnë respektimin e detyrimeve ndërkombëtare, të drejtave të njeriut, situatës së brendshme në vendin e destinacionit, stabilitetit rajonal, sigurisë kombëtare, sjelljes ndërkombëtare të vendit pritës, rrezikut të devijimit dhe përshtatshmërisë ekonomike të eksportit.
Autoriteti i Kontrollit Shtetëror të Eksporteve lëshon licenca individuale, globale apo të përgjithshme për eksportin e artikujve me përdorim të dyfishtë. Këto ndryshime vijnë në kuadër të përafrimit të legjislacionit shqiptar me atë të Bashkimit Evropian.
Online çdo ditë, por “analfabetë” digjitalë - Shqiptarët përdorin shumë internet, por kanë pak aftësi digjitale
Brezi i ri nga 16 deri në 29 vjeç e ka çuar Shqipërinë në top 4 vendet në Europë për përdorimin e përditshëm të internetit, duke lundruar kryesisht në......
Mbrojtja e pronësisë industriale/ DPPI bashkëpunim me Dhomën Amerikane të Tregtisë!
Drejtoria e Përgjithshme e Pronësisë Industriale (DPPI) dhe Dhoma Amerikane e Tregtisë në Shqipëri (AmCham) nënshkruan një marrëveshje bashkëpunimi, me......
3.9 mld lekë për transportin rrugor në 4 muaj - Realizimi i buxhetit, si u shpenzuan paratë për projektet me financim të brendshëm e të huaj
Shpenzimet për transportin rrugor arritën në gati 3.9 mld lekë gjatë 4-mujorit të parë 2025, duke shënuar një realizim më të lartë në vlerë nominale, por më......
“Çmim dysheme për internetin” - Operatorët: Është dëmtuar tregu nga autorizimet e shumta. AKEP: Do të ketë pezullim
Numri i madh i autorizimeve të subjekteve që ofrojnë shërbime interneti para janarit të vitit 2025, ka dëmtuar tregun. Ndërkohë, ka edhe prej tyre që vijojnë......
AAPSK rrit me rreth 72% të ardhurat nga qiradhënia në 6-mujorin e parë të vitit 2025!
Agjencia e Administrimit të Pasurive të Sekuestruara dhe Konfiskuara (AAPSK) ka shënuar një rritje të ndjeshme të të ardhurave nga qiradhënia në......
Formimi profesional/ Gonxhja: Mbi 10 mijë trajnime përgjatë 12 muajve të fundit!
Në 12 muajt e fundit, Qendrat e Formimit Profesional kanë ofruar mundësi të shumta për aftësimin e qytetarëve, duke mbështetur strategjinë për forcimin e......
19 vatra zjarri të raportuara gjatë 24 orëve të fundit – AKMC informon mbi situatën aktuale në vend!
Agjencia Kombëtare e Mbrojtjes Civile njofton se gjatë 24 orëve të fundit janë raportuar 19 vatra zjarri, nga të cilat 4 vatra janë ende aktive. Këto vatra......
Sa të shpejtë e kanë shqiptarët internetin? Renditemi në vendin e 77-të në botë. Kryeson Singapori
Interneti është bërë një ndër pjesët më të pandashme të jetës sonë të përditshme. Gjithnjë e më shumë kohë po kalojmë të lidhur me rrjetin, si për punë,......
