Dërgimi dhe marrja e parave tani kërkon vetëm një numër telefoni ose kartë: Shërbimi Visa Direct tani i disponueshëm në tregun tonë
Ndërsa tregu global i pagesave në kohë reale vazhdon të rritet dhe pritet të arrijë vlerën prej 34.16 miliardë dollarësh deri në fund të këtij viti, Visa ka mundësuar një shërbim për transfertat e menjëhershme të parave, si brenda vendit ashtu edhe ndërkombëtarisht, duke përdorur vetëm një numër telefoni ose kartë pagese.
Me vetëm disa klikime, individët, bizneset dhe institucionet shtetërore mund të dërgojnë fonde shpejt dhe në mënyrë të sigurt drejt një llogarie tjetër, përmes aplikacionit të bankingut në celular apo faqes zyrtare të bankës. Paratë merren në kohë reale – çka përbën avantazhin kryesor të këtij shërbimi.
“Me lançimin e shërbimit Visa Direct në Shqipëri, po u ofrojmë përdoruesve mundësinë që të përmbushin detyrimet e tyre financiare në mënyrë të menjëhershme, të sigurt dhe shumë të thjeshtë. Nëpërmjet inovacioneve në pagesa, synojmë të ndjekim ritmin e zakoneve në ndryshim dhe nevojave reale të përdoruesve tanë,” – u shpreh Ana Drašković, Zëvendëspresidente dhe Drejtuese e Përgjithshme e Visa për Evropën Juglindore.
Shërbimi Visa Direct përdor teknologji të avancuara sigurie të bazuara në rrjetin VisaNet – një sistem global pagesash që ka përpunuar mbi 3.3 trilionë transaksione në 200 vende dhe territore gjatë 25 viteve të fundit. Me një mbrojtje të shumëfishtë të të dhënave, përdoruesit mund të jenë të sigurt se informacioni i tyre financiar është i mbrojtur gjatë çdo transferte. VisaNet është ndërtuar për të mbrojtur të gjitha palët e përfshira në transaksione dhe ka përdorur inteligjencën artificiale për të zbuluar dhe parandaluar mashtrimet për më shumë se 30 vite.
Lançimi i Visa Direct në Shqipëri kontribuon gjithashtu në forcimin e shërbimeve financiare digjitale në rajon. Në shumë vende të Evropës Juglindore, transfertat digjitale të parave po bëhen një mjet thelbësor për mbështetjen e bizneseve të vogla dhe të mesme, si dhe për konsumatorët që kërkojnë një menaxhim më të shpejtë dhe efikas të financave. Ofrimi i këtyre inovacioneve ndihmon gjithashtu në uljen e ekonomisë informale dhe rritjen e transparencës së transaksioneve, duke ndikuar pozitivisht në rritjen afatgjatë të PBB-së së ekonomisë vendase.
Shërbimi Visa Direct u prezantua për herë të parë në vitin 2013. Sot, është i disponueshëm në më shumë se 190 tregje në mbarë botën dhe lidh 11 miliardë përdorues në 160 monedha të ndryshme.
Rreth Visa
Visa është një lider botëror në pagesat digjitale, duke mundësuar transaksione ndërmjet konsumatorëve, tregtarëve, institucioneve financiare dhe enteve qeveritare në mbi 200 vende dhe territore. Misioni ynë është të lidhim botën përmes rrjetit më inovativ, të përshtatshëm, të besueshëm dhe të sigurt të pagesave, duke ndihmuar individët, bizneset dhe ekonomitë të lulëzojnë. Ne besojmë se ekonomitë gjithëpërfshirëse për të gjithë, kudo, fuqizojnë të gjithë – dhe se aksesimi është themeli për të ardhmen e lëvizjes së parave. Më shumë informacion në Visa.com.
Sondazh
Maqedonia e Veriut e përzgjedhura e Britanisë - Marrëveshja dypalëshe siguron 6 miliardë euro investime
Maqedonia e Veriut ka nënshkruar një marrëveshje strategjike me Mbretërinë e Bashkuar që përfshin investime prej rreth 6 miliardë eurosh. Këto investime do......
Spanja bllokon mbi 65,000 prona në Airbnb - Qeveria synon të ndalë krizën e strehimit në vend
Spanja ka urdhëruar heqjen e mbi 65,000 pronave të listuara në Airbnb që shkelin rregullat e platformës. Ky vendim synon të ngadalësojë krizën e strehimit në......
“Memorandum për përmirësimin e auditimit” - Sejko dhe Malaj në Konferencën Rajonale: Të linjëzohemi me praktikat ndërkombëtare
Nxitja e bashkëpunimit ndërmjet audituesve të brendshëm, të jashtëm dhe autoriteteve, ndarja e ekspertizës ndërmjet tyre, si dhe i praktikave më të mira......
Milot – Thumanë, drejt nisjes së punimeve - Projekti lejon shpejtësi 140 km/orë, rrugë alternative 13.8 km me kalim pa pagesë
Shoqëria “G2 Blu”, mbajtëse e koncesionit për ndërtimin e aksit rrugor Milot – Thumanë po avancon me marrjen e lejeve të nevojshme për nisjen e punimeve,......
Finlanda “armatos” Ukrainën me fondet ruse - 90 milionë euro armatime në mbështetje të Kievit
Finlanda do t’i dërgojë Ukrainës municione të rënda në vlerë prej 90 milionë euro, të financuara nga të ardhurat e aseteve të ngrira ruse. Marrëveshja forcon......
Në Tiranë “dehesh” më shtrenjtë se në Barcelonë/ Sipas Numbeo, renditemi ndër më të shtrenjtët në Europë për një shishe verë
Vera është një nga produktet më të përdorura në tryezat shqiptare, sidomos në festime apo mbledhje me miq. Por përtej simbolikës dhe kulturës së konsumit,......
“Grupkapitujt e mbetur do hapen deri në fund të vitit 2025” - Takimi Hasani-Bjerre: Bashkëpunim i fortë për integrimin europian
Më datë 1 korrik, Danimarka merr presidencën e Këshillit të Bashkimit Europian, duke qenë një ndihmë e madhe për Shqipërinë, e cila synon të hapë......
Stërvitja “Defender Europe 25” nis në 25 maj në Shqipëri/ Vengu: NATO është e bashkuar!
Ministri i Mbrojtjes Pirro Vengu bëri me dije në një postim në rrjetet sociale se më 25 maj, Shqipëria mirëpret një nga stërvitjet më të mëdha ushtarake......
