Bankingu digjital po transformon shërbimet financiare/ Qytetarët e bizneset gjithnjë e më shumë drejt kanaleve online
Përdorimi i shërbimeve bankare online po fiton gjithnjë e më shumë terren në Shqipëri. Të dhënat e fundit tregojnë se qytetarët dhe bizneset po zgjedhin gjithnjë e më shpesh të kryejnë pagesa dhe transferta përmes telefonit apo kompjuterit, duke shmangur sportelet fizike të bankave.
Sipas të dhënave nga Banka e Shqipërisë, gjatë vitit 2025 janë kryer rreth 11.5 milionë transaksione përmes home banking, me një vlerë totale prej rreth 2.7 trilionë lekësh. Këto shifra tregojnë një zgjerim të mëtejshëm të përdorimit të kanaleve digjitale në sistemin bankar.
Krahasuar me vitin 2024, numri i transaksioneve është rritur ndjeshëm. Një vit më parë regjistroheshin rreth 9.3 milionë veprime, që do të thotë se brenda një viti janë shtuar mbi 2 milionë transaksione të reja të kryera online. Edhe vlera e tyre është rritur, duke reflektuar jo vetëm më shumë përdorues, por edhe përdorim më të shpeshtë të këtij shërbimi për pagesa me vlera më të mëdha.
Nëse shihet në një perspektivë më të gjerë kohore, rritja është edhe më e dukshme. Rreth një dekadë më parë, në vitin 2015, përmes home banking kryheshin vetëm rreth 1.4 milionë transaksione në vit. Sot kjo shifër është shumëfishuar, duke treguar transformimin që po kalon sistemi bankar drejt shërbimeve digjitale.
Gjatë vitit 2025, aktiviteti ka qenë relativisht i qëndrueshëm nga muaji në muaj. Në shumicën e rasteve janë regjistruar rreth 800 mijë deri në 1 milion transaksione në muaj, që tregon se përdorimi i home banking është bërë tashmë pjesë e përditshme e menaxhimit financiar për shumë qytetarë.
Kulmi i aktivitetit është regjistruar në muajin dhjetor, kur numri i transaksioneve ka kaluar 1.2 milionë, ndërsa vlera e tyre ka qenë ndër më të lartat e vitit. Ky trend lidhet zakonisht me rritjen e shpenzimeve gjatë festave të fundvitit, pagesat sezonale dhe transfertat e shumta që kryhen në këtë periudhë.
Kjo rritje e vazhdueshme lidhet me disa faktorë kryesorë. Nga njëra anë është zgjerimi i aplikacioneve bankare dhe përmirësimi i shërbimeve digjitale që ofrojnë bankat. Nga ana tjetër, përdorimi gjithnjë e më i madh i telefonave inteligjentë dhe internetit e bën më të lehtë kryerjen e pagesave në çdo moment, pa qenë nevoja të shkohet fizikisht në bankë.
Një faktor tjetër është edhe kursimi i kohës dhe komoditeti që ofrojnë këto shërbime. Pagesat e faturave, transfertat bankare apo menaxhimi i llogarisë mund të kryhen brenda pak minutash përmes aplikacioneve bankare, duke e bërë këtë formë gjithnjë e më të preferuar për përdoruesit.
Ku janë klasat më të mbushura në Shqipëri? Raporti në gjimnaze, nga 8 deri në 14 nxënës për mësues
Sa nxënës ka për çdo mësues në gjimnazet shqiptare? Ky është një tregues që pasqyron jo vetëm sa të mbushura janë klasat, por edhe sa mbështetje mund të......
Profili i mësuesit në Shqipëri/ Rreth 43 vjeç mosha mesatare, 75% gra dhe vetëm 36% të kënaqur më pagën
Mësuesit mbeten faktori më i rëndësishëm në cilësinë e arsimit dhe në zhvillimin e brezave të rinj. Në një kohë kur teknologjia, inteligjenca artificiale dhe......
Humbjet e energjisë në rrjet ranë me 1.3%/ Ulja më e madhe në transmetim, përmirësohet edhe shpërndarja
Humbjet e energjisë elektrike në rrjet vijuan të ulen edhe gjatë vitit 2025, sipas të dhënave më të fundit nga Instituti i Statistikave. Humbjet arritën në......
Konflikti i Iranit rrit çmimet e naftës amerikane/ Nafta e rëndë e SHBA në nivelin më të lartë që nga viti 2020
Nafta bruto e SHBA-së vazhdoi të rritet, ndërsa konflikti i Iranit nxiti disa prodhues të naftës së rëndë bruto në Lindjen e Mesme të kufizojnë prodhimin......
Analiza e Reuters: Lufta SHBA-Izrael me Iranin po trondit biznesin global
Lufta SHBA-Izrael me Iranin po i trondit bizneset në mbarë botën, duke rritur çmimet e energjisë, duke shtrydhur furnizimet me lëndë të para kritike dhe duke......
“Ky 7 mars ju gjen më të vlerësuar, me paga të rritura”/ Rama e Kumbaro urim për Ditën e Mësuesit
7 Marsi, Dita e Mësuesit, është një nga datat më të rëndësishme për arsimin shqiptar, një ditë që shërben për të vlerësuar rolin dhe kontributin e mësuesve......
Kalimi i detyrës në Ministrinë e Mbrojtjes, Ermal Nufi: Shërbimi ndaj Atdheut, detyrë që nuk vjen pa sakrifica
Në Ministrinë e Mbrojtjes u mbajt ceremonia e kalimit të detyrës nga Pirro Vengu tek ministri i ri i Mbrojtjes te Ermal Nufi. Ministri i ri tha se e merr......
“Wom Travel”: Riviera Shqiptare, surpriza e verës 2026, korriku ideal për pushime
“Për turistët që kërkojnë një destinacion të ri, me ujëra kristaltë dhe çmime jashtëzakonisht konkurruese, Riviera Shqiptare është surpriza që nuk e......
