EKSKLUZIVE/ Qeveria aktivizon procedurën për anulimin e kontratës së Aeroportit të Vlorës
Ministria e Infrastrukturës dhe Energjisë ka nisur procedurat për zgjidhjen e kontratës koncesionare të Aeroportit Ndërkombëtar të Vlorës. Televizioni SCAN ka mësuar nga burime të besueshme se procedura është iniciuar gjatë ditës së sotme, me synimin për të zhbllokuar situatën e krijuar pas vonesave në përfundimin e një prej projekteve më të mëdha infrastrukturore në vend.
Ky zhvillim vjen pas paralajmërimeve të bëra nga ministria gjatë muajve maj dhe qershor, kur u la të kuptohej se shteti ishte i gatshëm të ndërhynte për të zgjidhur ngërçin dhe për të garantuar funksionalizimin e aeroportit.
Në muajin maj, Ministria e Infrastrukturës dhe Energjisë deklaroi se Aeroporti Ndërkombëtar i Vlorës përbën një infrastrukturë me rëndësi strategjike për vendin dhe se funksionimi i tij është çështje e interesit publik e shtetëror, e jo thjesht një marrëdhënie biznesi mes palëve private. Më pas, në fillim të muajit qershor, ministria bëri të ditur se kompanive u ishte lënë një afat prej 30 ditësh për të zgjidhur mosmarrëveshjet tregtare.
Sipas informacioneve të siguruara nga SCAN, me nisjen e kësaj procedure qeveria ka kaluar në fazën e radhës të mekanizmave kontraktorë për zgjidhjen e situatës së krijuar.
Punimet për ndërtimin e Aeroportit Ndërkombëtar të Vlorës nisën zyrtarisht në nëntor të vitit 2021. Sipas kontratës koncesionare dhe planit fillestar të investimit, aeroporti duhej të përfundonte brenda rreth tre viteve dhe të niste operimet gjatë vitit 2025. Megjithatë, afatet nuk u respektuan dhe aeroporti ende nuk është bërë operacional.
Mosfunksionalizimi i aeroportit është lidhur me konfliktin e zgjatur mes aksionarëve të shoqërisë koncesionare, i cili ka sjellë procese gjyqësore, bllokim të vendimmarrjes dhe vonesa në realizimin e projektit.
Aeroporti Ndërkombëtar i Vlorës konsiderohet një investim strategjik për zhvillimin ekonomik të vendit. Vënia e tij në operim pritet të rrisë lidhjet ajrore me destinacione europiane dhe rajonale, të zgjasë sezonin turistik, të shtojë fluksin e vizitorëve dhe të nxisë investimet e huaja në jug të Shqipërisë.
Procedura e aktivizuar nga qeveria pritet të përcaktojë fatin e mëtejshëm të kontratës koncesionare dhe të vetë projektit, i cili konsiderohet një nga investimet infrastrukturore më të rëndësishme të viteve të fundit në Shqipëri.
AKSK: 14.6 milionë tentativa për sulme kibernetike ndaj infrastrukturave të informacionit në gjashtëmujorin e parë të vitit 2026
Gjatë gjashtëmujorit të parë, janar–qershor 2026, janë regjistruar gjithsej 14,628,595 tentativa për sulme kibernetike ndaj infrastrukturave të ekosistemit......
Përmirësim i furnizimit me energji në Alpet shqiptare - Nga Boga, në Theth. OSSH hap garën për linjën e re elektrike
Drejtoria e Tensionit të Lartë OSSH, ka shpallur hapjen e garës për ndërtimin e linjës së re elektrike 35 kilovolt Bogë–Theth. Fondi limit i këtij investimi......
Në cilin shtet kushton më shumë një iPhone? Shqipëria rezulton ndër tregjet më të lira në Europë
Një nga pajisjet më të kërkuara në botë, iPhone, vijon të shitet me çmime shumë të ndryshme nga një shtet në tjetrin. Sipas Visual Capitalist, bazuar në të......
Hungaria kërkon president të ri: Rrjetet sociale propozojnë personalitete të shkencës e kulturës deri te figura të njohura të internetit
Debati për zgjedhjen e presidentit të ri të Hungarisë është zhvendosur në rrjetet sociale, ku qytetarët po propozojnë një gamë të gjerë kandidatësh, nga......
Korriku, “boom” lëvizjesh turistike - Mbi 2 milionë pasagjerë nga deti dhe ajri
Korriku, muaji që tradicionalisht shënon kulmin e sezonit turistik, është shoqëruar me një fluks lëvizjesh në aeroportin ndërkombëtar të Rinasit dhe portet......
Tregtia mes Shqipërisë dhe Britanisë/ Turizmi dhe transporti vazhdojnë të forcojnë lidhjet ekonomike mes vendeve
Në katër tremujorët e fundit deri në fillim të vitit 2026, vendi ynë u rendit si partneri i 117-të tregtar i Mbretërisë së Bashkuar, ndërsa makinat, veshjet,......
1,350 vende të lira pune në një muaj - Nga bregdeti drejt veriut, rritet nevoja për staf sezonal
Tregu i punës vijon të shfaqë kërkesë të lartë për punonjës, ku pjesa dërrmuese e vendeve vakante mbetet e orientuar drejt profesioneve që nuk kërkojnë arsim......
Rritet siguria mbi mishin e importuar dhe vendas - Forcohen rregullat për tregtimin dhe përdorimin e produkteve veterinare tek kafshët
Qeveria do të forcojë rregullat për tregtimin, prodhimin, importin, eksportin, furnizimin, shpërndarjen, kontrollin dhe përdorimin e produkteve mjekësore......
