Deri në 7 vite burg për kontrabandë mallrash! - Kodi i ri Penal/ Kush nuk deklaron cash-in në kufi, rrezikon 3 muaj
Kodi i ri Penal i hedhur për konsultim publik parashikon ashpërsim të masave sa i takon shkeljeve doganore. Konkretisht, kontrabanda është një ndër shkeljet që dënohet deri në 5 vite burg.
Sipas nenit 615 të draftit, “hyrja apo dalja e mallrave, në ose nga territori doganor i Republikës së Shqipërisë, pa i paraqitur ato tek autoritetet doganore, kryer për t’iu shmangur kontrollit dhe/ose mbikëqyrjes doganore përbën kontrabandë dhe dënohet me burgim 1-5 vjet burg dhe konfiskimin e mallit kontrabandë.
Ndërkohë kur kjo vepër penale është bërë me mallra të ndaluara që qarkullojnë për shkak të kufizimeve ligjore, dënohet me burgim 2-7 vjet dhe konfiskimin e mallit kontrabandë dhe mjetit te transportit te tyre.
Po ashtu, neni 616 përcakton se “vendosja e mallrave në magazinimin e përkohshëm, në një regjim doganor ose rieksport pas përfundimit të magazinimit të përkohshëm, nëpërmjet: fshehjes së plotë ose të pjesshme; deklarimit të rremë të llojit, vlerës dhe origjinës së mallrave, duke paraqitur fatura, certifikata ose çdo lloji tjetër dokumenti të rremë, të pasaktë, të paplotë ose të pazbatueshëm; paraqitjes së një deklarate të rreme ose kryerjes së çdo veprimi, që ka për qëllim shmangien nga detyrimet e importit apo eksportit, përftimin pjesor a tërësor të një rimbursimi apo reduktimi nga tarifat doganore, taksat, tatimet, akciza ose të një avantazhi të çfarëdoshëm që lidhet me mallrat, përbën kontrabandë dhe dënohet me burgim nga 1-5 vjet dhe, konfiskimin e mallit kontrabandë dhe mjetit te transportit te tyre.
Në projektligj përcaktohet se “Thyerja apo heqja e vulës doganore, zëvendësimi, ndërrimi ose falsifikimi i shenjave e tjera të sigurisë të vendosura nga autoritetet doganore për qëllime mbikëqyrjeje, kontrolli ose, për pezullimin e veprimtarisë tregtare në mjediset ekonomike apo të vendosura mbi mjetin e transportit apo mallra, ose falsifikimi në çfarëdo mënyre i numrit të identifikimit të mjetit të transportit, të bëra me qëllim shmangien nga kontrolli doganor, dënohet me gjobë ose me burgim nga 2-4 vjet.
Ashpërsim të masave ka edhe sa i takon mosdeklarimit të parave në kufi.
Referuar nenit 624, “ Mosdeklarimi, në hyrje ose dalje nga territori i Republikës së Shqipërisë, i shumave në të holla, i çdo lloj instrumenti të negociushëm të mbajtësit, metaleve ose gurëve të çmuar si dhe, i sendeve me vlerë dhe objekteve antikë, përtej vlerës së lejuar nga ligji për mosdeklarimin, kur burimi i tyre është i pajustifikuar ligjërisht, nëse nuk përbën vepër penale më të rëndë, përbën kundërvajtje penale dhe, dënohet me gjobë ose me burgim deri në tre muaj.
SHBA, përfundon përjashtimi tarifor për pakot e vogla - Masa pritet të rrisë çmimet për bizneset dhe konsumatorët vendas
Duke nisur nga e premtja, SHBA ka hequr përjashtimin nga tarifat për të gjitha dërgesat e pakove me vlerë nën 800 dollarë. Ky vendim do të rrisë kostot për......
“Lulzëojnë” shitjet e makinave në Evropë - Marka kineze BYD shënon rritje mbi 220%. Tesla humbet terren
Shitjet e makinave të reja në Evropë u rritën me 5.9% në korrik, pasi një rritje e ndjeshme në Gjermani tejkaloi rëniet në Britani, Francë dhe Itali, treguan......
1 në 5 evropianë do të plaket në varfëri - Nevojiten reforma urgjente në sistemet e pensioneve
Një në pesë qytetarë evropianë rrezikon të përballet me varfëri në pleqëri nëse nuk ndërmerren reforma të thella në sistemet e pensioneve, ka paralajmëruar......
Kush troket më shumë në dyert e bankave? Industritë nxjerrëse dhe përpunuese udhëheqin rritjen e kredisë në korrik
Në korrik 2025, huatë e reja të korporatave jofinanciare private arritën në rreth 19 miliardë lekë, duke shënuar një rënie prej 7.6% krahasuar me të njëjtin......
Centralizohet menaxhimi i mbetjeve - Rama: Do ngrihet një institucion qendror. Kumbaro: Bashkitë, përgjegjëse për pastrimin
Qeveria synon të krijojë Operatorin Kombëtar të Trajtimit të Mbetjeve, si një kompani shtetërore me kompetenca për ndërtim, operim dhe financim të......
Si funksiononte skema e mashtrimit TXEX? - Dokuzi: Ishte efekt zinxhir. Komisionet kalonin nga një individ tek tjetri
Skema piramidale “XEUX”, ose siç njihet ndryshe “TXEX”, nuk është e para dhe as e fundit që shfaqet në rrjetet sociale. Skema funksiononte thjesht: një......
Rektori i UT: Aplikuan më shumë maturantë këtë vit - Cilat janë politikat mbështetëse të studentëve në Universitetin e Tianës?
Teksa universitetet po pregatiten për nisjen e regjistrimeve, në një konferencë për mediat, rektori i Universitetit të Tiranës Artan Hoxha, theksoi se ky vit......
“Rimëkëmben” kursimet e shqiptarëve në euro - BSH: Arrijnë në 1.4 trilionë lekë depozitat e përfshira në paranë e gjerë
Depozitat e përfshira në paranë e gjerë kanë vijuar të zgjerohen edhe në muajin që lamë pas. Të dhënat e sapopublikuara nga Banka e Shqipërisë tregojnë se......
