Central diellor 38 MW në Kolonjë - Aplikimi i ri pranë MIE, nuk përfiton nga masat mbështetëse
Në vijim të interesit të shtuar të sektorit privat, edhe në fillim të vitit 2025 janë regjistruar disa aplikime të reja për ndërtimin e centraleve fotovoltaike. Shoqëria “GRAMOZI GREEN ENERGY” ka aplikuar pranë Ministrisë së Infrastrukturës dhe Energjisë për ndërtimin e një impianti fotovoltaik me kapacitet të instaluar 38 MW në Bashkinë Kolonjë. Impianti nuk do të jetë objekt koncesioni dhe nuk do të përfitojë nga masat mbështetëse shtetërore.
Në fillim të vitit ishte kompania “X ONE” që paraqiti aplikim për ndërtimin e një centrali diellor me kapacitet 54 MW në zonën e Tërpanit, Bashkia Poliçan, gjithashtu pa pretenduar për përfitime nga skemat mbështetëse të qeverisë.
Disa muja më pas u paraqitën dy aplikime të tjera për ndërtimin e centraleve fotovoltaike me kapacitet total prej 148.5 MW. Njëri prej tyre përfshin ndërtimin e një centrali 128 MW në Sheq Marinas, Fier, ndërsa projekti tjetër parashikon ndërtimin e një impianti me kapacitet 20.5 MW në Bashkinë Cërrik. Asnjë nga këto projekte nuk përfiton lehtësira shtetërore për dokumentacion apo garanci për shitjen e energjisë së prodhuar.
Tendenca e rritjes së interesit për impiante diellore ishte e dukshme edhe gjatë vitit 2024, kur vetëm në muajin dhjetor u dorëzuan 7 aplikime për projekte me kapacitet total prej 416.5 MW, të shpërndara në disa bashki të vendit.
Aktualisht, energjia diellore është ende pak e shfrytëzuar në Shqipëri nga impiantet e mëdhenj, por pavarësisht kësaj, pesha e saj në prodhimin total të energjisë është rritur ndjeshëm. Sipas të dhënave zyrtare për vitin 2024, rreth 6.25% e energjisë totale të vendit u prodhua nga centralet diellore, ku peshën më të madhe e mban Centrali Fotovoltaik i Karavastasë, i cili gjeneroi 53% të energjisë diellore të prodhuar në shkallë kombëtare.
"BE gati të hapë kapituj të tjerë me Shqipërinë" - Komisionerja Kos: Do të ketë vende të reja anëtare brenda mandatit tim
Komisionerja për Zgjerimin në Bashkimin Europian, Marta Kos, gjatë raportimit të saj në Komisionin për Punët e Jashtme në Parlamentin Europian, deklaroi se......
Investimet e OSHEE, 70-80 mln euro në vit - Karakaçi: Zonat prioritare, synojmë që secili rajon të mbulohet me ndërhyrje
“Investimet në sistemin e shpërndarjes të energjisë elektrike arrijnë në 70-80 mln euro në vit”. Administratori i OSHEE, Enea Karakaçi iu përgjigj......
Programi “Doganat”, si përfiton Shqipëria? - Zv.Ministri Semani: Forcim i kapaciteteve ndaj mashtrimeve dhe kontrabandës
Doganat e vendeve të Bashkimit Europian dhe Shqipërisë do të konsiderohen si një e vetme. Shqipëria do të vijojë të jetë pjesë e programit të BE-së,......
“Gara” e maturës: Zgjedhje të “lehta”, rezultate të ulëta/ Lëndët me zgjedhje si Gjeografia, Qytetaria dhe Historia “ngelin në klasë”
Rruga nga gjimnazi në universitet kalon përmes provimeve të maturës shtetërore, ku rezultatet në secilën lëndë luajnë një rol vendimtar. Edhe pse lëndët e......
SHBA, në pritje të ofertave tregtare - Kërkon propozime nga partnerët për të arritur marrëveshje mbi tarifat
Administrata Trump dëshiron që vendet të japin ofertën e tyre më të mirë për negociatat tregtare deri të mërkurën, ndërsa zyrtarët kërkojnë të përshpejtojnë......
Shqiptarët me Portofol Identiteti Digjital - Në konsultim, projektligji për krijimin e një dosje të vetme elektronike me të dhëna private
Së shpejti, Shqipëria pritet të krijojë Portofolin e Identitetit Digjital. Autoriteti Kombëtar për Sigurinë Kibernetike ka publikuar për konsultim publik një......
Matura Shtetërore/ Sot testimi i gjuhës së huaj për rreth 27 mijë nxënës!
Rreth 27 mijë maturantë do t’i nënshtrohen sot provimit të parë të Maturës Shtetërore, ku do të testohen për gjuhën e huaj. Provimi do të nisë në orën 10:00......
Bitcoin shkakton 98 mln ton CO2 në vit - Procesi i gjenerimit të kriptomonedhave kërkon sasi të mëdha energjie
Rrjeti Bitcoin aktualisht prodhon një gjurmë karboni më shumë se dy herë më të madhe se shteti i Zvicrës. Kjo reflektohet nga shifrat e portalit të......
