Asfaltohet rruga lidhëse mes Urës së Bilçës dhe Drobonikut - Rama: Portë e re e aksit Berat-Ballaban-Përmet-Gjirokastër-Greqi
Ka hyrë në fazën e asfaltimit rruga e re që lidh Urën e Bilçës me Drobonikun në Berat. Ura lidh fshatrat Bilçë, Malinat dhe Zhitom i Vogël me fshatin Drobonik, duke sjellë impakt në lehtësimin e qarkullimit të mjeteve nëpërmjet aksit Berat- Ballaban- Përmet- Gjirokastër- Greqi. Përfundimi i rrugës pritet të ketë ndikim të drejtpërdrejt edhe në zhvillimin bujqësor dhe turistik të zonës.
Ura është me një gjatësi prej 290 metra dhe gjerësi të superstrukturës 12.4 metra, ku përfshihen trotuare dhe korsi për biçikleta. Ky investim sipas drejtuesve të pushtetit lokal, është konsideruar si porta e madhe e prurjeve turistike drejt Beratit, dhe një ndër investimet më strategjike. Edhe operatorët turistë e konsiderojnë një zgjerim të paketës turistike për vizitorët e shumtë, duke e kthyer Bilçën në një lagje më vete të Beratit pjesë e UNESCO-s, si dhe duke hapur një perspektivë të re zhvillimi për ekoturizmin e këtyre zonave.
Investimi, një nismë e financuar nga BE, përmes Programit të Mbështetjes së Zhvillimit Ekonomik Vendor të Modelit të Drejtuar nga Turizmi, ka dyfishuar vlerën e zonës, duke i nxitur fermerët të investojnë më shumë në prodhimin bujqësor dhe duke krijuar mundësi të reja për biznese dhe artizanatin. Paralelisht, u kryen punime edhe për ndryshimin e shtratit të lumit, projekt që është bërë i mundur falë financimit të Komisionit Evropian nëpërmjet BERZH, në partneritet me Fondin Shqiptar të Zhvillimit.
Kryeministri Edi Rama ka publikuar në rrjetet sociale pamje nga ky segment rrugor, duke theksuar se nuk është thjesht një rrugë në hartë, por një urë zhvillimi. Sipas tij, kjo rrugë e re dhe një projekt i shumëpritur rrit aksesin për fshatrat përreth, mbështet bujqësinë dhe hap një derë të re për fluksin turistik që vjen nga Jugu drejt Beratit dhe anasjelltas.

Tarifat e Trump në Evropë/ Si do të ndikohen konsumatorët evropianë?!
Çmimet e produkteve evropiane pritet të rriten në Shtetet e Bashkuara. Nga ana tjetër, marrëveshja tregtare nuk duhet të shkaktojë inflacion në Evropë, pasi......

Vera franceze, nën “shënjestrën” e Trump - Tarifat 15% do t’i kushtojnë industrisë rreth 1 miliard euro
Industria e verës dhe pijeve alkoolike në Francë pritet të humbasë rreth 1 miliard euro nëse Shtetet e Bashkuara vendosin tarifën 15% për produktet e tyre......

OPEC+ do të rrisë prodhimin e naftës nga shtatori - Vendimi pritet të shtojë kërkesën e të ulë çmimet globale
Vendet e OPEC+ ranë dakord të rrisin prodhimin e naftës me 547,000 fuçi në ditë nga shtatori, një veprim që mund të ulë më tej çmimet këtë vit. Tetë vendet......

Përfundon faza e parë e kontrolleve në terren për sigurinë ushqimore/ Tatimet: U bllokuan 103 ton mallra
Drejtoria e Përgjithshme e Tatimeve ka përfunduar fazën e parë të kontrolleve në terren, si pjesë e përpjekjeve të saj të vazhdueshme për forcimin e......

Më shumë produkte britanike në Shqipëri/ Eksportet totale drejt vendit tonë arritën në 189 milionë paund
Departamenti për Biznes dhe Tregti ka ndarë së fundmi një raport në lidhje me tregtinë e jashtme mes Shqipërisë dhe Mbretërisë së Bashkuar. Sipas të dhënave,......

Vetë-mjaftueshmëria ushqimore, si renditet Shqipëria - Prodhojmë më shumë fruta dhe bulmet por më pak drithëra
Visual Capitalist ka publikuar një studim të revistës shkencore Nature (2025). Ky vlerësim krahason nivelin e prodhimit ushqimor të vendeve me udhëzimet......

Industria evropiane e makinave “nën presion” - Tarifat për automjetet do të mbeten 25%, pavarësisht paktit SHBA-BE
Shtetet e Bashkuara vazhdojnë të zbatojnë tarifat 25% mbi automjetet evropiane, pavarësisht paktit me BE-në për detyrime 15%. Gjithashtu, paqartësitë vijojnë......

Papunësia në eurozonë, në nivelet më të ulëta - Shtetet e Evropës Jugore udhëheqin rritjen e vendeve të punës
Papunësia në eurozonë ka shënuar nivele të ulëta historike në muajt e fundit. Vendet e Evorpës Jugore si Spanja, Italia dhe Portugalia kryesojnë në zgjerimin......