AAPSK forcon bashkëpunimin ndërkombëtar në fushën e administrimit të pasurive të sekuestruara dhe të konfiskuara
Kryeadministratorja e Agjencisë për Administrimin e Pasurive të Sekuestruara dhe të Konfiskuara (AAPSK), znj. Risena Xhaja priti në një takim z. John Tacey, Drejtues për Financat e Paligjshme pranë Njësisë për Ballkanin Perëndimor në Këshillin Kombëtar të Shefave të Policisë (NPCC) të Mbretërisë së Bashkuar.
Takimi u zhvillua në nisje të vizitës zyrtare në Tiranë të ekspertit britanik, në kuadër të angazhimit të AAPSK për të forcuar më tej bashkëpunimin ndërkombëtar dhe implementimin e praktikave më të mira në menaxhimin e pasurive të sekuestruara dhe konfiskuara.
Takimi pason diskutimet e zhvilluara mes palëve në kuadër të vizitës zyrtare të AAPSK muajin e kaluar në Londër dhe përcakton modalitetet për forcimin e bashkëpunimit me autoritetet britanike, si edhe rritjen e mbështetjes së tyre edhe në kuadrin rajonal.
Gjatë takimit u evidentua rëndësia e rritjes së transparencës dhe eficiencës në proceset e administrimit të pasurive, si dhe nevoja për thellimin e bashkëpunimit ndërinstitucional dhe ndërshtetëror në këtë fushë. Palët ndanë eksperienca dhe praktika konkrete mbi funksionimin e mekanizmave respektivë, si dhe identifikuan fusha të mundshme për bashkëpunim të mëtejshëm teknik dhe strategjik.
Ky dialog përfaqëson një hap të rëndësishëm në konsolidimin e marrëdhënieve ndërkombëtare të AAPSK dhe në përmbushjen e misionit të saj për të garantuar administrimin e drejtë, efikas dhe transparent të pasurive që janë subjekt i masave të sekuestrimit apo konfiskimit, në përputhje me legjislacionin në fuqi dhe standardet më të mira evropiane.
Sondazh
Inteligjenca artificiale mund të parandalojë zjarret - Metoda e re identifikon vatrat e mundshme, analizon faktorët e rrezikut
Një institut evropian i kërkimit klimatik po përdor inteligjencën artificiale (IA) për të parashikuar më saktë probabilitetin e zjarreve në të gjithë......
“Skanimi ka ulur ndjeshëm kontrabandën” - Rama: Porti i Durrësit do të jetë me nivelin më të lartë të teknologjisë
Kryeministri Edi Rama mori pjesë në një aktivitet të zhvilluar në Portin e Durrësit, ku u takua me përfaqësues të bizneseve të transportit, për të dëgjuar......
Evropa regjistron marsin më të ngrohtë në histori - Ndryshimet klimatike rritën temperaturat, shkaktuan përmbytje e thatësira
Evropa përjetoi marsin e saj më të ngrohtë që nga fillimi i regjistrimeve, ndërsa ndryshimet klimatike vazhdojnë t'i shtyjnë temperaturat në nivele të......
“Integrimi në BE, vetëm përmes reformave” - Kallas: Duhet bashkëpunim me të gjitha palët, Rama: Të mbyllim negociatat në 2027
“Shqipëria e ka vendin në Bashkimin Evropian, por nuk ka rrugë të shkurtër veç zbatimit të reformave”. Nga Tirana, shefja e diplomacisë së BE, Kaja Kallas......
Balluku: Së shpejti paraqesim projektin e Hekurudhës së Kombit
Zëvendëskryeministrja, Belinda Balluku, njëherësh ministre e Infrastrukturës dhe Energjisë deklaroi sot se marrëveshja e nënshkruar me BEI për financimin e......
“Shqipëria, më afër BE-së” - Dialogu për sigurinë, Hasani: Pasqyron progresin e vendit
U zhvillua sesioni i parë i Dialogut për Sigurinë dhe Mbrojtjen në Shqipëri. Përfaqësuesja e Lartë e BE-së për Politikën e Jashtme dhe të Sigurisë, njëherësh......
BE i ofron Indisë tarifa “zero” për makinat - Por, Nju Delhi kërkon ulje graduale për të mbrojtur prodhuesit vendas
Bashkimi Evropian dëshiron që India të eliminojë tarifat për importet e makinave sipas një marrëveshjeje tregtare që ka mbetur pezull prej kohësh.......
Bulmeti “mban mbi shpinë” barrën e çmimeve/ Inflacioni ngjitet në 2.1% në Mars. Argëtimi vazhdon të kushtojë më shtrenjtë
Inflacioni në vend për muajin Mars ka prekur një vlerë prej 2.1%, nga 1.9% që regjistrohej në muajin e dytë të vitit aktual. Ndërkohë, rënia regjistrohet......
