Cilët sektorë po prodhojnë dhe shesin më shumë? - INSTAT: Ndërtimi dhe shërbimet publike më aktivët, industria në vështirësi
Ndërsa disa sektorë të prodhimit po zgjerojnë aktivitetin dhe po punësojnë më shumë, të tjerë po prodhojnë më pak dhe po ngadalësohen.
Sipas të dhënave nga INSTAT, industria, që përfshin atë nxjerrëse dhe përpunuese, ka hyrë në një fazë rënieje. Shitjet dhe prodhimi kanë rënë ndjeshëm, ndërsa edhe numri i të punësuarve është ulur. Me fjalë të thjeshta, fabrikat kanë prodhuar dhe shitur më pak, dhe kjo ka sjellë më pak vende pune. Megjithatë, ata që janë ende në punë kanë marrë paga më të larta, pasi fondi i pagave është rritur.
Edhe në sektorin e energjisë elektrike, prodhimi ka qenë më i ulët krahasuar me një vit më parë. Prodhimi në volum ka rënë me 16.4%. Kjo lidhet kryesisht me faktorë si kushtet hidrike dhe kërkesa më e dobët. Edhe këtu, punësimi ka mbetur i qëndrueshëm, ndërsa pagat kanë shënuar rritje të lehtë.
Në anën tjetër, shërbimet publike, si furnizimi me ujë dhe menaxhimi i mbetjeve, kanë njohur rritje. Shitjet neto u rritën me 10.1%, prodhimi me 8.9%. Kjo do të thotë më shumë investime, më shumë aktivitet dhe më shumë punonjës, veçanërisht në shërbime që qytetarët i prekin çdo ditë.
Ndërtimi vijon të jetë sektori më aktiv në ekonomi. Janë ndërtuar më shumë objekte, janë hapur më shumë kantiere dhe janë punësuar më shumë persona. Rritja e fortë e pagave në ndërtim tregon se kërkesa për punëtorë është e lartë dhe kompanitë po paguajnë më shumë për të siguruar fuqi punëtore.
Ekonomia shqiptare në tremujorin e tretë të vitit 2025 po mbahet në këmbë nga ndërtimi dhe shërbimet publike, ndërsa industria dhe energjia po përballen me vështirësi. Për qytetarët, kjo përkthehet në më shumë punë në ndërtim, por më pak siguri në sektorin industrial, edhe pse pagat, në përgjithësi, vijojnë të rriten.
BE, 1.5 mln euro për mbrojtjen nga zjarret e përmbytjet - Investime në 5 bashki, dronë, varka dhe motorë specialë
Shqipëria po preket gjithnjë më shumë nga fatkeqësitë natyrore siç janë zjarret dhe përmbytjet, duke bërë kështu, që edhe vëmendje për marrjen e masave......
“Shqipëria, arkitekturë funksionale për transparencën” - Rama: Shpifja dënohet penalisht, por do të heqim aspektin penal për gazetarët
U zhvillua Konferenca e VII Kombëtare për të Drejtën e Informimit, e cila shërbeu si një platformë kombëtare dialogu mbi sfidat e transparencës......
Jo vetëm pritëse, por Shqipëria edhe eksportuese kapitali - BSH: Që nga 2021, pesëfishim i investimeve direkte të bizneseve tona jashtë vendit
Jo vetëm të huajt po investojnë në Shqipëri, por edhe shqiptarët jashtë vendit. Gjatë 5 viteve të fundit, bizneset shqiptare kanë shtrirë ndjeshëm investimet......
Rritet volumi i shitjeve në tregtinë me pakicë/ Hidrokarburet dhe artikujt jo-ushqimorë nxisin zgjerimin vjetor me 6%
Shitjet në dyqanet dhe tregjet e Shqipërisë po rriten me ritme të qëndrueshme këtë vit, edhe pse zgjerimi duket se ka ngadalësuar pak hapin. Indeksi i......
Trump padit BBC - Kërkon 10 miliardë dollarë dëmshpërblim pas dokumentarit “polemizues”
Presidenti amerikan Donald Trump ka paditur BBC-në në gjykatën federale të Majamit për shpifje, duke kërkuar 10 miliardë dollarë dëmshpërblim. Padia civile......
Program Kombëtar për Parandalimin e Mbetjeve - Dokumenti: Nga shpërdorimi i ushqimit, te kompostimi në banesë. Skema tarifimi sipas sasisë
Ministria e Mjedisit ka nxjerrë për konsultim publik Programin Kombëtar për Parandalimin e Krijimit të Mbetjeve, një dokument strategjik që synon uljen e......
Shërbimet, motor i rritjes ekonomike/ Zgjerimi në tremujorin e tretë u nxit pasuritë e paluajtshme dhe turizmi
Sektori i shërbimeve vijon tendencën pozitive në tremujorin e tretë të vitit 2025, duke shënuar rritje si në shitjet neto, ashtu edhe në punësim dhe paga,......
Paratë nga emigrantët shkojnë për konsum/ 90% e remitancave përdoren për nevoja bazë, investimet mbeten minimale
Instituti i Statistikave ka publikuar të dhëna të reja mbi emigracionin ndërkombëtar në Shqipëri për vitin 2024. Ndër treguesit kryesorë të këtij publikimi......
