“Boom” biznesesh të reja në Korrik - Rritje me 45%, regjistrohen mbi 37 mijë aplikime
Sezoni turistik mesa duket ka shtuar dhe iniciativat e qytetarëve për të hapur një biznes. Të dhënat zyrtare të Qendrës Kombëtare të Biznesit, tregojnë se vetëm në muajin Korrik janë regjistruar 1843 biznese të reja në të gjithë vendin, me një rritje prej 45 për qind krahasuar me Korrikun 2024.
Nga ana tjetër, sipas të dhënave të disponueshme, u regjistruan 37,016 aplikime online, duke reflektuar një interes dhe angazhim të lartë nga sipërmarrësit sa i takon çështjeve të biznesit. Aplikimet përfshijnë një gamë të gjerë shërbimesh e siç janë aplikime për regjistrime fillestare, ndryshime, pezullime, aktivizime, çregjistrime.
Qendra Kombëtare e Biznesit operon në tre regjistra, secili me kritere dhe procedura specifike. Regjistri Tregtar ka regjistruar 35,139 aplikime; Regjistri i Pronarëve Përfitues 937 aplikime dhe Regjistri i Lejeve dhe Licencave 1040 aplikime.
Regjistri i Leje/ Licencave dhe Autorizime ka regjistruar 139 licenca të lëshuara në muajin Korrik dhe 32 leje.
Muaji korrik përmbylli edhe afatin zyrtar për dorëzimin e bilanceve vjetore 2024. Kjo solli një numër të lartë aplikimesh dhe dorëzimesh në QKB.
Të dhënat e QKB tregojnë një tendencë të vazhdueshme të digjitalizimit dhe lehtësimit të procedurave për bizneset në Shqipëri.
Në kuadër të reformës së digjitalizimit, bizneset kryejnë të gjitha shërbimet e nevojshme që marrin nga Qendrën Kombëtare të Biznesit, online nëpërmjet portalit e-albania, duke shkurtuar kohë, procedura si dhe radhët e pritjes për qytetarët.
Po ashtu, përmes ndryshimeve ligjore të ndërmarra vitin e kaluar, janë eliminuar një sërë tarifash për aplikim që paguheshin më parë nga biznesi, siç është tarifa për kryerjen e aplikimit për rezervimin e emrit si dhe është rregulluar mënyra e lëshimit të certifikatës për këtë qëllim. Po ashtu është hequr edhe tarifa për transferimin e emrit tek palët e treta, si dhe pagesa për kryerjen e aplikimit për korrigjimin e gabimeve.
Certifikata e regjistrimit i shkon subjektit elektronikisht, njëkohësisht njoftimi i arsyes së refuzimit të aplikimit, i shkon subjektit në rrugë elektronike. Është sanksionuar fakti se certifikata e regjistrimit fillestar lëshohet vetëm një herë ne momentin e miratimit te aplikimit, dhe i shkon subjektit në rrugë elektronike.
Ekstraktet lëshohen vetëm në format elektronik dhe pa pagesë nëpërmjet sportelit elektronik.
Valët e nxehtësisë “ekspozojnë” dobësitë e Evropës - Rritja e kërkesës sfidon qëndrueshmërinë e rrjetit energjetik të BE-së
Këtë verë, Evropa është përfshirë sërish nga një seri valësh nxehtësie të forta. Vetëm javën e kaluar, rekorde temperaturash janë thyer në jugperëndim të......
Pagesat në euro me AIPS “kapin pikun” - BSH: Mbi 218 mijë transaksione në janar-korrik, gati 22% më shumë se në 2024
Shuma e pagesave në euro të kryera me sistemin AIPS ka pësuar një rekord të ri në muajin korrik. Sipas të dhënave nga Banka e Shqipërisë, numri i pagesave......
Prodhimet bujqësore shqiptare në tregjet botërore - Mbi 265 mijë ton të eksportuara në 6 muaj, rritje me 10%
Afro 265.9 mijë ton prodhime të tokës shqiptare janë dërguar në tregjet ndërkombëtare në gjysmën e parë të vitit. Referuar të dhënave zyrtare të Ministrisë......
Rritje e përgjithshme në tregun valutor – Forcohen monedhat e huaja!
Dollari amerikan e ka nisur këtë javë në rritje duke u forcuar gjatë fundjavës teksa është blerë këtë mëngjes me 82.3 lekë dhe është shitur me 83.8 lekë......
Spanja, “pakt klimatik” për të luftuar zjarret - Kryeministri Sanchez premton mobilizim masiv në rajonet e prekura
Kryeministri spanjoll Pedro Sanchez premtoi një "pakt kombëtar" për të trajtuar emergjencën klimatike, ndërsa vizitoi një rajon perëndimor që po përballet me......
Ekonomia e Zvicrës rritet papritur - Shmang tkurrjen para goditjes së tarifave amerikane
Ekonomia e Zvicrës u zgjerua papritur në tremujorin e dytë të vitit, para se vendi të goditej nga një prej tarifave më të larta të SHBA-së. Rritja prej 0.1%......
Greqia forcon lidhjet energjetike me rajonin - Planifikon tre projekte të reja me Shqipërinë, Turqinë dhe Italinë
Greqia synon të forcojë lidhjet me sistemet elektrike të vendeve fqinje, falë operatorit grek të transmetimit të energjisë IPTO. Kjo është pjesë e një......
BE-SHBA, rregullorja digjitale vonon marrëveshjen - Uashingtoni pretendon lëshime për kompanitë teknologjike amerikane
Bashkimi Evropian kërkon të parandalojë Shtetet e Bashkuara që të shënjestrojnë rregullat e tij digjitale, sipas Financial Times. Të dyja palët po punojnë......
