Denaj reagon për filetot me salmonelë: S’bëhet politikë me ushqimin, e kemi çuar rastin para institucioneve
Autoriteti Kombëtar i Ushqimit e ka kryer detyrën e saj sipas protokolleve dhe është angazhuar për të garantuar sigurinë ushqimore
Ministrja për Bujqësinë dhe Zhvillimin Rural, Anila Denaj, ka reaguar lidhur me rastin e një ngarkese me fileto pule, të cilat janë konstatuar të jenë me salmonelë dhe që janë futur në tregun shqiptar e konsumuar nga qytetarët.
Sipas Denajt, e cila ka folur për Euronews Albania, rasti është delikat dhe me të nuk mund të bëhet politikë. Teksa ka garantuar se çështja është çuar para institucioneve përkatëse, duke u marrë të gjitha masat.
Sipas ministres, Autoriteti Kombëtar i Ushqimit e ka kryer detyrën e saj sipas protokolleve dhe është angazhuar për të garantuar sigurinë ushqimore.
“Situata e AKU është e qartë; agjencia ka kryer detyrën dhe ka realizuar kontrollet e nevojshme. Sigurisht, lajmi është bërë publik, janë konfirmuar përgjigjet e analizave dhe i gjithë zinxhiri i kontrollit, për të cilin AKU ka denoncuar ata që kanë shkelur protokollet”, përmendi Denaj lidhur me rastin.
Ajo shtoi se rasti i takon institucioneve si krimi ekonomik, apo Policia e Shtetit, të cilat duhet të japin edhe gjykimin përkatës.
“Jo vetëm që kemi reaguar, por gjithashtu i kemi çuar çështjet përpara institucioneve. Por, politikë me ushqimin nuk bëhet, institucionet janë aty për të garantuar zbatimin e protokolleve, të cilat janë të shkruara dhe të zbatuara nga ne. Jam gjithmonë në shërbim të sqarimit, por vetëm për publikun”, përmbylli Denaj.
Autoritetet ligjzbatuese kanë shpallur të shtunën e 29 marsit në kërkim administratorin e një kompanie private, e cila importoi mish pule me bakterin e salmonelës.
Pasi një sasi e konsiderueshme u nxorr në treg, Policia ka proceduar penalisht dhe tre inspektorë të AKU-së për veprën penale “Shpërdorimi i detyrës”.
Sakaq, autoritetet kanë proceduar edhe vëllain e administratorit, për veprën penale “Importimi, prodhimi, shitja dhe ruajtja e ushqimeve të rrezikshme për shëndetin ose jetën e njerëzve”.
“Seksioni për Hetimin e Krimit Ekonomik dhe Financiar në DVP Tiranë, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, kreu veprime hetimore e procedurale në lidhje me rastin e futjes në vendin tonë të një sasie produktesh ushqimore me përmbajtje të salmonelës dhe në vijim të veprimeve u bë shpallja në kërkim e shtetasit A. G., 50 vjeç, (administratori i një kompanie private) si dhe u proceduan penalisht shtetasit: M. G., 53 vjeç (vëllai i 50-vjeçarit), G. H., 38 vjeç, S. L., 42 vjeçe dhe A. S., 46 vjeç”.
Shtetasi A. G., në cilësinë e administratorit të kompanisë së bashku me vëllain e tij shtetasin M. G., kanë importuar produkte ushqimore ku në bazë të analizave nga institucionet përkatëse kanë rezultuar se në përmbajtje të tyre kanë bakterin e salmonelës, konfirmojnë autoritetet.
Ndërsa, shtetasit G. H., S. L., dhe A. S., në cilësinë e inspektorëve të AKU-së me veprimet dhe mosveprimet e tyre kanë lejuar futjen në treg të këtyre produkteve.
Materialet procedurale i kaluan Prokurorisë Tiranë, për veprime të mëtejshme.
Sondazh
Kina, lider i energjisë së rinovueshme- Dominon me 64% të zgjerimit total në vitin 2024
Burimet e rinovueshme përbënin mbi 92.5% të zgjerimit të energjisë globale në vitin 2024, me 585 GW shtesa të kapacitetit, tha Agjencia Ndërkombëtare e......
Greqia, 5 miliardë euro për “IA” -Synon ndërtimin e një qendre të dhënash 300 MW
Ndërmarrja e kontrolluar nga shteti grek Public Power Corp. synon të bëhet një lojtar kyç në zhvillimin e qendrave të të dhënave dhe inteligjencës......
“Vetëm 500 miliardë euro për mbrojtjen” -Raporti “kufizon” shpenzimet e mundshme të BE-së deri në 2030
Vendet e Bashkimit Evropian duhet të jenë në gjendje të shpenzojnë vetëm rreth 500 miliardë euro për mbrojtjen në vitet e ardhshme, sipas agjencisë amerikane......
“Qendrat e strehimit të përdoren për riatdhesim”- Italia miraton dekretin për strukturat e emigrantëve në Shqipëri
Këshilli i Ministrave në Itali ka miratuar dekretin për t’i shndërruar qendrat e strehimit në Shqipëri në ambiente riatdhesimi. Operacioni është bllokuar......
“Investimet e huaja, faktor kyç për Kinën”- Presidenti Xi takohet me përfaqësues të komunitetit ndërkombëtar të biznesit
Presidenti kinez Xi Jinping u takua me përfaqësues të komunitetit ndërkombëtar të biznesit në Pekin. Duke nënvizuar përparimin e jashtëzakonshëm të Kinës në......
“Ndërhyrje në 700 km rrugë” -Programi i PS për projektet rrugore që do nisin në 4 vitet e ardhshme
Vëmendje gjatë prezantimit të programit të Partisë Socialiste nga Edi Rama iu kushtua zhvillimit të infrastrukturës së transportit. Teksa foli për korridorin......
“Pensione, jo më të ulta se 200 euro” -Rama prezanton programin: Paga minimale 500 euro, “paqe fiskale” për biznesin
Rritje e pagës minimale në 500 euro, të pagës mesatare në 1200 euro, si dhe pensione jo më të ulta se 200 euro”. Kryesocialisti Edi Rama ka prezantuar......
Gati ndërtimi i urës mbi lumin Bunë- Mali i Zi miraton marrëveshjen me Shqipërinë
Parlamenti i Malit të Zi ka ratifikuar së fundmi marrëveshjen me Shqipërinë për ndërtimin e urës së re mbi lumin Bunë. Marrëveshja për ndërtimin e urës u ......
