Shqipëria Postuar më 24 Mars 2025, 10:03

Anglia, qendër azilkërkuesish në Shqipëri? - Serbia dhe Bosnja e Hercegovina, gjithashtu pjesë e planit. Pagesa për vendet pritëse

Nga Ledina Elezi

Anglia, qendër azilkërkuesish në Shqipëri? - Serbia dhe

Qeveria britanike po konsideron që të gjithë ato persona, të cilëve u është refuzuar kërkesa për azil në Mbretërinë e Bashkuar, t'i dërgojë në qendra të veçanta që do të ndërtohen në Shqipëri.

Zyrtarët britanikë po diskutojnë krijimin e "qendrave të kthimit" jashtë vendit për të strehuar azilkërkuesit, të cilëve u janë refuzuar kërkesat dhe të gjitha apelimet janë ezauruar.

Propozimet, të cilat janë ende në një "fazë shumë të hershme", sipas një burimi qeveritar, do të përfshinin pagesa ndaj vendeve pritëse për çdo person të larguar nga Mbretëria e Bashkuar.

Media britanike BBC shkruan se qendrat jashtë shtetit do t'i mundësonin qeverisë të largojë azilkërkuesit që i janë refuzuar kërkesat dhe që vijnë nga vende që konsiderohen të pasigurta për ta për t'u kthyer, si Irani dhe Somalia.

Në fillim të këtij muaji, Komisioni Evropian paraqiti një propozim që shtetet anëtare të BE-së, të përdorin qendrat e kthimit si një zgjidhje "inovative" për "menaxhimin e migracionit". Sipas Komisionit Evropian, familjet me fëmijë dhe fëmijët e pashoqëruar do të përjashtoheshin nga skema. Çdo skemë e qendrës së kthimit do t'u kërkonte zyrtarëve të lidhnin marrëveshje me vendet që strehojnë azilkërkuesit.

Propozimet aktuale janë të fokusuara në vendet e Ballkanit Perëndimor, duke përfshirë Shqipërinë, Serbinë dhe Bosnje-Hercegovinën. Laburistët besojnë se skema mund të kursejë para, duke përshpejtuar procesin e zhvendosjes dhe duke rritur numrin e azilkërkuesve të përfshirë në këtë skemë.

Zyrtarët besojnë se mund të ndihmojë gjithashtu në zbutjen e presionit mbi buxhetet e autoriteteve vendore nga azilkërkuesit e pastrehë, të cilëve u është refuzuar kërkesa për azil dhe të cilët ata janë të detyruar ligjërisht t'i mbështesin.

Megjithatë, çdo skemë që përfshin qendrat jashtë shtetit për emigrantët ka të ngjarë të përballet me sfida ligjore, si dhe kundërshtime nga organizatat e refugjatëve.

BBC përmed gjithashtu rastin e Italisë me ndërtimin e dy qendrave për pritjen e emigrantëve të paligjshëm në Shëngjin dhe Gjadër të Shqipërisë. Italia ka kërkuar të përpunojë kërkesat e emigrantëve në këto dy qendra paraburgimi, por është bllokuar nga gjykatat italiane.

Një burim qeveritar britanik tha se çështja ishte "një sfidë e përbashkët në të gjithë botën dhe ne gjithmonë kemi thënë se ky problem ndërkombëtar ka nevojë për një zgjidhje ndërkombëtare".

Enver Solomon i Këshillit të Refugjatëve kritikoi propozimin e qeverisë, duke theksuar se puna e tyre me njerëzit dhe mbështetja për t'u kthyer në vendet nga kanë ardhur, është shumë më e suksesshme sesa dërgimi i tyre diku si Shqipëria, ku ata do të mbahen në kushte të pashmangshme të ngjashme me burgun.

Sondazh

Poll

Shqipëria 24 Mars Edel Strazimiri

Java nis negativisht për valutat kryesore – Dobësohen Franga e Dollari

Dollari amerikan e ka nisur javën në rënie duke humbur pikë nga java që lamë pas teksa është blerë këtë mëngjes me 90.8 lekë dhe është shitur me 92 lekë......