Analiza/ Si ndryshon qeveria Rama - Shifrat, 66.7% e ministrave me profil juridik dhe lidhje direkte me negiociatat
Ndryshimet e fundit në qeveri përbëjnë një rikonfigurim të dukshëm të kabinetit. Nga 17 portofolë në strukturën e kabinetit, 6 kanë ndryshuar drejtues, ose 35.3% e qeverisë. Nga këto 6 lëvizje, 4 janë zëvendësime të plota, ndërsa 2 janë ripozicionime të brendshme.
Enea Karakaçi zëvendëson Belinda Ballukun në Infrastrukturë dhe Energji
Ferit Hoxha zëvendëson Elisa Spiropalin në Punët e Jashtme
Ermal Nufi zëvendëson Pirro Vengun në Mbrojtje
Erjona Ismaili zëvendëson Toni Gogun në Marrëdhëniet me Parlamentin
Ndërkohë, kemi dy lëvizje të brendshme:
Besfort Lamallari kalon nga Drejtësia në Ministrinë e Brendshme
Toni Gogu kalon nga Marrëdhëniet me Parlamentin në Drejtësi
Një nga ndryshimet më të rëndësishme është ndarja e funksionit të Zëvendëskryeministrit nga portofoli i Infrastrukturës dhe Energjisë. Më herët, ky funksion ishte i përqendruar në një figurë të vetme (Belinda Balluku). Tashmë kemi një model të ri ku Albana Koçiu merr funksionin e Zëvendëskryeministres ndërsa Enea Karakaçi merr Ministrinë e Infrastrukturës dhe Energjisë
Kjo do të thotë se koordinimi qeveritar kalon nga një profil energjetik-politik në një profil administrativ-reformues. Koçiu vjen nga drejtimi i Departamentit të Administratës Publike që prej vitit 2013 – pra 12 vite në krye të reformës së shërbimit civil – ndërsa Karakaçi ka profil teknik në energji dhe rregullim sektorial.
Në 6 ministrat e ndryshuar:
4 nga 6 (66.7%) kanë formim juridik; Karakaçi, Lamallari, Nufi, Ismaili
1 profil diplomatik karriere 30+ vjeçare Ferit Hoxha
1 profil reformë administrative Albana Koçiu
Pra, dominon qartë profili ligjor në bllokun e ndryshimeve.
Dy nga gjashtë lëvizjet (33.3%) prekin drejtpërdrejt sektorin e sigurisë dhe drejtësisë. Këto dy ministri lidhen drejtpërdrejt me kapitujt 23 dhe 24 të integrimit europian, që konsiderohen ndër më të rëndësishmit në procesin e negociatave me BE-në.
Në Ministrinë e Jashtme kemi një ndryshim struktural të profilit ku kalohet nga Elisa Spiropali me profil politik/parlamentar te Ferit Hoxha – diplomat karriere që nga 1991
Hoxha ka qenë ambasador në BE, OKB, Francë, UNESCO dhe ka mbajtur postin e Sekretarit të Përgjithshëm të MPJ. Kjo përfaqëson kalim nga profil politik në profil teknik-diplomatik me mbi 30 vite eksperiencë.
Para ndryshimeve kabineti qeveritar kishte 9 gra dhe 8 burra
Pas ndryshimeve kabineti përbëhet nga 7 gra dhe 10 burra
Megjithatë, poste kyçe si Zëvendëskryeministrja, Ekonomia , Arsimi dhe Shëndetësia mbeten në drejtimin e grave.
Nga 6 ministrat e ndryshuar 3 prej tyre apo 50% kanë studime ose eksperiencë të gjatë jashtë vendit.
Por çfarë tregojnë këto shifra?
35% e kabinetit ndryshon ku 66.7% e lëvizjeve janë zëvendësime reale
66.7% e ministrave të prekur kanë formim juridic, ndërsa 50% kanë profil ndërkombëtar të theksuar.
Në thelb, kemi një riorganizim që forcon profilin ligjor dhe teknik të kabinetit, ndan funksionin e koordinimit politik nga menaxhimi sektorial në nivel Zëvendëskryeministrie dhe zhvendos diplomacinë drejt një modeli me karrierë profesionale.
Rivlerësimi në 60 bashki, i detyruar me ekspertë privatë - Përjashtohet Tirana, Eksperti Çanaj: Do të rriten kostot për qytetarët
Në 60 bashkitë e Shqipërisë rivlerësimi do të bëhet me ekspertë privatë dhe vlerën e tregut, ndërsa në Tiranë, qytetarët do të kenë mundësi të zgjedhin ta......
Grevat “paralizojnë” transportin në Gjermani - Pritet rikthimi i shërbimeve të dielën në mëngjes
Autobusët dhe tramvajët e transportit publik kanë nisur një grevë në pothuajse të gjitha shtetet federale gjermane që në orët e para të mëngjesit, pasi......
Sa kushton një banesë në metropolet europiane? Çmimet e pronave në Shqipëri ende “okazion” krahasuar me Europën
Tregu i pasurive të paluajtshme në Shqipëri vijon të mbetet ndër më konkurruesit në Europë sa i përket çmimeve, edhe pse vitet e fundit është përballur me......
Si është mbyllur kjo javë për valutat kryesore?
Dollari amerikan e ka mbyllur këtë javë negativisht duke humbur sërish pikë këtë mëngjes në raport me ditën e djeshme teksa është blerë sot me 81.1 lekë dhe......
BEI angazhoi 882 milionë euro për Ballkanin Perëndimor - Në 2025-ën, financime për transportin, sigurinë energjetike, digjitalizimin
Në vitin 2025, grupi i Bankës Evropiane të Investimeve (BEI) vijoi mbështetjen financiare në Ballkanin Perëndimor, në bashkëpunim të ngushtë me Komisionin......
1,500 kuota shtesë për kredi të buta në Tiranë - Programi, në mbështetje të familjeve dhe çifteve të reja pa banesë
Këshilli Bashkiak i Tiranës ka miratuar 1,500 kuota shtesë për skemën e kredisë së butë, si mbështetje për familjet dhe çiftet e reja që dëshirojnë të blejnë......
Amerikanët po largohen nga vendi në numër rekord - Një mundësi për jetesë më të qetë dhe me më shumë të ardhura
Numri i njerëzve që u larguan nga SHBA-të vitin e kaluar e tejkaloi numrin e atyre që erdhën, dhe kjo pabarazi nuk është vetëm për shkak të masave të ashpra......
Gjermania po plaket më shpejt - Më pak lindje për shkak të problemeve ekonomike dhe pasigurisë globale
Çdo grua në Gjermani lind 1.35 fëmijë. Kjo është larg shifrës statistikore prej 2.1 të nevojshme për të ruajtur popullsinë, sipas llogaritjeve nga Zyra......
