BE dhe qeveria vlerësojnë reformat me financim europian - Shqipëria ka përfituar deri tani 213 mln euro nga Plani i Rritjes
Bashkimi Europian dhe Qeveria shqiptare zhvilluan në Tiranë dy mbledhjet e përvitshme të monitorimit, ku u shqyrtua ecuria e reformave dhe projekteve të financuara nga BE, në kuadër të Instrumentit për Reforma dhe Rritje dhe Instrumentit të Para-Anëtarësimit, IPA.
Takimet u fokusuan te zbatimi i Agjendës së Reformave të Shqipërisë, pjesë e Planit të Rritjes për Ballkanin Perëndimor. Ky instrument synon të përshpejtojë konvergjencën ekonomike me Bashkimin Europian, të rrisë konkurrueshmërinë dhe të përgatisë vendin për anëtarësimin në Tregun e Vetëm të BE-së.
Reformat janë të përqendruara në pesë fusha kryesore, mjedisin e biznesit, kapitalin njerëzor, energjinë, transformimin digjital dhe infrastrukturën, si dhe shtetin e së drejtës. Që prej nisjes së programit në vitin 2024, Shqipëria ka përfunduar 21 nga 41 hapat e reformave në periudhën e parë të raportimit dhe 12 nga 21 hapat në periudhën e dytë.
Mbi këtë bazë, Bashkimi Europian ka disbursuar deri më tani 213 milionë euro në tre këste, nga paketa totale prej 922 milionë eurosh.
Komisioni Europian vlerësoi performancën e Shqipërisë si një nga më të mirat në Ballkanin Perëndimor, por theksoi se ruajtja e ritmit të reformave do të jetë vendimtare për disbursimet e ardhshme dhe për mundësinë e përfitimit të financimeve shtesë. Ndërkohë, në kuadër të IPA-s u shqyrtua zbatimi i rreth 150 projekteve që janë aktualisht në proces dhe që mbështesin reformat e lidhura me anëtarësimin në BE.
Gjatë diskutimeve u mirëprit nisja e projekteve të reja në fusha si antikorrupsioni, mjedisi, qeverisja vendore dhe siguria ushqimore. Po ashtu, janë miratuar 100 milionë euro në kuadër të programit IPA 2025–2027, për reformën në drejtësi, shtetin e së drejtës, të drejtat e njeriut dhe qeverisjen e mirë.
“Analizë e plotë shkencore për ndikimin në mjedis” - Ministri Jaupaj për Zvërnecin: Ligji nuk i ndalon, vendos kushte
Projekti që do të paraqitet për zhvillimin e zonës së mbrojtur Pishë-Poro- Nartë do I nënshtrohet një analize të thelluar për ndikimin në mjedis. Kështu u......
Bypass-i i Elbasanit, mbyllet pa ankesa faza e ofertave - ARRSH drejt vlerësimit të propozimeve për 2 lotet e para me vlerë 5.8 mld lekë
Procedurat tenderuese për ndërtimin e dy loteve të para të bypass-it të Elbasanit kanë avancuar në fazën e shqyrtimit të ofertave, pasi afati i dorëzimit të......
BE vlerëson progresin e Shqipërisë në zbatimin e reformave dhe fondeve të paraanëtarësimit
Bashkimi Evropian ka vlerësuar pozitivisht progresin e Shqipërisë në zbatimin e reformave dhe përdorimin e fondeve të paraanëtarësimit, gjatë dy mbledhjeve......
Hoxha në Bullgari: Zgjerimi i BE-së është investim strategjik, Shqipëria synon anëtarësimin në vitin 2030”
Ministri për Evropën dhe Punët e Jashtme, Ferit Hoxha, gjatë një vizite në Bullgari, mori pjesë në një panel diskutimi të organizuar nga European Council on......
Qeveria miraton Planin Kombëtar për Personat me Aftësi të Kufizuara: 68 masa dhe 7.6 miliardë lekë investime deri në 2030
Këshilli i Ministrave ka miratuar Planin Kombëtar të Veprimit për Personat me Aftësi të Kufizuara 2026–2030, një dokument strategjik që synon të forcojë......
Industria kërkon punonjës të kualifikuar - Arsimi profesional, hallka që duhet të mbështesë prodhimin vendas
Një industri më moderne kërkon jo vetëm investime në teknologji dhe financim, por edhe punonjës të kualifikuar. Pikërisht fuqia punëtore konsiderohet një......
Transporti i mallrave, drejt dokumentacionit elektronik - Drafti: “Letra” do të zëvendësohen me informacionin digjital deri në vitin 2029
Kwshilli i Ministrave ka miratuar projektligjin “Për informacionin elektronik të transportit të mallrave”, i cili synon të digjitalizojë dokumentacionin......
Tregu i punës lë pas të rinjtë/ Punësimi i tyre ka rënë në 42.8%, ndërsa papunësia është rritur në 16.9%
Punësimi i të rinjve vijon të mbetet një nga sfidat më të mëdha të tregut të punës në Shqipëri. Të dhënat më të fundit të publikuara nga Instituti i......
