Shqipëria Postuar më 18 Mars 2025, 11:35

Dyfishohen të huajt në bujtina - Gjecaj: Po punojmë për më shumë shërbime. Nga xhiro me kuaj, te zip-line

Nga Hamit Yzeiraj

Dyfishohen të huajt në bujtina - Gjecaj: Po punojmë për

Ndonëse hotelet dhe strukturat e tjera akomoduese në jug të vendit, në fillim të këtij viti, vazhduan të frekuentoheshin kryesisht nga shtetas shqiptarë, turistët e huaj, për shkak të stinës, preferuan hotelet dhe bujtinat në Valbonë dhe Theth.

Sipas të dhënave nga INSTAT, në dy muajt e parë të dimrit, rreth 50 mijë shtetas shqiptarë dhe të huaj frekuentuan hotelet dhe bujtinat në veri të vendit.

“Tashmë edhe turizmi malor po shkon drejt një sezoni gjithëvjetor. Si në Valbonë ashtu edhe në Theth, në këto luginat e mëdha, vetëm 30% e bujtinave qëndrojnë hapur gjatë gjithë vitit, kryesisht të frekuentuara nga shqiptarët,” – shprehet Aida Gjecaj, pjesë e Unionit Turistik.

Ajo që vihet re është se numri i shtetasve të huaj që kanë frekuentuar bujtinat është dyfishuar gjatë muajit të kaluar, krahasuar me të njëjtën periudhë të vitit të kaluar.

“Ne synojmë që këto struktura të jenë të pajisura me të gjitha facilitetet që ofrojnë kushte optimale për turistët që i vizitojnë. Jemi duke punuar së bashku me tur-operatorët dhe pronarët e bujtinave për të ofruar sa më shumë shërbime ekstra, duke përfshirë xhiro me kuaj, ekskursione me motora, si dhe aktivitete si zip-line,” – thekson Aida Gjecaj.

Plani sektorial i turizmit synon që deri në vitin 2030, Thethi të ketë një kapacitet akomodues prej 1,550 shtretër në bujtina, ndërsa do të rritet edhe kapaciteti për kamping.

Sondazh

Poll

Live TV

Të fundit
Të gjitha lajmet

Më të vizituarat