Do të ketë rritje të pensioneve në 2025? - Manjani: Vetëm indeksim dhe shpërblim fundviti. Për masën e rritjes, presim BB
Në projektbuxhetin për vitin 2025, parashikohet vetëm një indeksim prej 4.1% i pensioneve, si dhe shpërblimi që do të marrin pensionistët për fundvit. Nga ky buxhet, 1.6 miliardë lekë do të shkojë për indeksimin dhe 3.75 miliardë lekë do t'i kushtohet bonusit të fundvitit.
Në Komisionin për Punën, Çështjet Sociale dhe Shëndetësinë, Zëvendësministrja Olta Manjani theksoi masa me të cilën do të rriten pensionet, do të përcaktohet vetëm pasi Banka Botërore të paraqesë propozimin përfundimtar mbi mënyrën se si do të reformohet skema.
“Aktualisht, Ministria e Ekonomisë, Kulturës dhe Inovacionit po punon ngushtësisht me ekspertët e Bankës Botërore për të reformuar skemën e pensioneve dhe në këtë moment, sigurisht që nuk është parashikuar që të ketë një rritje konkrete të pensioneve, për shkak se fillimisht do të duhet të dalin rezultatet e parashikimit që do të jetë në bazë të ndryshimeve që do të bëhen në kuadër të reformës së pensioneve dhe më pas do të ketë një faturë konkrete financiare në lidhje me rritjen e pensioneve. Në projekt buxhetin e vitit 2025, është parashikuar si gjithmonë indeksimi i pensioneve dhe bonusi i fundvitit. Në momentin që do të kemi rezultatet e parashikimit të modelit, ku do të bëhen edhe propozimet përkatëse për reformimin e skemës së pensioneve, do të ketë edhe një propozim për masën e rritjes së pensioneve sipas kategorive të ndryshme të përfituesve.”
Për sa i përket arsimit profesional, Manjani theksoi se buxheti për arsimin profesional në 2025-ën, do të jetë në vlerën 4.5 miliardë lekë.
“Fondet e planifikuara në projekt buxhetin afatmesëm 2025-2027 janë si më poshtë vijon. Për vitin 2025, 4.5 miliardë lekë, për vitin 2026, 4.4 miliardë lekë dhe për vitin 2027, 4.2 miliardë lekë. Fondet e planifiikuara në projekt buxhetin e vitit 2025 për arsimin e mesëm profesional zënë 1% të totalit të shpenzimeve të buxhetit 2025 dhe rreth 7.7% të totalit të shpenzimeve për arsimin.”
Për 2025-ën, buxheti për arsimin profesional është rritur me 18% në krahasim me këtë vit. Nga kjo rritje synohet përmirësimi i infrastrukturës në shkolla, me qëllim zhvillimin e një sistemi që garanton një arsim cilësor dhe gjithëpërfshirës.
Sondazh
Si ka ndryshuar buxheti për mbrojtjen sociale? - Në vitin 2025 shkurtohen fondet për ndihmën ekonomike dhe paaftësinë
Buxheti për mbrojtjen sociale për vitin 2025 ka pësuar “tkurrje” në raport me vitet e mëparshme. Referuar treguesve fiskale të projektbuxhetit, gjatë......
Sa ndikim ka vota e shqiptarëve në SHBA? Janë të përqëndruar në zona ku tradicionalisht fitojnë Demokratët
Diaspora shqiptare në Shtetet e Bashkuara të Amerikës përbën një komunitet të rëndësishëm dhe sigurisht të angazhuar politikisht. Shqiptarët në Amerikë janë......
Modernizohet baza e helikopterëve në Farkë - Ministria e Mbrojtjes hap tenderin me fond limit prej 706,4 milionë lekë
Baza ajrore e helikopterëve në Farkë pranë Tiranës pritet të modernizohet. Ministria e Mbrojtjes ka hapur tenderin për ndërtimin e kuadrateve kryesore dhe......
Shumë shtëpi të pabanuara në vend! - Ato të banuarat “udhëhiqen” kryesisht nga mosha e tretë
Çati të rëna, suva e prishur apo dhe mure të thyera. Në vend numërohen gjithnjë e më shumë shtëpi të braktisura si pasojë e emigrimit masiv që kanë ndodhur......
Energjia, kusht për shitjen apo qiradhënien e banesave - Pronarët duhet të pajisen me certifikatën e performancës energjetike
Çdokush që do të shesë apo do të japë me qira një banesë duhet të pajiset me certifikatën e performancës së energjisë, pasi në të kundërt transaksioni nuk......
Pensionet, cili është plani i qeverisë për skemën? - Malaj: Presim formulën finale, mund të ndërhyjmë në buxhet
Deputetët e Komisionit parlamentar të Ekonomisë kanë kërkuar që të rishikohen fondet për mbrojtjen sociale dhe konkretisht për skemën e pensioneve në......
Skenari pothuajse i pamundur i zgjedhjeve në SHBA - Çfarë ndodh nëse Harris dhe Trump kanë numër të barabartë zgjedhësish?
Po sikur as demokratja Kamala Harris dhe as republikani Donald Trump të mos arrijnë të fitojnë shumicën e votuesve më 5 nëntor? Mundësia, e cila shkakton......
Edicion Informativ
E hënë - e shtunë
