Shqipëria Postuar më 18 Mars 2025, 15:01

“Aset strategjik i NATO-s falë investimeve” - Kryeministri Rama dhe ministri Vengu, në bazën ajrore të Kuçovës

Nga Ernilda Luzi

“Aset strategjik i NATO-s falë investimeve” - Kryeministri Rama

Kryeministri Edi Rama së bashku me ministrin e Mbrojtjes, Pirro Vëngu zhvilluan një inspektim në bazën ajrore të Kuçovës, që po kthehet në një aset strategjik të NATO-s, falë investimeve në infrastrukturë, modernizim dhe trajnime. Ministri i Mbrojtjes, Pirro Vëngu theksoi se kjo qendër është në dispozicion për çdo detyrë që i ngarkohet nga agjencitë e tjera ligjzbatuese.

Janë duke zhvilluar edhe qitjet e para që të jenë të mobilizueshëm. Kanë përfunduar punimet në qendrën e stërvitjes. Qendra monitorohet 24 h, janë në dispozicion për çdo detyrë që u ngarkohet. E nevojshme që të kishim një qendër si kjo me laboratore, klasa. Ish- shtëpinë e oficerëve po e rehabilitojmë sërish që të qëndrojnë nëmënyrë sa më komode së bashku me familjarët.

Modernizimi i Forcës Ajrore, përfshirë edhe flotën e dronëve luftarakë, të cilët tashmë shërbejnë edhe për misione civile, mbetet një prioritet kyç për sigurinë kombëtare.

Ndërkohë, Shqipëria ka rritur ndjeshëm investimet në sektorin e mbrojtjes, ku për herë të parë këtë vit janë akorduar fonde që arrijnë nivelin 2,01% të Prodhimit të Brendshëm Bruto dhe 54.8% e buxhetit të Ministrisë së Mbrojtjes për vitin 2025 shkon për modernizimin dhe rritjen e gatishmërisë operacionale.

Investimet janë në disa drejtime; në rinovimin e bazave ushtarake, ndërtimin e bazave të reja, investime në teknologji dhe sidomos investime te forca njerëzore.

 

Sondazh

Poll

Live TV

Të fundit
Të gjitha lajmet

Më të vizituarat