“Agjenda e Gjelbër kërkon buxhetim” - Muço: Të integrohet në kornizën e financave publike. Bashmili: Rëndësi, edhe financat vendore
Shqipëria ka ndërmarrë një sërë angazhimesh mjedisorë dhe klimatikë në kuadër të Agjendës së Gjelbër, por që këto angazhime të përkthehen në rezultate të prekshme, është thelbësore që ato të mbështeten me burime financiare, të planifikuara dhe të menaxhuara në mënyrë të qëndrueshme.
Në Konferencën Kombëtare “Buxhetimi me Integritet në Shqipëri”, organizuar nga Instituti për Demokraci dhe Ndërmjetësim, u diskutuan mënyrat sesi politikat duhet të përkthehen në parashikime konkrete buxhetore, duke propozuar integrimin e buxhetit të gjelbër në kornizën e financave publike.
“Kostot e përshtatjes sigurisht janë relativisht të larta për buxhetin modest që ka Shqipëria. Arrijnë në 6 mld për 10 vitet e ardhshme apo 0.6 - 1% të Prodhimit të Brendshëm Bruto në vit. Sugjerohet integrimi i buxhetit të gjelbër në kornizën ekzistuese të menaxhimit të financave publike. E njëtja gjë që ka ndodhur me buxhetimin gjinor, që u vendos, u përcaktua me ligj dhe tashmë ministria përcakton një fond, ku vitin e kaluar ishte rreth 700 mln lekë”, - tha eksperti i financave publike, Klodian Muço.
Sipas ekspertëve të mjedisit, ndryshimet klimatike, energjia e rinovueshme apo ekonomia qarkulluese janë sfida kryesore për vendin, ndaj buxhetimi i zgjuar, sidomos në nivel vendor duhet të jetë i bazuar në strategji.
“Lidhja e politikave kombëtare me politikat dhe veprimet që ndodhin në nivel qendror ka një fragmentim shumë të madh. Sot të gjitha bashkitë duhet të kishin implementuar tashmë pjesë nga Planet e Energjisë dhe Klimës, që duhet të bazoheshin kryesisht në ligjin “Për ndryshimet klimatike” dhe ligjin “Për eficiencën e energjisë”, si dhe në strategjitë dhe planet e veprimit për ndryshimet klimatike që janë në plan kombëtar, por bashkitë që ne monitoruam nuk i kishin këto plane”, - tha eksperti Kristi Bashmili, nga organizata All Green Centre.
Rëndësia që politikat mjedisore të shoqërohen me parashikime konkrete buxhetore është domosdoshmëri jo vetëm për t’iu përgjigjur me efektivitet sfidave të ndryshimeve klimatike, por edhe në drejtim të plotësimit të kushteve drejt anëtarësimit në Bashkimin Evropian.
Bizneset, kredi për “mbijetesë” dhe jo për rritje strategjike/ Zgjerohet ndjeshëm huaja për pajisje në Gusht, por bizneset e reja mbeten jashtë
Bizneset shqiptare vijojnë të marrin kredi kryesisht për të mbuluar nevoja të menjëhershme financiare dhe jo për investime afatgjata. Të dhënat e Bankës së......
Qytetarët, optimistë për blerjet e mëdha - BSH: Besimi në ekonomi tkurret me 1.3 pikë. Shërbimet dhe konsumatorët, të vetmit në rritje
Besimi në ekonomi nuk e ka ndalur prirjen rënëse edhe në shtator. Sipas vrojtimit të Bankës së Shqipërisë, treguesi i ndjesisë ekonomike u tkurr me 1.3 pikë.......
BSH ndërhyn, por zhvlerësimi i euros nuk ndalet - Bleu 161 mln euro në gjysmën e parë të vitit, 45% e kësaj shume në vetëm 2 muaj
Banka e Shqipërisë ka blerë 161.6 milionë euro në tregun e brendshëm gjatë gjysmës së parë të vitit, me qëllim rritjen e rezervës valutore dhe stabilizimin e......
Sa më shumë shkollë, aq më pak sipërmarrje/ Gjysma e të rinjve me arsim të lartë punësohen, por vetëm pak guxojnë të vetëpunësohen
Të dhënat më të fundit për tregun e punës në Shqipëri gjatë vitit 2024 hedhin dritë mbi një fenomen interesant që lidhet ngushtë me nivelin arsimor të të......
Shqipëria më pak e “plakur” se mesatarja europiane/ Raporti i varësisë ndaj të moshuarve arriti në 33.3% në vitin 2025
Raporti i varësisë së të moshuarve, i përcaktuar si përqindja e individëve të moshuar (të moshës 65 vjeç e lart) në raport me popullsinë në moshë pune......
Bostani shqiptar, produkti më i kërkuar në botë! - Vetëm në 8 muaj u eksportuan 54.6 mijë ton në tregjet e huaja
Sasia e produkteve të prodhuara në tokën shqiptare që kanë shkuar në tregjet botërore ka arritur në 361.994 ton deri në muajin Gusht 2025. Krahasuar me......
Universiteti po humbet terren, të rinjtë drejt zanatit - Hasalla: Është ndryshuar mendësia, arsimi profesional po merr përparësi
Gajtë periudhës janar-gusht të këtij viti, 7589 individë kanë marrë formimin profesional. Këto shifra tregojnë një rritje me 49%, krahasuar me të njëjtën......
“Siguri e nivelit të lartë për infrastrukturat kritike” - Më tepër kërkesa në marrëveshjet me palët e treta. Plane emergjence për sulmet kibernetike
Infrastrukturat kritike dhe të rëndësishme të informacionit do të zbatojnë disa masa të reja për të përmirësuar sigurinë e tyre kibernetike. Bëhet fjalë......
