BE ofron automjete të blinduara për Shqipërinë/ Rreth 15 mln euro për të mbështetur Forcat e Armatosura
Bashkimi Evropian do t'i ofrojë 15 milionë euro Shqipërisë, me qëllim forcimin e kapaciteteve dhe aftësive mbrojtëse të Forcave të Armatosura. Kjo ndihmë jepet në kuadër të Instrumentit Evropian të Paqes, duke e çuar shumën totale të mbështetjes për Shqipërinë në 28 milionë euro deri më sot.
Përmes masës së Instrumentit Evropian të Paqes, BE do t'u ofrojë Forcave të Armatosura Shqiptare automjete të lehta të blinduara shumëfunksionale, si dhe automjete taktike dhe inxhinierike. Ndërkohë, kur është e nevojshme, do të ofrohen gjithashtu furnizime dhe shërbime përkatëse, duke përfshirë trajnimin operativ dhe të mirëmbajtjes.
Kjo ndihmë do të rrisë potencialin e Shqipërisë për të kontribuar në operacionet dhe misionet e Politikës së Përbashkët të Sigurisë dhe Mbrojtjes (CSDP) të BE-së dhe në koalicionet ndërkombëtare.
Përfaqësuesja e Lartë e Bashkimit Evropian për Punët e Jashtme dhe Sigurinë, Kaja Kallas, shprehet se ky vendim ilustron angazhimin e fortë dhe të vazhdueshëm të BE-së me Shqipërinë për sigurinë dhe mbrojtjen.
“Shqipëria është një partnere e ngushtë dhe e qëndrueshme e BE-së në politikën e jashtme dhe të sigurisë, një kontribuese në operacionet e BE-së dhe një aleate e NATO-s. Forcimi i bashkëpunimit tonë të sigurisë dhe mbrojtjes me Shqipërinë përforcon drejtpërdrejt stabilitetin, sigurinë dhe paqen evropiane”, tha Kaja Kallas.
Sipas Këshillit Evropan, kjo pasqyron po ashtu angazhimin e ndërsjellë për të forcuar bashkëpunimin në këtë fushë, duke u bazuar në nënshkrimin e Partneritetit të Sigurisë dhe Mbrojtjes midis BE-së dhe Shqipërisë në nëntor 2024 dhe nisjen e Dialogut të parë të Sigurisë dhe Mbrojtjes në prill 2025. Miratimi i një pakete të re mbështetëse njeh përafrimin e plotë të Shqipërisë me Politikën e Përbashkët të Jashtme dhe të Sigurisë të Bashkimit Evropian.
Instrumenti Evropian i Paqes u krijua në mars 2021. Masa e parë e ndihmës dypalëshe në kuadër të Instrumentit Evropian të Paqes në mbështetje të Forcave të Armatosura Shqiptare me vlerë 13 milionë euro u miratua në korrik 2024.
Mbi 5500 vende të lira pune/ Ministri Gonxhja: Mundësi konkrete punësimi në gjithë vendin
Ministri i Ekonomisë, Kulturës dhe Inovacionit, Blendi Gonxhja, ka bërë me dije në një postim në rrjetet sociale se, janë të hapura mbi 5500 vende të lira......
AAPSK jep në përdorim mjet transporti për Shtëpinë e Fëmijës në Bashkinë Shkodër
Agjencia e Administrimit të Pasurive të Sekuestruara dhe Konfiskuara (AAPSK) ka dhënë në përdorim një automjet transporti (furgon, i cili do të përdoret për......
“Jeta nuk shihet si aset ekonomik nga shqiptarët”/ Hajdarmataj: Duhet një edukim më i madh mbi rëndësinë e sigurimit të saj
Pavarësisht se sigurimi i jetës ka pësuar rritje nga viti në vit, raporti me llojet e tjera të sigurimeve mbetet shumë i thellë. Sigurimi i detyrueshëm i......
Euro “falenderon” paktin BE-SHBA/ Monedha evropiane shënon rritje pas marrëveshjes tarifore
Euro shënoi rritje të hënën pas lajmit për një pakt tregtar kornizë midis Shteteve të Bashkuara dhe Bashkimit Evropian. Presidenti i SHBA-së Donald Trump dhe......
Vatra aktive zjarri në Sasaj të Himarës/ Balluku: Jemi në gatishmëri. Bashkëpunim mes OSHEE dhe Bordit të Kullimit
Zëvendëskryeministrja, njëherësh ministre e Infrastrukturës dhe Energjisë, Belinda Balluku nga fshati Sasaj në Himarë, tha se në zonë vijojnë vatrat aktive,......
Rinisin bisedimet tregtare SHBA-Kinë/ Synohet zgjatja e “armëpushimit” tarifor midis palëve
Zyrtarët e lartë ekonomikë amerikanë dhe kinezë do të rifillojnë bisedimet në Stokholm për të zgjidhur mosmarrëveshjet ekonomike afatgjata, duke synuar......
BE dhe SHBA arrijnë marrëveshje tregtare/ Evropa do të përballet me tarifa 15% për eksportet drejt SHBA-së
Presidenti i Shteteve të Bashkuara, Donald Trump, dhe Presidentja e Komisionit Evropian, Ursula von der Leyen, deklaruan se kishin arritur një marrëveshje......
Tarifat “trondisin” Volkswagen/ Gjiganti evropian raporton 1.3 miliardë euro humbje në vitin 2025
Volkswagen raportoi humbje prej 1.3 miliardë eurosh në gjysmën e parë të vitit, si pasojë e tarifave tregtare të administratës Trump. Kompania gjithashtu uli......
