DPSHTRR dhe Task Forca, në terren - Identifikohen automjetet pa taksa apo kontroll teknik
DPSHTRR, në bashkëpunim me Task Forcën e Transportit Rrugor dhe Policinë e Shtetit, ka nisur një plan të koordinuar kontrollesh në të gjithë vendin gjatë muajve korrik-gusht.
Në fokus do të jenë mjetet që qarkullojnë me detyrime të papërmbushura, si taksa vjetore, kontrolli teknik apo mangësi të tjera në dokumentacion. Task forca këtë të martë u ndal në autostradën tiranë-Durrës, ku dhjetra automjete u verifikuan në kohë reale nëpërmjet mjetit Inteligjent për mospërmbushjen e detyrimeve.
“Task Forca e Transportit Rrugor, në bashkëpunim me Drejtorinë e Përgjithshme të Shërbimeve të Transportit Rrugor (DPSHTRR) dhe Policinë e Shtetit, ka nisur zbatimin e një plani të koordinuar veprimi në të gjithë territorin e vendit gjatë muajve korrik-gusht, me fokus evidentimin e mjeteve që qarkullojnë me detyrime të papërmbushura.
Kontrollet do të zhvillohen në akset kryesore rrugore, ku përmes përdorimit të mjetit inteligjent të Task Forcës do të bëhet identifikimi në kohë reale i mjeteve në lëvizje dhe verifikimi i statusit të tyre, duke evidentuar rastet e mospagesës së taksës vjetore, moskryerjes së kontrollit teknik, si dhe mangësi të tjera në dokumentacionin e mjeteve, në përputhje me legjislacionin në fuqi”, tha Totri.
Erald Totri nga DPSHTRR shprehet se synimi I këtij aksioni është ndërgjegjësimi dhe jo ndëshkimi i shoferëve.
“Kjo nismë synon, mbi të gjitha, rritjen e ndërgjegjësimit të drejtuesve të mjeteve për rëndësinë e përmbushjes në kohë të detyrimeve ligjore. Pagesa e taksës vjetore dhe kryerja e kontrollit teknik nuk janë vetëm detyrime ligjore, por edhe elementë të rëndësishëm që kontribuojnë në sigurinë rrugore, administrimin korrekt të mjeteve dhe ofrimin e një shërbimi më cilësor për qytetarët.
Periudha verore karakterizohet nga një fluks i shtuar i lëvizjes së mjeteve në të gjithë vendin. Për këtë arsye, Task Forca, DPSHTRR dhe Policia e Shtetit kanë planifikuar kontrolle të koordinuara në akset me qarkullimin më të lartë, me qëllim informimin dhe sensibilizimin e sa më shumë qytetarëve për përmbushjen e detyrimeve të tyre”, tha Totri.
DPSHTRR u bën thirrje drejtuesve të mjeteve të verifikojnë dhe shlyejnë në kohë detyrimet ligjore, për të shmangur penalitetet dhe një qarkullim më të sigurt.
Qendër e re spitalore në Tiranë - Prezantohet projekti Health Hub Hospital, Rama: Do trajtohen sëmundjet komplekse
Një qendër e re spitalore në Shqipëri do të ofrojë shërbime të avancuara shëndetësore sipas standardeve evropiane. Në Tiranë, u prezantua projekti HHH......
Vetëpunësimi rritet lehtë në 2025/ Meshkujt dhe moshat e mëdha mbajnë numrin më të lartë
Vetëpunësimi vijon të zërë një peshë të rëndësishme në tregun e punës në Shqipëri. Sipas të dhënave për vitin 2025, 30.9% e të punësuarve ishin të......
Miratohen kriteret për biokarburantet - Objektivi, 7% energji e rinovueshme në transport deri në vitin 2030
Qeveria ka miratuar kriteret e qëndrueshmërisë dhe të reduktimit të emetimeve të gazeve serrë për biokarburantet dhe lëndët djegëse të rinovueshme, duke......
Udhëheqësit e NATO-s diskutojnë shpenzimet e mbrojtjes - Rama niset drejt Ankarasë për samitin dy ditor në Ankara
Udhëheqësit e 32 vendeve anëtare të NATO-s për dy ditë në Ankara do të përqendrohen në rritjen e shpenzimeve dhe aftësive të mbrojtjes së Evropës si dhe në......
250 milionë euro për bizneset shqiptare - Radonshiqi: Paketa e re, mbështetje për integrimin
Një program financimi prej 250 milionë eurosh për përgatitjen e biznesit për tregun europian do të hyjë në zbatim këtë vjeshtë. Ekspertja e ekonomisë Romina......
1.8 mld lekë për Censi-n në bujqësi - INSTAT: 3400 punonjës do të mbledhun të dhëna në terren për 6 javë
INSTAT do të përdorë një fond prej rreth 1.8 mld lekësh për realizimin Censit në bujqësi. Informacioni statistikor do të mblidhet për gjashtë javë në terren......
Falja me Kusht: Shuhen rreth 168.6 milionë lekë detyrime. Doganat arkëtojnë 66.1 milionë lekë
Pas përfundimit të afatit të parë, 30 Qershor 2026, për zbatimin e nenit 10 të ligjit nr. 86/2025, Administrata Doganore ka përmbyllur procedurat për 260......
Bizneset shumëkombëshe, tatim minimal 15% mbi fitimet - Ministria e Financave propozon ligjin për tatimin minimal global
Ministria e Financave ka hartuar projektligjin “Për sigurimin e një niveli minimal global të tatimit për grupet e shoqërive shumëkombëshe dhe grupet e mëdha......
