BE, gati të financojë një program të ri për Shqipërinë - Nga lufta kundër korrupsionit, te siguria ushqimore. Ku do të shkojnë 67.3 mln euro?
Në kuadër të Instrumentit të Asistencës së Paraanëtarësimit (IPA III), Bashkimi Evropian do t'i ofrojë Shqipërisë 67.3 milionë euro për mbështetjen e luftës kundër korrupsionit, qeverisjen vendore, sigurinë ushqimore, pyjet, punësimin dhe përfshirjen sociale.
Shumica e fondeve të këtij programi të ri do të shkojnë për luftën ndaj korrupsionit. Sipas dokumentit të publikuar në Fletoren Zyrtare, 38.5 milionë euro do të jepen për të ndihmuar autoritetet përkatëse shqiptare, duke përfshirë Drejtorinë e Përgjithshme të Antikorrupsionit (DPAK), Inspektoratin e Lartë të Deklarimit dhe Kontrollit të Pasurive dhe Konfliktit të Interesit (ILDKPKI), si dhe autoritete të tjera, në përmbushjen e roleve të tyre specifike lidhur me luftën kundër korrupsionit dhe ruajtjen e besimit publik.
Së dyti, 10 milionë euro i kushtohen përmirësimit të qeverisjes vendore dhe zhvillimit socio-ekonomik lokal. Një ndër synimet e këtij veprimi është zhvillimi i një skeme grantesh që mbështet financiarisht bashkitë për të zhvilluar cilësinë dhe aksesin në infrastrukturën dhe shërbimet publike bashkiake nëpërmjet investimeve kapitale.
Ndërkohë, rreth 12.5 milionë euro ofrohen për sigurinë ushqimore, duke mbështetur institucionet shqiptare në përafrimin dhe zbatimin e legjislacionit të BE-së dhe praktikave më të mira në fushën e sigurisë ushqimore, politikave veterinare dhe fitosanitare. Po ashtu, kjo do të arrihet nëpërmjet përmirësimeve të infrastrukturës fizike (laboratori dhe zyrat rajonale), si dhe forcimit të mëtejshëm të kapaciteteve administrative në këtë sektor.
Nga ana tjetër, mbrojtja e mjedisit do të marrë 13 milionë euro. Në këtë fushë synohet që të përmirësohen kapacitetet administrative dhe përputhja e kuadrit ligjor në sektorin pyjor në Shqipëri me acquis-në e BE-së, por edhe rritja e mbulimit pyjor apo kapaciteteve të thithjes së karbonit për Shqipërinë.
Gjithashtu, 28 milionë euro do të jepen për përmirësimin e arsimit, trajnimit dhe integrimit në tregun e punës, në veçanti për kategoritë e disavantazhuara, ata me ndihmë ekonomike, romët, emigrantët. Ndër të tjera, synohet të ofrohen programe më të rëndësishme të arsimit dhe formimit profesional.
Subvencionim i kredisë me interes 0% për banesa - Cilat janë kategoritë përfituese? Programi zbatohet nga Enti Kombëtar i Banesave
Këshilli i Ministrave ka miratuar një vendim në mbështetje të familjeve në nevojë për strehim, duke përcaktuar procedurat dhe dokumentacionin për përfitimin......
Sa kushton të shëtisësh Shqipërinë? - Nga jugu deri në veri këto janë kostot për çdo turist
Prej disa vitesh, Shqipëria ka hyrë fuqishëm në hartën turistike të Europës dhe botës, duke tërhequr miliona vizitorë çdo vit. Bregdeti I bukur, qytetet......
Makineritë bujqësore pa TVSH - E-Albania informon mbi hapat që duhen ndjekur nga agrobizneset!
Portali i qeverisë e-Albania njoftoi sot në rrjetet sociale se agrobiznesi është i përjashtuar nga TVSH-ja për importin e makinerive dhe pajisje në funksion......
Çfarë ka ndodhur këtë fillim muaji në tregun valutor?
Dollari amerikan duket se ka ruajtur relativisht vlerat e një dite më parë duke e nisur muajin pozitivisht teksa është blerë këtë mëngjes me 84.2 lekë dhe......
Emetimet nga zjarret, në nivele rekord - Nxehtësia ekstreme dhe thatësira nxisin përhapjen e flakëve në Evropë
Zjarret në të gjithë Evropën janë rritur në nivele rekord këtë verë, me flakë intensive të nxitura nga temperaturat e larta dhe kushtet e thata. Një total......
Sa para’ ka mbledhur KPP nga tenderët në 6 muaj? - Regjistrohen 501 ankesa, shënohet rënie krahasuar me 2024
Në 6 muajt e parë të këtij viti, në Komisionin e Prokurimeve Publike, janë adresuar 501 ankesa nga operatorët ekonomikë. Ndërkohë, qershori është muaji i......
Produktet e shportës në Evropë - Cilat qytete kanë çmimet më të larta?
Çmimet e shportës reflektojnë pabarazi të konsiderueshme në të gjitha qytetet evropiane, madje edhe midis atyre në të njëjtin shtet. "Indeksi i Shportës" i......
Grekët, deri në 13 orë punë në ditë tek një punëdhënës - Ligji i ri shton fleksibilitetin dhe ofron mundësi për paga më të larta
Duke nisur nga vjeshta, pas miratimit të projektligjit të ri të punës në Greqi, puna në sektorin privat prej 13 orësh në ditë mund të zbatohet tek një......
