Bizneset, 91 mld lekë kredi për blerje pajisjesh - BSH: Huaja për këtë qëllim zë 18.7% të totalit të marrë nga ndërmarrjet
Megjithëse shumica e bizneseve në Shqipëri marrin kredi për pasuri të paluajtshme, nuk mungojnë as ato që marrin hua për investime që mund të jenë shumë të kushtueshme, e për rrjedhojë të papërballueshme për t'u realizuar me të ardhurat që siguron vetë biznesi. Investime të tilla kanë të bëjnë me përmirësimin e infrastrukturës së biznesit, si për shembull për rinovim ose blerje pajisjesh të ndryshme që janë të nevojshme për funksionimin operacional të tij.
Sipas të dhënave nga Banka e Shqipërisë, rreth 91 miliardë lekë llogaritet të ketë arritur kredia e marrë nga bizneset për blerje pajisjesh në fund të muajit prill. Kështu, bizneset po kërkojnë gjithnjë e më shumë financim prej bankave për mbulimin e shpenzimeve që vijnë nga blerja e pajisjeve.
Shifrat flasin për një rritje me 9% të kredisë së marrë për këtë qëllim në krahasim me prill 2024, kur shuma totale e kredisë ishte vetëm 83 miliardë lekë.
Nëse bëjmë një vlerësim në bazë të monedhës, statistikat zyrtare tregojnë se pjesa më e madhe e bizneseve zgjedhin të marrin kredi në euro për blerjen e pajisjeve. Kështu, kredia në lekë për blerje pajisjesh rezulton vetëm 33 miliardë, ajo në euro është 57 miliardë lekë dhe kredia e marrë në dollarë për blerjen e pajisjeve rezulton vetëm 688 milionë lekë.
Në total, kredia e disbursuar ndaj bizneseve për pasuri të paluajtshme, overdraft, kapital qarkullues, blerje pajisjesh dhe çelje biznesi u regjistrua në 485 miliardë lekë në fund të muajit prill. Huaja për blerje pajisjesh zë vetëm 18.7% të totalit të kredisë së dhënë për ndërmarrjet.
Vendimi i Trump hyn në fuqi - SHBA ndalon hyrjen e qytetarëve nga 12 shtete
Ndalimi i udhëtimeve në SHBA për qytetarët e 12 vendeve ka hyrë në fuqi, mes tensioneve në rritje mbi emigracionin. 12 shtetet e synuara përfshijnë......
Ulen lehtë borxhet për faturat e OSHEE - Stoku i detyrimeve të prapambetura arrin në 79.33 mld lekë
Borxhi total, që klientët kanë ndaj Operatorit të Shpërndarjes së Energjisë Elektrike përsoi rënie tejet të lehtë gjatë 4 muajve të parë të vitit 2025, në......
Gati 3 në 5 persona që vizitojnë Shqipërinë hyjnë nga toka/ Transporti ajror gjithashtu shumë i preferuar, “braktisen” rrugët detare
Vitet e fundit, Shqipëria është kthyer në një ndër destinacionet më të preferuara në rajon, duke përjetuar një rritje të ndjeshme të numrit të vizitorëve,......
Andorra zgjedh ekoturizmin - Mikroshteti forcon mbrojtjen mjedisore për të nxitur ekonominë
Kombi i vogël malor i Andorrës po rrit përpjekjet për të mbrojtur mjedisin. Në të njëjtën kohë, mikroshteti synon rritjen ekonomike që varet shumë nga......
Po vijnë më shumë, apo më pak turistë? Çfarë tregojnë shifrat e 2025-ës? Sfida e numrit “zëvëndësohet” me cilësinë
Në katër muajt e parë të vitit 2025, Shqipëria ka pritur mbi 2.4 milionë shtetas të huaj. Në vlerë absolute shifra është më e lartë se çdo vit më parë për......
Tarifat “peshojnë” mbi ekonominë gjermane - Tkurren eksportet dhe prodhimi industrial në muajin prill
Prodhimi industrial dhe eksportet e Gjermanisë pësuan rënie në muajin prill pas një rritjeje të kohëve të fundit në tremujorin e parë. Ky ndryshim tregon se......
“Çmimet e postës duhet të ndryshohen” - AKEP: Tarifat nuk janë rishikuar që prej 2002. “Ngërçi”, te dërgesat jashtë Shqipërisë
Tarifat e Postës Shqiptare për shpërndarjen e objekteve brenda vendit janë disa herë më të ulëta krahasuar me tarifat në vendet e tjera të rajonit dhe......
Hekurudha Rrogozhinë-Vlorë-Aeroport - Lidhet kontrata 94.57 mln lekë për projektin e rehabilitimit dhe ndërtimin e degës së re
Hekurudha Shqiptare ka nënshkruar kontratën me kompaninë fituese për projektimin e rehabilitimit të linjës hekurudhore Rrogozhinë–Vlorë dhe ndërtimin e një......
