Disenjot, kuadër i ri ligjor për biznesin - Gati projektligji, standarde europiane për dizajnin industrial
Ka dale për konsultim publik projektligji “Për disenjot”, një nismë që synon modernizimin e kuadrit ligjor për mbrojtjen e dizajnit industrial dhe përafrimin e tij me standardet e Bashkimit Europian dhe marrëveshjet ndërkombëtare në fushën e pronësisë intelektuale.
Projektligji rregullon kushtet dhe procedurat për regjistrimin e disenjove në Republikën e Shqipërisë, si dhe përcakton të drejtat që burojnë nga ky regjistrim. Sipas nismës, mbrojtja ligjore e një disenjoje fitohet vetëm përmes regjistrimit pranë Drejtorisë së Përgjithshme të Pronësisë Industriale, e cila do të jetë autoriteti përgjegjës për administrimin dhe publikimin e të dhënave për disenjot.
Në projektligj theksohet se një disenjo për të qenë e mbrojtur duhet të jetë e re dhe të ketë karakter individual, duke u dalluar qartë nga çdo disenjo tjetër e bërë publike më parë. Përjashtohen nga mbrojtja disenjot që diktohen vetëm nga funksioni teknik i produktit, si edhe ato që bien ndesh me rendin publik, moralin apo përmbajnë simbole shtetërore dhe elemente të trashëgimisë kulturore pa autorizim.
Një vëmendje e veçantë i kushtohet edhe disenjove të krijuara në marrëdhënie pune ose me porosi. Projektligji përcakton se, në këto raste, e drejta e mbrojtjes i përket punëdhënësit ose porositësit, por parashikon edhe të drejtën e kompensimit për punëmarrësin, nëse disenjoja ka një vlerë ekonomike më të lartë se ajo e parashikuar fillimisht.
Po ashtu, ligji rregullon licensimin e disenjove, duke dalluar licensat ekskluzive dhe jo-ekskluzive, si dhe forcon mekanizmat kundër shkeljeve, përfshirë tregtimin e mallrave pirate. Autoritetet përgjegjëse do të kenë kompetenca të zgjeruara për mbikëqyrjen e tregut të brendshëm dhe mbrojtjen e të drejtave të pronësisë industriale.
Projektligji parashikon gjithashtu përdorimin e aplikimeve dhe shërbimeve elektronike për regjistrimin dhe administrimin e disenjove, me synimin për të rritur transparencën, efikasitetin dhe aksesin e bizneseve dhe krijuesve në sistemin e pronësisë industriale.
Me këtë nismë ligjore, synohet krijimi i një klime më të sigurt për inovacionin, dizajnin dhe investimet, si dhe forcimi i rolit të Shqipërisë në sistemin ndërkombëtar të mbrojtjes së pronësisë intelektuale.
Dhjetor, mbi 1 milion aplikime në e-Albania/ Diella iu përgjigj rreth 100 mijë kërkesave. Certifikata familjare, shërbimi më i përdorur
Platforma e-Albania është kthyer në një nga mjetet më të përdorura nga qytetarët dhe bizneset në Shqipëri, duke reflektuar qartë orientimin gjithnjë e më të......
Bypass-i i Tiranës, gati tenderi për fazën III - Rruga që lidh dy autostrada, fondi limit 2.5 mld lekë
Autoriteti Rrugor Shqiptar ka bërë gati tenderin për fazën e tretë të ndërtimit të bypass-it të Tiranës. Sipas të dhënave të publikuara në Agjencinë e......
Nga emigrantë në qytetarë, ku po marrin shtetësi shqiptarët? Suedia, Holanda dhe Finlanda po fitojnë terren vitet e fundit
Shqiptarët që jetojnë në emigracion po kalojnë gjithnjë e më shumë nga qëndrimi i përkohshëm drejt vendosjes përfundimtare në vendet pritëse. Të dhënat e......
Shkarkime të kontrolluara në kaskadën e Drinit - 700 metër kub/sekondë. Bashkia Shkodër është në koordinim me KESH
Reshjet e dendura të shiut që kanë prekur të gjithë territorin e vendit kanë sjellë prurje të shumta edhe në kaskadën e lumit Drin. Në një postim në rrjetet......
20 milionë euro shpërndahen për fermerët - AZHBR kalon këstin e dytë të pagesave, përfitues 65 mijë fermerë
Kësti i dytë i pagesave në kuadër të Skemave Kombëtare të Mbështetjes për vitin 2025 është kaluar brenda datës 31 dhjetor, në përputhje me procedurat......
Dhjetori mbyllet me mbi 3 mijë vendime legalizimi - ASHK: Procesi vijon në të gjithë vendin
Agjencia Shtetërore e Kadastrës bën të ditur se gjatë muajit dhjetor, 3 mijë e 81 qytetarë në të gjithë territorin e vendit janë pajisur me vendim......
Barka tërësisht elektrike - Me një gjatësi 23 metra kushton të paktën 268,000 dollarë
Duke lundruar përgjatë Liqenit Mead, një rezervuar i vendosur rreth 30 minuta në juglindje të Las Vegasit, barka Arc Sport EV ofron një pamje të një të......
“5 herë më shumë inteligjencë artificiale” - Drejtori i Nvidia: Gjenerata e ardhshme e çipave, në “prodhim të plotë”
Drejtori ekzekutiv i Nvidia, Jensen Huang, tha se gjenerata e ardhshme e çipave të kompanisë është në “prodhim të plotë”. Ai shtoi se mund të ofrojnë pesë......
