“76.2 mln euro përfitim si mbështetje buxhetore”/ WBIF, riafirmon partneritetin strategjik me BE
Shqipëria vijon të bëjë hapa të rëndësishëm përpara në përmbushjen e angazhimeve të saj në kuadër të Instrumentit për Reforma dhe Rritje, një mekanizëm kyç i Bashkimit Evropian që mbështet reformat strukturore, rritjen ekonomike dhe përshpejtimin e procesit të integrimit evropian të vendeve të Ballkanit Perëndimor.
Gjatë vizitës së misionit monitorues të Programit të Investimeve për Ballkanin Perëndimor, platformë financiare e krijuar nga Bashkimi Evropian, institucionet financiare ndërkombëtare dhe donatorët dypalësh, me qëllim financimin dhe mbështetjen e projekteve prioritare në infrastrukturë, energji, mjedis, transport, digjitalizim dhe zhvillim social në vendet e Ballkanit Perëndimor, është riafirmuar partneriteti strategjik me BE.
Falë Instrumentit për Reforma dhe Rritje, si dhe mbështetjes së ofruar përmes WBIF, për periudhën raportuese nga dhjetori 2024 deri në qershor 2025, Shqipëria ka përfituar mbi 76 milionë euro mbështetje buxhetore. Këto fonde, së bashku me grantet për projekte strategjike në vlerën e 381 mln eurove, të cilat janë në zbatim, po kontribuojnë drejtpërdrejt në zhvillimin ekonomik të vendit dhe në përmirësimin e cilësisë së jetës së qytetarëve. Ministri i Finacave Petrit Malaj, thekson se investimet e mbështetura nga Bashkimi Evropian dhe institucionet financiare ndërkombëtare po ndihmojnë në modernizimin e infrastrukturës, forcimin e sektorëve strategjikë dhe krijimin e mundësive të reja për bizneset dhe komunitetet lokale.
Shqipëria thekson Malaj, mbetet plotësisht e angazhuar për të përshpejtuar procedurat, për të garantuar zbatim më eficient, transparent dhe në kohë të projekteve, si dhe për të siguruar që çdo investim të sjellë rezultate konkrete dhe të qëndrueshme për zhvillimin e vendit.
Në partneritet me Bashkimin Evropian, po vijohet për arritjen e objektivave për një Shqipëri më të zhvilluar, më konkurruese dhe plotësisht të integruar në familjen evropiane. Kapacitet financiare për investime zhviillimore gjatë dekadës së fundit janë dyfishuar me një mesatare prej rreth 440 mln euro në vit.
Inteligjenca artificiale po ndryshon zyrat/ Nga shkrimi i email-eve tek marrja e vendimeve
Përdorimi i inteligjencës artificiale në vendin e punës po evoluon me ritme të shpejta, duke kaluar përtej automatizimit të detyrave rutinë dhe duke u......
Euro “braktiset” nga huamarrësit/ Kreditë në lekë fitojnë terren përgjatë katër muajve të parë të vitit
Sipas të dhënave të “Bankës së Shqipërisë”, huaja e re e disbursuar nga sistemi bankar arriti në 137.7 miliardë lekë në katër muajt e parë të vitit 2026, nga......
''Evropa zien”, Portugalia rekord me 40.3°C/ Vala e të nxehtit po ‘‘pushton’’ kontinentin
Portugalia vendosi rekord të ri me një temperaturë prej 40.3 gradësh në maj, duke thyer rekordin e mëparshëm prej 40°C të vendosur në maj të vitit 2001. Vala......
Shqiptarët flasin më pak në telefon/ AKEP: Po konsumojnë më shumë internet. Rritje me 22% në tremujorin e parë
Interneti po kthehet gjithnjë e më shumë në mënyrën kryesore të komunikimit për shqiptarët. Të dhënat më të fundit të AKEP për tremujorin e parë të vitit......
Prokurimet, 11.2 mln lekë në buxhetin e shtetit në Prill/ Një në dy ankesa pranohet, çfarë tregojnë të dhënat e KPP-së?
Ankesat për tenderët publikë vijojnë të mbeten të larta. Vetëm gjatë muajit prill, në Komisionin e Prokurimit Publik janë regjistruar 112 ankesa, të gjitha......
ARRSH, projekt të ri për hyrjen veriore të Tiranës/ Kozeli: Lidhje e re edhe me rrugën e Arbrit. Zgjerimi i Tiranë – Durrës, deri në Vorë
Autoriteti Rrugor Shqiptar do të nisë projektimin për hyrjen veriore të Tiranës, një projekt që synon të lehtësojë trafikun në kryeqytet. I ftuar në......
Vendim historik për shtetësinë nga Gjykata e Lartë Greke/ Jo më kusht të ardhurat, përfitojnë mijëra emigrantë shqiptarë
Gjykata e Lartë Administrative e Greqisë, ka marrë një vendim të rëndësishëm, i cili sjell një ndryshim të dukshëm në mënyrën se si trajtohen kërkesat për......
TIA thyen rekorde të reja, mbi 1.1 milionë pasagjerë në Prill/ Londra destinacioni kryesor, rritja e mbështetur nga investimet
Aeroporti Ndërkombëtar i Tiranës ka regjistruar tjetër muaj rekord, duke konfirmuar trendin e fortë të rritjes së trafikut ajror në Shqipëri. Sipas të......
