AAPSK thellon kontrollin dhe transparencën në administrimin shtetëror të pronave të konfiskuara
Administrimi shtetëror i pasurive të sekuestruara dhe të konfiskuara nga drejtësia ka njohur një rritje të ndjeshme të të ardhurave në muajt e fundit. Agjencia e Administrimit të Pasurive të Sekuestruara dhe Konfiskuara (AAPSK), si institucion përgjegjës për menaxhimin e këtyre pasurive, ka intensifikuar përpjekjet për të garantuar transparencë, ligjshmëri dhe efikasitet në funksionimin e subjekteve të vendosura nën administrim shtetëror.
AAPSK po zhvillon paralelisht me inventarizimin e të gjitha pasurive të sekuestruara dhe të konfiskuara, të cilat tashmë janë të gjitha të publikuara në faqen zyrtare të institucionit, edhe një procesi verifikimi dhe auditimi të të gjitha shoqërive të sekuestruara ose konfiskuara nën administrim shtetëror.
Një nga këto raste është shoqëria “Ora” sh.a., e cila është konfiskuar me vendim të formës së prerë nga Gjykata e Posaçme dhe prej vitit 2023 ndodhet nën administrimin e AAPSK. Gjatë kësaj periudhe, Agjencia ka zhvilluar një auditim të thelluar të veprimtarisë së mëparshme të shoqërisë, duke konstatuar shkelje të rëndësishme në administrimin financiar e ligjor nga administratorët e mëparshëm të shoqërisë.
Në përputhje me legjislacionin në fuqi, AAPSK ka referuar rastet pranë SPAK dhe Prokurorisë së Juridiksionit të Përgjithshëm për ndjekjen e mëtejshme të personave përgjegjës. Këto veprime përfaqësojnë një qasje të qartë ndaj ndëshkimit të abuzimit me pasuritë publike dhe vendosjen e standardeve të larta në menaxhimin shtetëror.
Ndërkohë, në përputhje me legjislacionin në fuqi dhe me vendimet e organeve gjyqësore, Agjencia do të adresojë sipas rastit të gjitha detyrimeve e prapambetura ndaj punonjësve të “Ora” sh.a., përfshirë edhe pagesat e kontributeve të sigurimeve shoqërore.
Rritja e të ardhurave nga subjektet nën administrim është tregues i qartë i përmirësimit të performancës dhe eficiencës së strukturave të AAPSK. Kjo konfirmon se pasuritë e sekuestruara dhe të konfiskuara mund të kthehen në burime reale vlere për buxhetin e shtetit dhe shoqërinë, kur menaxhohen me përkushtim dhe integritet.
AAPSK mbetet e angazhuar të vijojë misionin e saj në zbatim të ligjit nr. 34/2019, të ndryshuar, duke garantuar që çdo pasuri nën administrim shtetëror të shfrytëzohet në funksion të interesit publik dhe parimeve të llogaridhënies.
Balluku në Kuvend për biokarburantet - “Lehtësira fiskale për përdorimin e tyre. Të nxitet edhe kultivimi i bimëve energjetike”
Është diskutuar në seancën plenare projektligji “Për prodhimin, transportin, tregtimin dhe përdorimin e biokarburanteve dhe të lëndëve të tjera djegëse, të......
Presionet e Trump mbi Fed rrëzojnë dollarin - Zëvendësimi i mundshëm i Powell “lëkund” tregjet dhe forcon euron
Dollari ra në nivelet më të ulëta shumëvjeçare kundrejt euros dhe frangës zvicerane të enjten, pasi shqetësimet për pavarësinë e Rezervës Federale të SHBA-së......
Sa u ndikuan kreditë nga kursi i këmbimit? - BSH: Forcimi i lekut solli rënien e huave të pambrojtura në 23.5% gjatë 2024
Gjatë vitit 2024, bankat kanë dhënë më shumë kredi ndaj sektorit privat sesa ndaj individëve. Shifrat tregojnë se 60% e kredisë është marrë nga bizneset dhe......
Energjia, rekord emetimesh globale të CO2 - Raporti: Ndotja në këtë sektor u rrit për të katërtin vit radhazi
Emetimet globale të dioksidit të karbonit nga sektori i energjisë arritën një nivel rekord për të katërtin vit radhazi vitin e kaluar. Përdorimi i lëndëve......
Central diellor 62 MW në Kolonjë - Projekti miratohet në qeveri, nuk përfiton nga masat mbështetëse
Qeveria ka miratuar ndërtimin e një centrali fotovoltaik me kapacitet 62 MW në fshatin Taç Lartë të Bashkisë Kolonjë. Projekti do të zbatohet nga kompania......
Gjermania ka 500 super të pasur më shumë - Me rreth 3,900 persona, vendi renditet i treti në botë pas SHBA-së dhe Kinës
Në Gjermani numërohen rreth 3.900 të ashtuquajtur super të pasur, njerëz me pasuri financiare mbi 100 milionë dollarë. Brenda një viti numri i super të......
Asetet e krimit kthehen në biznese sociale - Projekti “Toka jonë”, inovacion në fuqizimin e komuniteve lokale
Tokat bujqësore të konfiskuara nga krimi i organizuar do të vihen në funkson të ripërdorimit, përmes zhvillimit të bujqësisë sociale si një instrument......
Nga pastrimi i shtëpisë, te pensioni i parakohshëm - Papunësia/ 39 mijë të dekurajuar, 60 mijë të “zënë” me shtëpinë
Ndonëse punësimi është rritur në tre muajt e parë të vitit, një pjesë e popullsisë, që në përqindje mund të duket e vogël, por në shifra ka peshë, nuk është......
