AIDA mbështetje deri në 2,5 milionë lekë për ndërmarrjet e vogla dhe të mesme!
Agjencia Shqiptare e Zhvillimit të Investimeve hap thirrjen për mbështetjen dhe zhvillimin e Ndërmarrjeve Mikro, të Vogla dhe të Mesme (NMVM), për vitin 2025. AIDA administron fondin “Për zhvillimin e ndërmarrjeve”, sipas përcaktimeve të nenit 11, të ligjit nr. 43/2022 “Për ndërmarrjet mikro të vogla dhe të mesme”, i cili financohet nga buxheti i shtetit.
Kjo thirrje mbështet zhvillimin e NMVM-ve duke synuar rritjen e konkurrueshmërisë së ndërmarrjeve, zhvillimin e produkteve dhe shërbimeve, inovacionin/rinovimin e teknologjisë, zhvillimin e artizanatit si dhe mbështetjen e grave sipërmarrëse me qëllim nxitjen drejt eksportit dhe forcimin e aftësive të tyre lidhur me shërbimet dhe produktet për një treg të qëndrueshëm. Kjo thirrje synon mbështetjen e NMVM-ve që e ushtrojnë veprimtarinë e tyre brenda territorit të vendit.
Projekt -propozimet e paraqitura nga NMVM-të duhet t’i përmbahen kritereve dhe kushteve të veçanta të përfitimit për NMVM për vitin 2025. Mbështetja financiare do të shkojë për mbulimin 100 % të shpenzimeve korente deri në 2, 5 milionë lekë.
Kostot e mbulueshme janë certifikimi i standardeve të prodhimit/shërbimit (përfshirë konsulencën përkatëse në fazën përgatitore); përmirësimi i produktit përmes etiketimit, ambalazhimit; trajnime të stafit të ndërmarrjes për rritje kapacitetesh në fusha të tilla si: menaxhimi i teknologjive digjitale/inovatore, rrjetet e prokurimit, shërbime marketingu, zhvillimin dhe modernizimin e infrastrukturës së biznesit, sisteme të reja logjistike softwerike apo pajisje të reja, etj, dhe pajisje me certifikatat përkatëse nga subjekte të licencuara për trajnime; pjesëmarrje në panaire ndërkombëtare me stenda të gatshme; krijimi i aplikacioneve apo platformave në funksion të zhvillimit të proceseve lidhur me tregtinë elektronike/e-commerce, produkteve të reja dhe/ose shërbimeve, për të përmbushur kërkesat e industrisë së tregut në vend dhe rajon për të përmirësuar biznesin, sistemet logjistike etj; përgatitja e materialeve promovuese si: Banera, fletëpalosje, katalogë, broshura për përmirësim të imazhit të NMVM-ve (jo më shumë se 20% e kostos totale të projektit).
AIDA do të mbështesë NMVM-të me në fond deri në 1,5 milionë lekë për mbulimin e shpenzimeve kapitale për blerjen e makinerive që ndikojnë në rritjen e prodhimit dhe përmirësimin e cilësisë së produktit, që lidhen me konkurrueshmërinë.
Njëkohësisht me një fond deri në 1 milion lekë do të mbështesë bizneset për blerjen e makinerive tradicionale për të përmirësuar kushtet e punës për biznesin, apo aplikacioneve dhe/ose programeve të e-commerce për zhvillimin e artizanatit.
Thirrja për projektpropozime do të qëndrojë e hapur deri më 28 shkurt 2025, ora 14:00. Projektpropozimet e paraqitura nga NMVM-të duhet të realizohen brenda vitit buxhetor që do të thotë se aktivitetet e propozuara duhet të zhvillohen brenda muajit nëntor 2025. Për më shumë detaje vizitoni: https://aida.gov.al/nmvm-eksporte/nmvm/fondet-e-aida-s/
Sondazh
Ndryshimet në deklaratën e Tatimit në Burim - DPT publikon detajet!
Drejtoria e Përgjithshme e Tatimeve ka njoftuar sot se ndryshimet në ligjin e ri të “Tatimit mbi të Ardhurat” kanë sjellë dhe ndryshime në deklaratën e......
TIA: Ka përfunduar me sukses rishikimi i sigurisë nga Këshilli Ndërkombëtar i Aeroportit!
Aeroporti Ndërkombëtar i Tiranës (TIA) ka njoftuar përmes rrjeteve sociale se ka përfunduar me sukses rishikimi i sigurisë nga programi APEX i Këshillit......
Paga mesatare në Mal të Zi, mbi 1,000 euro - Të ardhurat neto në dhjetor shënuan 24.3% rritje, në raport me 2023
Paga mesatare neto në dhjetor krahasuar me të njëjtin muaj të vitit 2023 shënoi një rritje prej 24,3 për qind.Paga mesatare neto në dhjetor krahasuar me të......
Rama: Së shpejti hekurudha Tiranë-Durrës do të jetë funksionale
Kryeministri Edi Rama u shpreh sot në rrjetet sociale gjatë rubrikës së tij të re “Sy m’sy” në Facebook dhe Instagram ku iu përgjigjet pyetjeve dhe komenteve......
333 milionë lekë për polin e festivaleve, Korçë - FSHZH hap tenderin, synohet zhvillim e turizëm
Fondi Shqiptar i Zhvillimit ka hapur tenderin për ndërtimin e godinave dhe parkut “Poli i Festivaleve dhe Industrisë Kreative” Drenovë, Korçë. Fondi limit i......
Transaksionet e dyshimta, cilët subjekte futen në listë? - Noterët, kontabilistët dhe agjentët e pasurive të paluajtshme, detyrim për raportim
Qeveria po merr masa për të shmangur pastrimin e parave në vend, duke i shtrirë ato në sektorë që janë konsideruar si problematike në këtë drejtim. Referuar......
Si ndryshoi tregu i sigurimit të automjeteve në 2024? - AMF: Kompanitë arkëtuan 7.6% më shumë prime se në 2023
Gjatë vitit 2024, të ardhurat nga primet e sigurimit të detyrueshëm motorik kanë pësuar një rritje të ndjeshme. Të dhënat nga Autoriteti i Mbikëqyrjes......
Trump ndalon tarifat për Meksikën dhe Kanadanë - Priten negociata për masat e sigurisë kufitare!
Presidenti amerikan Donald Trump ka rënë dakord të ndalojë tarifat e tij të kërcënuara ndaj Meksikës dhe Kanadasë për 30 ditë pasi të dy vendet ranë dakord......
