Bizneset ende hasin vështirësi për financim - OECD: Shqipëria përmirëson lehtë rezultatin, por mbetet nën mesataren e rajonit
Aksesi i bizneseve të vogla dhe të mesme në financim në Shqipëri ka shënuar një përmirësim të lehtë, por vendi vijon të mbetet nën mesataren e vendeve të Ballkanit Perëndimor. Kjo është një nga gjetjet kryesore të raportit të OECD për Indeksin e Politikave për Ndërmarrjet e Vogla dhe të Mesme.
Në vlerësimin për vitin 2026, Shqipëria ka marrë 3.13 pikë për dimensionin e aksesit në financë, nga 3.05 që ishte në vlerësimin e mëparshëm. Megjithatë, rezultati mbetet nën mesataren rajonale prej 3.21 pikësh.
Raporti vlerëson se vendi ka bërë përparim në zhvillimin e alternativave të financimit, veçanërisht përmes zgjerimit të leasing-ut, factoring-ut dhe sektorit të mikrofinancës. Po ashtu, është miratuar një strategji e re për edukimin financiar, e cila synon të rrisë njohuritë e qytetarëve dhe bizneseve mbi produktet financiare.
Por pavarësisht këtyre zhvillimeve, kreditimi bankar vijon të mbetet një nga pikat më të dobëta. OECD evidenton se bizneset hasin vështirësi për të marrë kredi për shkak të problemeve me regjistrimin e kolateralit dhe mungesës së një sistemi të plotë informacioni për kredinë.
Sipas raportit, Shqipëria ende nuk ka një kuadër ligjor për krijimin e një byroje private krediti, ndërsa regjistri i kredive nuk përfshin të dhëna nga kompani të tilla si furnizuesit e energjisë apo shërbimeve të tjera. Kjo kufizon informacionin që bankat kanë për huamarrësit dhe i bën ato më të kujdesshme në dhënien e kredive.
Një tjetër problem lidhet me regjistrimin e aseteve që përdoren si kolateral, sidomos në bujqësi, ku pronësia e bagëtive, makinerive apo serrave shpesh nuk dokumentohet në mënyrë të plotë. Nga ana tjetër, raporti vlerëson si pozitiv procesin e dixhitalizimit të regjistrit kadastral, i cili pritet të përfundojë gjatë këtij viti.
OECD thekson gjithashtu se ndërprerja e skemave të përkohshme të garancive sovrane, të krijuara gjatë pandemisë, ka ulur mbështetjen për kreditimin e bizneseve. Megjithatë, një zhvillim i rëndësishëm konsiderohet miratimi i ligjit për Bankën Shqiptare të Zhvillimit, e cila pritet të krijojë një mekanizëm të përhershëm për financimin afatgjatë të ndërmarrjeve të vogla dhe të mesme.
Sipas raportit, pikërisht forcimi i skemave të garancisë së kredive dhe përmirësimi i regjistrimit të kolateralit mbeten dy nga prioritetet kryesore për të lehtësuar aksesin e bizneseve shqiptare në financim.
Ibrahimaj: Bizneset shqiptare do të mbështeten për t’u përgatitur për tregun unik europian
Ministrja e Ekonomisë dhe Inovacionit, Delina Ibrahimaj, prezantoi sot programin kombëtar për përgatitjen e biznesit për Integrimin në Bashkimin Europian,......
Rama prezanton programin për bizneset: Mbështetje financiare dhe asistencë për integrimin në tregun e BE-së
Kryeministri Edi Rama prezantoi sot programin kombëtar për përgatitjen e biznesit për integrimin në Bashkimin Evropian, duke theksuar se qeveria do të......
Makinat vijnë nga Britania, veshjet shkojnë drejt saj/ Shkëmbimet tregtare mes vendeve vijuan të mbështeten në disa kategori kryesore
Tregtia mes Shqipërisë dhe Mbretërisë së Bashkuar vijoi të zgjerohet gjatë vitit 2025, me rritje të ndjeshme në disa kategori kryesore produktesh. Të dhënat......
Rregulla të reja për financat e shtetit - Projektligji për kontabilitetin publik ndryshon raportimin financiar të institucioneve
Raportimi financiar i të gjitha institucioneve publike pritet të ndryshojë rrënjësisht. Pasqyrat financiare do të hartohen sipas standardeve ndërkombëtare,......
Resortet dhe strukturat turistike në lupën e Inspektoratit të Punës - Muçaj: Turizmi prioritet, shtohen kontrolle në muajt Korrik dhe Gusht
Sezoni turistik ka vënë në lëvizje edhe strukturat e Inspektoratit Shtetëror të Punës. Me një urdhër të posaçëm, të firmosur nga Kryeinspektori Eljo Muçaj,......
Si ka nisur kjo javë për valutat e huaja?
Dollari amerikan edhe pse jo me ndonjë ndryshim të ndjeshëm nga java që lamë pas ka regjistruar një rritje të lehtë të kuotës këtë mëngjes duke e nisur javën......
Paga minimale rritet në 500 euro, kush përfiton? - Vendimi prek rreth 150 mijë punonjës të sektorit privat
Mijëra punëtorë në Kosovë pritet të përfitojnë nga rritja e pagës minimale në 500 euro bruto në muaj, e cila ka hyrë në fuqi që prej 1 korrikut. Por, mbetet......
Evropa “piqet’’ nga vapa - Temperaturat pritet të bëhen edhe më ekstreme
Temperaturat e larta që kanë goditur Evropën dhe Mbretërinë e Bashkuar janë një tjetër sinjal i qartë i ndikimit të ndryshimeve klimatike. Ekspertët tregojnë......
