Arkiv qendror për dokumentacionin ushtarak - Vendimi i Qeverisë, do të ofrojë dokumente deri 115-vjeçarë
Këshilli i Ministrave ka miratuar vendimin për krijimin e Arkivit Qendror në veprim për dokumentacionin teknik të tipologjisë së veçantë të armatimit, pajisjeve teknologjike ushtarake të forcave të armatosura, me seli në Tiranë.
Arkivi Qendror në veprim për dokumentacionin teknik të tipologjisë së veçantë të armatimit, pajisjeve teknologjike ushtarake të Forcave të Armatosura financohet nga buxheti i shtetit dhe burime të tjera të ligjshme, sipas legjislacionit në fuqi.
Buxheti i arkivit përbën zë të veçantë në buxhetin e Ministrisë së Mbrojtjes. Po kështu, arkivi qendror organizohet në nivel qendror dhe e ushtron veprimtarinë e tij në të gjithë territorin e Republikës së Shqipërisë, brenda fushës së përgjegjësisë së Ministrisë së Mbrojtjes, si dhe ka stemën, vulën e vet zyrtare e logon.Vula ka formën dhe elementet e përcaktuara, e cila prodhohet, administrohet dhe ruhet në përputhje me legjislacionin në fuqi.
Arkivi Qendror ka për mision ruajtjen, përpunimin, administrimin, digjitalizimin dhe shërbimin e dokumentacionit teknik të municioneve, të prodhimit të armëve dhe çdo dokument që i shërben kësaj industrie. Gjithashtu, ka për detyrë të tërheqë për ruajtje, administrim, digjitalizim, deklasifikim dhe shërbim të gjithë dokumentacionin e tipologjisë së veçantë të industrisë së prodhimit të armëve dhe të përpunimit të dokumentacionit tipologjik nga institucionet fondkrijuese.
Njëkohësisht, Arkivi Qendror ofron shërbim arkivor për qytetarët dhe subjektet e interesuara, për dokumentet e tipologjisë së veçantë të armatimit, pajisjeve teknologjike ushtarake të Forcave të Armatosura, që ka në ruajtje dhe administrim, nëpërmjet shërbimit të dokumenteve të tipologjisë së veçantë, të njësuara me origjinalin; shërbimi dhe shfrytëzimi i dokumenteve bëhet kundrejt pagesës.
Ndërkohë, Arkivi Qendror administron, digjitalizon dhe shërben dokumentacionin e tipologjisë së veçantë për një afat prej 115 vjetësh nga momenti i dorëzimit pranë këtij arkivi nga institucionet fondkrijuese. Institucionet fondkrijuese të Forcave të Armatosura, të cilat ruajnë, përpunojnë, administrojnë dokumentacionin e një tipologjie të veçantë dorëzojnë dokumentacionin pranë arkivit qendror, jo më vonë se 5 vjet nga data e mbylljes së operativitetit të dokumentit te fondkrijuesi.
Në Arkivin Qendror funksionon Komisioni i Ekspertizës, i përbërë nga jo më pak se 5 anëtarë, me kryetar drejtorin e arkivit. Komisioni i Ekspertizës harton listën konkrete të dokumenteve me rëndësi historike kombëtare dhe të dokumenteve me afat ruajtjeje të përkohshme, si dhe përcakton afatet e ruajtjes për këto të fundit jo më pak se 15 vjet dhe jo më shume se 25 vjet.
Tregu valutor në ‘të kuqe’ – Dobësohen sërish monedhat kryesore përballë Lekut!
Monedha europiane ka pasur sërish një zbritje të lehtë të vlerës këtë mëngjes duke u blerë sot me 97.6 lekë dhe duke u shitur me 98.3 lekë në raport me një......
BEI trefishon mbështetjen për mbrojtjen - Banka do të financojë 3 miliardë euro për të garantuar sigurinë e BE-së
Banka Evropiane e Investimeve, ka trefishuar skemën për të ndihmuar në financimin e industrisë mbrojtëse të bllokut në 3 miliardë euro. Krahu huadhënës i......
Pajisje “Made in Albania” për Forcat e Armatosura - Qeveria miraton shoqërinë e përbashkët për prodhimin e mjeteve motorike
Këshilli i Ministrave ka miratuar kushtet e negocimit të shoqërisë shtetërore “KAYO”, sh.a., me shoqëri tregtare private, për krijimin e një shoqërie......
Ulet numri i punonjësve me pagë minimale/ Sektorët publikë në rritje dyshifrore, bujqësia në fund të listës
Gjatë tremujorit të parë të vitit 2025, paga mesatare mujore bruto për një të punësuar në Shqipëri arriti në 82,210 lekë, sipas të dhënave të publikuara nga......
Integrimi në BE - Së shpejti hapet grupkapitulli katër për Shqipërinë
Shqipëria shënon një tjetër hap të rëndësishëm në rrugën e integrimit drejt Bashkimit Europian dhe brenda muajit qershor pritet të hapë grupkapitullin e......
“IA” nxit konsumin e energjisë në nivele rekord - Qendrat e të dhënave do të rrisin ndjeshëm kërkesën në SHBA
Qendrat e të dhënave, që kërkojnë shumë energji për të furnizuar inteligjencën artificiale dhe kriptovalutat, do ta shtyjnë konsumin e elektricitetit në SHBA......
BB ul parashikimet e rritjes globale - Shkak, barrierat tregtare dhe pasiguria politike
Banka Botërore uli parashikimet e rritjes ekonomike globale, duke përmendur tensionet e larta tregtare dhe pasigurinë politike si faktorë kryesorë. Trazirat......
Mbi 8400 aplikime online për leje ndërtimi/ Gjatë 5 muajve, Marsi dhe Prilli shënojnë numrin më të lartë
Sektori i ndërtimit në Shqipëri vijon të tregojë shenja të forta dinamike dhe interesi të lartë nga qytetarët dhe investitorët. Sipas të dhënave të......
