A do të vijojë rritja e çmimit të banesave? Kërkesa mbetet e qëndrueshme për shkak të migrimit dhe “boom”-it të turizmit
Sipas studimit të Investropa që nga fillimi i vitit 2026, tregu i pasurive të paluajtshme në Shqipëri po ndikohet nga një kombinim faktorësh demografikë dhe ekonomikë që po ushtrojnë presion të përzier mbi çmimet. Lëvizja e popullsisë nga zonat rurale drejt atyre urbane, sidomos drejt Tiranës, si dhe hyrjet ndërkombëtare, po mbështesin kërkesën në kryeqytet dhe në zonat bregdetare. Në të kundërt, rënia e përgjithshme e popullsisë për shkak të emigrimit dhe nivelit të ulët të lindjeve po kufizon kërkesën në qytetet dytësore.
Tirana ka kaluar mbi 500 mijë banorë, ndërsa shumë zona rurale vijojnë të shpopullohen. Përqendrimi i të rinjve dhe i forcës punëtore në kryeqytet ka rritur kërkesën për apartamente, duke mbajtur çmimet në nivele të larta. Paralelisht, kthimi i shqiptarëve të diasporës, të cilët blejnë shtëpi të dyta ose prona për pension, si dhe rritja e komunitetit të të huajve dhe punëtorëve në distancë që zgjedhin të jetojnë në Shqipëri, kanë shtuar presionin mbi tregun, veçanërisht në zonat turistike.
Përtej demografisë, një rol të rëndësishëm luan edhe turizmi. Në vitin 2025, numri i vizitorëve arriti në rreth 12 milionë, duke nxitur investimet në prona për qira afatshkurtër. Platforma të tilla e kanë bërë pronësinë më fitimprurëse, sidomos në qytetet bregdetare. Ndërkohë, rritja e kostove të ndërtimit ka shtuar vlerën e zëvendësimit të banesave, ndërsa investimet e huaja, të nxitura edhe nga pritshmëritë për integrimin europian, kanë forcuar më tej kërkesën.
Sipas analizave të bazuara në të dhënat e INSTAT, parashikimet e Eurostat dhe vlerësimet e Bankës Botërore, këto presione pritet të vazhdojnë për 3 deri në 5 vitet e ardhshme, për sa kohë që turizmi ruan ritmet dhe procesi i integrimit në BE mbetet në rrugën e duhur. Megjithatë, ritmi i rritjes së çmimeve mund të ngadalësohet ndërsa tregu bëhet shumë më i shtrenjtë në raport me të ardhurat vendase.
Berlin: Ibrahimaj firmos marrëveshje për inovacionin – Tirana synon të bëhet qendër rajonale e teknologjisë
Ministrja e Ekonomisë dhe Inovacionit, Delina Ibrahimaj, zhvilloi një vizitë zyrtare në Berlin ku nënshkroi Deklaratën e Përbashkët të Qëllimit (DPQ) me......
Deklarata e re për bizneset, kush duhet ta plotësojë? - Deklarohen të ardhurat personale. Rimbursim për fëmijët, afati deri më 31 mars
Për herë të parë, të ardhurat personale nga biznesi deklarohen përmes deklaratës së re TAPB (Deklarata e re për të Ardhurat Personale nga Biznesi) e cila......
Kursi i këmbimit/ Forcohet Dollari amerikan dhe Paundi britanik
Dollari amerikan ka shënuar një rritje të kuotës mëngjesin e sotëm duke u forcuar nga një ditë më parë teksa është blerë me 82.2 lekë dhe është shitur me......
“Punë për të gjithë”, 6.500 vende të lira në të gjithë vendin - AKPA: Qindra profesione në kërkim të kandidatëve
Agjencia Kombëtare e Punësimit dhe Aftësive bën të ditur se aktualisht në portalin zyrtar puna.gov.al janë të shpallura rreth 6.500 vende të lira pune në......
“Lufta nuk do të zgjasë me vite” - Deklarata e Netanyahu, ndërsa konflikti zgjerohet edhe në Liban
Kryeministri izraelit Benjamin Netanyahu tha se lufta kundër Iranit "nuk do të zgjasë me vite", ndërsa konflikti u zgjerua me Izraelin që sulmoi përsëri......
Rriten kostot globale të transportit të naftës e gazit - Për shkak se Irani mbylli ngushticën e Hormuzit
Tarifat globale të transportit të naftës dhe gazit u rritën ndjeshëm, me kostot e supertankerëve në Lindjen e Mesme që arritën nivele rekord. Konflikti......
Si do të ndikojë konflikti në tregjet evropiane të energjisë? - Politikëbërësit duhet të planifikojnë një bllokim të gjatë në Lindjen e Mesme
Sulmet kundër Iranit nga Shtetet e Bashkuara dhe Izraeli kanë rihapur çështjen më të rëndësishme të sigurisë energjetike në ekonominë globale, ndërprerjen e......
Studimi/ Kamza, “hotspot”-i energjetik i Shqipërisë - Densiteti i kërkesës për ngrohje është rreth 4 herë më i lartë se në Tiranë
Kur flitet për energjinë në Shqipëri, vëmendja zakonisht përqendrohet te Tirana si qendra më e madhe urbane e vendit. Megjithatë, sipas raportit të fundit të......
