Bankat “mbushin” rezervën për raste krizash Arrin objektivin 20.2% të BSH. Sa e përballueshme është kostoja e përmbushjes së MREL?
Pesë nga 11 banka në vendin tonë e kanë përmbushur objektivin prej 20.2% të Bankës së Shqipërisë për mbajtjen e një sasie të caktuar kapitali dhe instrumentesh financiare, si për shembull obligacione, sasi e cila përdoret si rezervë për kompensimin e humbjeve të bankave, në rast se këto të fundit përballen me kriza financiare ose rrezikojnë falimentimin.
Në raportin mbi ecurinë e kërkesës minimale për instrumente të kapitalit rregullator dhe detyrime të pranuara, MREL, theksohet që bankat e kanë tejkaluar këtë objektiv në gjysmën e parë të vitit, duke arritur një mesatare prej 22.6% në rezerva. Kjo nënkupton se ato kanë lënë mënjanë mjaftueshëm para dhe instrumente financiare për të përballuar kriza të mundshme.
Në Shqipëri, 5 banka konsiderohen si kritike për stabilitetin financiar, pasi kontrollojnë rreth 75% të totalit të aktiveve bankare. Si rezultat, vetëm këtyre bankave u kërkohet që të përmbushin këtë objektiv, për shkak se një problem financiar i tyre mund të shkaktojë kolapsin e të gjithë sistemit.
Në vitin 2027 synohet që bankat të kenë një rezervë të barabartë me 24.9% të ekspozimeve të tyre të ponderuara me rrezikun, të cilat i referohen rrezikshmërisë së aktiviteteve të një banke. Sa më i lartë të jetë rreziku, aq më shumë rezerva duhet të mbajë banka si amortizues. Ky është objektivi përfundimtar që bankat duhet të arrijnë për të përmbushur kërkesën MREL deri në vitin 2027, duke siguruar që ato të kenë mjaftueshëm amortizues financiarë për të menaxhuar krizat në mënyrë efektive.
A ka ndikuar rritja e normave të interesit në koston e financimit të kësaj rezerve nga bankat?
Sipas një analize të Bankës së Shqipërisë, kostoja e përmbushjes së MREL paraqitet e përballueshme për bankat, duke arritur në 5.1% të të ardhurave neto nga interesi në vitin 2027. Për të gjitha bankat, vlerësohet që kostoja e financimit të detyrimeve ekzistuese të pranuara mund të përthithet plotësisht në rezultatin neto financiar të bankave, pa ndikuar ndjeshëm në përfitueshmërinë e tyre.
Në tërësi, vlerësohet se kostoja për shërbimin e borxhit për qëllime të MREL do të vijojë të shënojë rritje për të gjitha bankat, por mbetet e kufizuar në terma relativë të treguesve të përfitueshmërisë. Zhvillimet e sektorit bankar gjatë periudhës, veçanërisht forcimi në vijimësi i pozicionit të kapitalit përmes fitimit që bankat kanë realizuar gjatë vitit të mëparshëm, ul nevojën shtesë për financim të MREL dhe përbën faktorin kryesor zbutës të kostos së financimit. Në çdo rast, sektori bankar vijon të raportojë vlera të kënaqshme të rezultatit neto nga interesi dhe të treguesve të përfitueshmërisë, edhe në skenarët më të rënduar, shprehet Banka e Shqipërisë në analizën e saj.
Kosova “nxit” zgjerimin e energjisë së pastër/ Qeveria u ofron bizneseve grante për projekte të gjelbra
Ministria e Ekonomisën në Kosovë ka nxjerrë një njoftim të rëndësishëm për bizneset prodhuese dhe përpunuese, duke publikuar udhëzimet paraprake të skemës së......
SHBA monitoron Portin e Pireut/ Kërkon reduktimin e kontrollit të Kinës mbi industrinë detare greke
Shtetet e Bashkuara po vlerësojnë mënyra për të kufizuar praninë dhe ndikimin e gjerë të Kinës në zinxhirin ndërkombëtar të furnizimit dhe në industrinë......
Strategji e re për sigurisë rrugore/ Nga investimet, te kontrolli i automjeteve, masat për të shkuar drejt “zero” aksidente
Ministria e Infrastrukturës dhe Energjisë ka nxjerrë për konsultim publik Strategjinë e re për Sigurinë Rrugore dhe Planin e Veprimit 2026–2030, një dokument......
Kryeadministratorja e AAPSK, vizitë në sipërmarrjen sociale në Fier: Do zgjerojmë më tej nisma të tilla
Kryeadministratorja e Agjencisë së Administrimit të Pasurive të Sekuestruara dhe Konfiskuara, Risena Xhaja, zhvilloi sot një vizitë në pastiçerinë “Ke Buono”......
Normat negative të interesit dhe lufta ndaj parasë cash
Richard A Werner* Figura publike kanë filluar të përhapin idenë se paraja fizike është një relike barbare dhe duhet të shfuqizohet. Arsyet pse papritur......
Nis punën qeveria e re/ Kabineti “Rama 4” betohet në Presidencë. Mbledhja e parë, me dyer të mbyllura
Kryeministri Edi Rama dhe kabineti i tij qeveritar prej 16 ministrash janë betuar përpara Presidentit të Republikës, Bajram Begaj. Me aktin e betimit nis......
Si të sigurojmë rritje ekonomike dhe paga më të larta? Ekspertët: Qeveria duhet të fokusohet te mbështetja e sektorit të prodhimit
Ekspertët e ekonomisë sugjerojnë se, në këtë mandat 4-vjeçar, qeveria shqiptare duhet të ofrojë më shumë mbështetje për sektorin e prodhimit, në mënyrë që të......
Deepseek sfidon rivalët amerikanë/ Modeli i kompanisë kushtoi vetëm 294,000 dollarë për t’u trajnuar
Zhvilluesi kinez i inteligjencës artificiale, DeepSeek, ka deklaruar se shpenzoi vetëm 294,000 dollarë për të trajnuar modelin e saj R1, shumë më pak......
