ARRSH, projekt të ri për hyrjen veriore të Tiranës/ Kozeli: Lidhje e re edhe me rrugën e Arbrit. Zgjerimi i Tiranë – Durrës, deri në Vorë
Autoriteti Rrugor Shqiptar do të nisë projektimin për hyrjen veriore të Tiranës, një projekt që synon të lehtësojë trafikun në kryeqytet. I ftuar në emisionin Inside News, kreu i Autoritetit Rrugor Shqiptar, Ami Kozeli bëri me dije gjithashtu se po shqyrtohet edhe një tjetër projekt që do të lidhë qytetin me rrugën e Arbrit.
“Do të nisim projektimin e hyrjes veriore të Tiranës, që do të thotë shkarkimin e trafikut drejt veriut. Pra, do të jetë projektimi dhe zbatimi që e kemi parashikuar në buxhetin tonë afatmesëm dhe kjo është një gjë që do të jetë po prapë një zgjidhje shtesë për trafikun e qytetit. Gjithashtu, kemi një projekt të ardhur nga Bashkia e Tiranës që bën lidhjen me rrugën “Arbërit”, edhe për të cilën ne tani po e shqyrtojmë brenda autoritetit tonë dhe jemi në komunikim natyrisht edhe me Bashkinë e Tiranës për të nisur zbatimin e kësaj kontrate, që po prapë do të lehtësojë goxha trafikun në qytet”, - tha Kozeli.
Paralelisht, kreu i ARRSH tha se prioritet është edhe zgjerimi i autostradës Tiranë – Durrës, deri në Vorë.
“Ne duam t’i afrojmë kontratat sepse i kemi të parashikuara në buxhetin afatmesëm, por i kemi për vitin e ardhshëm. Ndërkohë që me miratimin e Akteve Normative, ministria dëshiron që këto t’i afrojë në zbatim, pra t’i afrojë që brenda këtij viti, që t’i lidhim që gjatë këtij viti, në mënyrë që në 2027-ta t’i gjejë në zbatim si kontrata. Dhe bëhet fjalë për fazën katër dhe pesë, ku punimet do të avancojnë deri në Vorë, pra në daljen e Fushë – Krujës”, - tha kreu i ARRSH.
Kozeli foli edhe për ecurinë e disa prej projekteve kryesore në vend, sikurse është korridori VIII, duke theksuar ndër të tjera se është gjetur zgjidhja përfundimtare për të mos ndarë fshatin e Hotolishtit në 2 pjesë. Sipas tij në këtë pjesë të rrugës Elbasan – Qafë Thanë do të ndërtohet një tunel, ndërsa paralelisht po punohet për projektimin e pjesës tjetër të rrugës, që do të bëjë lidhjen me Maqedoninë e Veriut.
Vendim historik për shtetësinë nga Gjykata e Lartë Greke/ Jo më kusht të ardhurat, përfitojnë mijëra emigrantë shqiptarë
Gjykata e Lartë Administrative e Greqisë, ka marrë një vendim të rëndësishëm, i cili sjell një ndryshim të dukshëm në mënyrën se si trajtohen kërkesat për......
TIA thyen rekorde të reja, mbi 1.1 milionë pasagjerë në Prill/ Londra destinacioni kryesor, rritja e mbështetur nga investimet
Aeroporti Ndërkombëtar i Tiranës ka regjistruar tjetër muaj rekord, duke konfirmuar trendin e fortë të rritjes së trafikut ajror në Shqipëri. Sipas të......
Balluku dhe Salla nga Lushnja: Rreth 11 mijë aplikime në 4 ditë për Skemën Kombëtare 2026
Ministri i Bujqësisë dhe Zhvillimit Rural, Andis Salla, zhvilloi sot një vizitë në AgroPikën e Lushnjës, ku fermerët po marrin asistencë për aplikimin në......
Deri në 30 vite burg për zjarrvënësit e qëllimshëm/ Ministri Lamallari prezanton masat në prag të sezonit veror dhe rritjes së riskut
Gjatë verës, Shërbimi Zjarrfikës e jo vetëm, do të jetë në gatishmëri të përforcuar, duke kryer patrullime dhe monitorim të territorit së bashku me agjenci......
Matura Shtetërore, Kumbaro: Rregulla strikte/ Arsimi drejt tregut të punës, nis “rrugëtimin” strategjia e re
Matura shtetërore do të zhvillohet nën rregulla strikte dhe në rast të daljes së tezës, maturantët do të përjashtohen nga procesi. Është kjo deklarata e......
DIVA, mbi 40 mijë aplikime për rimbursim/ Binaj: Kanë nisur pagesat, në total 77 mijë përfitues
Mbi 40 mijë aplikime janë bërë nga të punësuarit në vend për rimbursim përmes DIVA2025, ndërsa administrata tatimore ka nisur procesin e pagesave në......
“Garantojmë shërbime më të larta digjitale”/ Kryeministri Rama, në prezantimin e kompanisë Albanian Digital Solution
Albanian Digital Solution Sh.A, është kompania që ka në fokus modernizimin e shërbimeve si dhe të suportojë forcimin e inovacionit teknologjik në vend. Gjatë......
Më shumë leje ndërtimi për hotele, industri dhe tregti/ Ndërtesat jo rezidenciale përfaqësojnë rreth 5.18 miliardë lekë të vlerës
Ndërsa tregu i banesave ka prekur nivelet më të larta gjatë viteve të fundit, investimet në ndërtesa me funksion ekonomik duket se po fitojnë terren......
