BE “lëshon” fondet e para për Shqipërinë: 922 mln euro nga Plani i Rritjes i Ekonomike deri në 2027. Pagesat, 2 herë në vit
Shqipëria është vendi i dytë, të cilit i hapet rruga për të përfituar financimet e para nga Plani i Rritjes Ekonomike. Pas përgatitjes së suksesshme të Agjendës së Reformave, Maqedonia e Veriut ishte vendi i parë që mori parafinancimin e parashikuar në Planin e Rritjes së BE-së për Ballkanin Perëndimor.
Deri në vitin 2027, Shqipërisë pritet t'i shpërndahen 922 milionë euro nga Plani i Rritjes Ekonomike. Sipas planit fillestar, për 2024, vendi ynë parashikohej të merrte 76 milionë euro kredi dhe grante nga Bashkimi Evropian, ndërkohë që përgjatë këtij viti financimi llogaritej në 279 milionë euro. Në 2026-ën, Shqipëria do të marrë shumën më të lartë në kredi dhe grante, konkretisht 314 milionë euro, ndërsa në 2027-ën, vetëm 251 milionë euro.
Plani i Rritjes Ekonomike, i cili u miratua në prill të 2024 përfshinte si parakusht për përfitimin e financimit, përgatitjen e një agjende kombëtare reformash. Lëshimi i çdo fondi do të varet nga progresi në zbatimin e masave të përfshira në Agjendat e Reformës.
Por, cilët janë sektorët që do të mbështeten me më shumë financim?
Shumica e fondeve do të shkojnë për reformat në drejtësi, ndjekur më pas nga përmirësimi i klimës së biznesit, fuqizimin e kapitalit njerëzor, energjia dhe tranzicioni i gjelbër, si dhe zhvillimi i teknologjisë.
Në total, vendet e Ballkanit Perëndimor do të përfitojnë 6 miliardë euro nga kjo paketë, ndërsa Serbia dhe Bosnje Hercegovina janë 2 shtetet që do të marrin më shumë kredi dhe grante. Konkretisht, shteti serb do të përfitojë 1.58 miliardë euro, Bosnja dhe Hercegovina 969 milionë, Kosova thuajse 888 milionë euro, ndërsa Maqedonisë së Veriut dhe Malit të Zi do t'i jepen përafërsisht 807 milionë dhe 383.5 milionë euro.
Të paktën 50% e shumës totale (grante dhe kredi) do të shkojnë për investime përmes Kornizës së Investimeve të Ballkanit Perëndimor (WBIF), ndërsa shuma e mbetur e kredive do t'i shpërndahet direkt qeverive të Ballkanit Perëndimor.
Pagesat do të bëhen dy herë në vit, në bazë të kërkesave të paraqitura nga vendet e Ballkanit Perëndimor dhe pas verifikimit nga Komisioni Evropian të përmbushjes së kushteve përkatëse të pagesës, parakushteve dhe kushteve të përgjithshme, si stabiliteti makrofinanciar, menaxhimi i shëndoshë i financave publike, transparenca dhe mbikëqyrja e buxhetit.
Në rast se kushtet e pagesës nuk plotësohen, Komisioni Evropian do të pezullojë ose do të zbresë një shumë përkatëse nga pagesa. Shteti i Ballkanit Perëndimor do të ketë 1-2 vjet kohë për të përmbushur kushtet, në të kundërt shuma do të rishpërndahet mes të tjerëve në vitet në vijim.
Sondazh
Shlyhen 32 milionë euro borxhe ndaj bizneseve dhe qytetarëve - “Shkarkohen” detyrimet për investime, ulet barra e vendimeve gjyqësore
Viti 2024 është mbyllur me një rënie të ndjeshme të borxheve të pushtetit qendror dhe atij vendor ndaj bizneseve dhe qytetarëve. Stoku i detyrimeve të......
Financimet nga Plani i Rritjes, Edi Rama: Plotësuam kushtet e BE. “Shenjë e qartë që po ecim me ritme të shpejta drejt anëtarësimit”
Kryemininistri i Shqipërisë, Edi Rama zhvilloi një bashkëbisedim live me qytetarët në rrjetet sociale. Kreu i Qeverisë në fjalëën e tij tha se komisionerja......
Starline 21, hekurudha që lidh 39 destinacione evropiane - Nga Mbretëria e Bashkuar në Turqi e Ukrainë, pjesë e rrjetit edhe Tirana
Dhjetra linja hekurudhore të nisura vitet e fundit po e bëjnë më të lehtë udhëtimin përtej kufijve të vendeve evropiane. Por një propozim i sapo shpallur nga......
Biznes, politikë dhe pasiguri, tregjet në luhatje të mëdha - Musk, Bezos dhe Zuckerberg, pasuria zhvlerësohet me 209 mld dollarë
Miliarderët e gjigantëve të teknologjisë, si Elon Musk, Jeff Bezos dhe Mark Zuckerberg, që mbështetën Donald Trump gjatë fushatës zgjedhore presidenciale, po......
Rritje e lehtë e valutave kryesore – Forcohen Dollari, Franga e Paundi!
Dollari amerikan e ka nisur ditën pozitivisht duke rikuperuar disi pikë nga dita e djeshme teksa është blerë sot me 91 lekë dhe është shitur me 92.2 lekë......
Pallati i Sportit në Gjirokastër kthehet në një qendër moderne për të rinjtë dhe sportin
Dikur një godinë e amortizuar, sot një vatër moderne sportive për të rinjtë e gjithë Shqipërisë. Pallati i Sportit në Gjirokastër është transformuar......
Rama në sheshin e ri “Çerçiz Topulli”: Ky i ka hije Çeços dhe Gjirokastrës!
Pas inspektimeve në Pallatin e Sportit dhe Spitalin Rajonal, Kryeministri Edi Rama ndaloi këtë të dielë edhe në sheshin e transformuar “Çerçiz Topulli” në......
Rama në Gjirokastër: Spitali rajonal rilind me teknologji moderne, duke ruajtur karakterin historik
Spitali Rajonal i Gjirokastrës, një ndërtesë me histori të gjatë që shtrihet në një sipërfaqe prej 8,600 m2, po i nënshtrohet një transformimi rrënjësor.......
